Aesaya 7:9 - mzwDBL

⁹ Israel harɛ ta bwɛjen laa Samaria aa? Kooro Pɛka ɡee bwɛɛ la nyu te. Onee umeo? Dɛ he ta yarada dɔe dɛ che kiŋkiŋ naa, haa won che kɛrɛdɛ kpa.”

Aesaya 7:9 Iomraidhean Croise

2 Koranar 15:27

Kooro Ussia aa di kora Juda harɛ ta bene fifraanue dɛ anɛ taa Remalia bibaa Kooro Pɛka di kora Israel harɛ ta. O soɡe Samaria di kora bene fifraanɛ.

2 Webena 20:20

Tɔ aa pera chɔɔ la, ba leɔ kaa Tekoa pua hɛŋle ɡbo harɛ ta bela. Baa dɛ ba kaala la, Kooro Jehosafat iro che dɛ ŋɔ, “Hé no, Juda ne Jerusalam tena. Hé yarada Korowii haa dɛ tomɔ la, dɛ́ yarada waa o keamere ɡe aa bola la, aa chiɡ heyaa kɛrɛdɛɛ.”

Aesaya 28:1

Israel harɛ bwɛɛlɛ! O jirima dɛ dime kɛŋɔ kwaa fee aa lɔ sitɔɔla baa ɛ sennyɔɔra kooɡbɛrɛre ta dɛɛ lee la. Ba nyuune baa ɡɔɔra dɛɛ valɛ sɔɔh konsɔɔhsoma, kɛ ba dɛɛrɔ chɔ.

Aesaya 5:24

Anomanta, ɡɛ ninlao yon piɡri lawɛ jaaɡesɛɛh dɛ́ fuah, kɛɛ dɛ yon fuh kpɔɡhola la, ɡɛɛ he ɡe ɛɛ ba tona kɛŋɔ kpɔɡa lune yon pɔh a fee ɡe hol, peu kpɔa kaa kɛŋɔ tutuɡ ken, dɛkalkɛ he vɛh Nemenɛ Korowii Mmara la, dɛ lii Israel Nɛŋɡoroŋ waa waa kpɔa baɡle heyaa la wepuu.

Aesaya 7:10

Korowii tomɔ ba ka ŋɔ Kooro Ahas be ja ŋɔ,

Aesaya 7:4

Ŋɔ Kooro Ahas be ŋɔ ó sɔɔh bwara, wɛ́ɛ berɛ ɔma. Wɛ́ɛ berɛ ɡela o bambile chɔɡ. Ŋɔ o be ŋɔ, nindaa anɛ chuu ɔma ɡwaa Kooro Resin, ne o harɛ Siiria tena dɛ Kooro Pɛka ne o nɛra bandia.

Aesaya 8:4

Bie la ne kpeɡa dɛ́ jemɛ ‘nya’ ne ‘mɛɛ’ yera la, dɛ Asiiria koojen baa pa Damaskɔs tena kondɔɔh ne Samaria tena laala laa ta kaa.”

Aesaya 9:9

ásɛ nɛra la bwa jemɛ a wa. Israel ne Samaria tena la dɛ ɡɔɔ ba te dɛɛ maŋkura ba te dɛ ŋɔ,

Jeremia 43:2

Belaa Hosaya bibaa Asaria ne Karea bibaa Johanan, dɛ deŋnekpeɡ baala bane ba ŋɔ n be ŋɔ, “He dɛ teŋe nyosone! Korowii yaa dɛ tomɔ ta hen tomɛ ŋɔ yá ɡel Ijipt laŋa.

Maeka 1:5

Israel tena baa ɛ Jekɔb naanar wechɔɡa baa ɛ Korowii waa a bwa ba ɡɛ. Bamewaa ɡela Israel tena ɛ deŋnekpeɡ ɔ? Samaria koobwɛɛ nɛra laa aa? Bamewaa dɛ́ di bolchɔɡe voɡa baa dɛ tomɛ Juda harɛ ta waɔ? Jerusalam tenaa.

We-ɛɛla 27:11

Pɔɔl aa bol ɡɛ la, sooja nomoa la ta o be noɛ. O teŋɛ nɛn waa dɛ valɛ stiimae la ne, ne stiimae te la nyoa wobol ta.

We-ɛɛla 27:25

Pɔɔl aa bol ɡɛ la, o ŋɔ ba be ŋɔ, “Anomanta, he bɛ ɔmɛ, dɛkalkɛ n dɛ yarada Korowii. N jemɔ kɛŋɔ ɡɛ waa bola la, ɡɛɛ aa ba ɛɛ.

Tɔn Pɔɔl Aa Chwerɛ Rom Tena 11:20

He ŋɔ ɡɛ naa, kpelaa he ŋɔ. Baa wola Yeesu waa la yaradae waa ba teŋ ba ta. He ɡe aa yarada Yeesu waa la, a waa he ta che la. Anomanta, bɛ mbarafo dɛɛ ɛ. Pwɛr he te dɛɛ nyiŋi kɛrɛdɛ.

Hibru 11:6

Nɛn ta yarada dɔe yaa, o waa aa won lɛ Korowii sie. Nomɛlbwa waa ba Korowii be la, a chɛ kɛ o dɔ yarada kɛŋɔ Korowii lole, dɛ́ yarada kɛŋɔ nomɛlbwa waa dɛ nyin o jemɛ Korowii la, Korowii dɛ chao.

1 Jɔn 5:10

Anomanta, nomɛlbwa waa yarada Korowii Bie la, naate dɔ ɡɛ danseɛ nɔ o ɡbabir bambile bini, dɛ won jemɛ kɛŋɔ a ɛ kpela. Kɛ nomɛlbwa waa wola Korowii yarada la ɡelɔ Korowii waa la ɛ nyosone, dɛkalkɛŋɔ naate aa ɡɛ Korowii aa bol o Bie la waa la yarada.