Aesaya 8:9 - mzwDBL

⁹ Anomanta, harɛre nɛra, hé lawɛ he te pɛ dɛ́ so ɔmee ta! Harɛre haa lɔ bojaŋa bwa nɛra, hé no. Hé kpɔ he te dɛ́ ka yo, kɛ hɛɛ ɔmɛ! Hé kpɔ he te dɛ́ ka yo, kɛ hé ɔmɛ!

Aesaya 8:9 Iomraidhean Croise

1 Koranar 20:11

Kooro Ahab ŋɔ, “Hé ka ŋɔ o be ŋɔ laa te tenten bɛlbwa aa won maŋkura o te, nemenɛ laa la aa tona mɔɔ.”

Sɛɡla 11:21

A ɛ kpela kɛŋɔ wechɔɡ-ɛɛra ɛɛ dɔ deŋnetɛraa, kɛ nɛndɛɛɡa te ɛɛ dɔ ba nyuu.

Aesaya 28:13

Baa wobɛlbwa Korowii aa dɛ bol ba be mun no. Ba bol waa la sie, dɛ ba bolɔ ba habɔɔ tɔpere bɛlbwa, asɛ ba le habɔɔ dɛ ka choɡli, dɛ foɡri, dɛ jo bel ta ba laɡ ba.

Aesaya 37:36

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ, dɛ ba na ɡɛ nɛra la aa serewa chɔ bobɛlbwa.

Aesaya 54:15

Nomɛlbwa nyini naɡra aa, n be laa a le. Bɛlbwa waa kpɔ yoi ba pui la aa hen wo.

Jeremia 42:11

He bɛ Babelɔn kooro haa dɛ ɔmɔ taraken nɔ ɔmɛ. Men Korowii ŋɔ he bɛ on ɔmɛ, dɛkalkɛ n ja he nɛɛ dɛ́ won lɛ heyaa le o nɔn ta.

Jeremia 46:3

Ijipt laa nomonome nyɛɡɔ ŋɔ, “Hé kpɔ kwaa haa kpɔ tɔ he te ɡbemɡbe laa ta, anjeɡre ne anjena dɛ́ le ka yo laa.

Jeremia 46:4

Hé kpɔ kwaa darawe jaɡre nɛ, dɛ́ teeh so a ta. Bɛlbwa ka che o chebɔr, dɛ́ kpɔ o ɡbɛrɛ pi. Hé sar he lampeare nyoo dɛ́ kpɔ he laa laala do.

Jeremia 51:20

Korowii ŋɔ, “Babelɔn, he do kɛŋɔ n hamba waa ɛ n dɔmkon mɛɛ la o ne laa. Henee n kpɔ yo harɛre nɛra, dɛ paɡre ba harɛre ne ba koranar.

Ɛsekeɛl 38:7

Ŋɔ o be ŋɔ o ne o laa tena damanta baa baa ja o nɛɛ bwa ir, dɛ́ kpɔ ba te, ásɛ o tɔ ba sie.

Ɛsekeɛl 38:8

Bene ane habɔɔ la, mɛɛ ɡeloo o nyin dɔmkwa, dɛ́ ka bar Israel harɛ ba fa aa yoo o chɔ pɛɛ la. O nɛraa ba boa ba nyoa le harɛre ta, ba ba so deŋnesɔɔhna ta la.

Josua 11:5

A ɡɛ koranar nɔ bwa kpɔ ba laa tena pɛ, dɛ baŋre ba tɛnte deene nee Mɛrɔm nyoa, dɛ́ yo Israel tena.