Aesaya 9:1 - mzwDBL

¹ Kɛ ane abwa, wenaale bɛlbwa toole dɛ ba nɛra ba bwara aa dɛ nyɛɡ nɛ. Saŋ la, Korowii ɡelɔ Sebulon ne Naftale deene tena harɛre sɔn ba harɛ. Kɛ kerekere wɛɛ ɡeloo Galilia harɛ ta bela hɔɔhra aa wara dɛ koo Juu tena bini la bwa dɔ jirima. Harɛ waa lɔ Jɔɔdan Moo la baŋ, dɛ kpɔ dɛɛ kaa moo la nyoa bela bwa.

Aesaya 9:1 Iomraidhean Croise

2 Koranar 15:29

Kooro Pɛka aa di kora Israel harɛ ta la taa Asiiria koojen Tiɡlat Pilesa kpɔ o laa tena ba yo, dɛ lɛ bwɛjena ane baa dɛ yera Ijon ne Ebel Bɛt Maaka, ne Janoa ne Kedes dɛ Hasɔ. O berɔ ka lɛ Gelead ne Galilia harɛre, dɛ kpɔ Naftale dea harɛ bwa ja, dɛ larawe Israel tena baa lɔ bela kaa Asiiria harɛ ta.

1 Webena 5:26

Anomanta, Korowii Israel tena aa dɛ tomɔ ɡelɔ Asiiria koojen Pul baa bera dɛɛ yerɔ Tiɡlat Pilesa ka yoo ba, dɛ lawɛ Rubin ne Gad dea, dɛ Manasɛ dea pera tena bwa laa ta kaa harɛfale ta. O kaa bane Hala ne Habɔ ne Hara dɛ Gosan Moo ta. Ba lɔ bela dɛ ba le fini.

2 Webena 16:4

Kooro Bɛn Hadad no Kooro Asa be dɛ tomɛ o laa sitɔɔla ne ba laa tena ŋɔ, bá ka yo Israel harɛ bwɛɛre. Ba pɔ Ijon ne Dan dɛ Ebel Bɛt Maaka bwɛɛre, dɛ Naftale dea harɛ bwɛjena baa dɛ cheɡ laala a bini bwa.

Aesaya 8:22

Ásɛ dɛ berɛ nyiŋi harɛ, baa komɛlbwaa na ka ja wahala ne ɡɛ bɔr aa bira kpirkpir dɛ do ɔma, ásɛ ba ɡbɔɡ ba ta biro tenten la ta.

Lewi Dea Tena 26:24

n ɡbabir ɛɛ beɡre sie he nɛɛ, dɛ́ tɛr he deŋne kohona a ɡwaa loɡla kwaa la bele anuanɛ ja.

Lewi Dea Tena 26:28

ate mɛɛ kpɔ n bandia kohonaa ba ta he nɛ, dɛ́ tɛr he deŋne bele anuanɛ ɡwa wubwa la.

Amanesoma Luk Aa Chwera Tɔn 24:27

Asɛ Yeesu baɡ ba o bwara waa aa lɔ Korowii Tɔn la bwa bini. O pa mun le anɔ la aa lɔ Mosis Tɔne la bini dɛ baɡle kaa anɔ la aa lɔ Korowii keamere kwaa la ta.