Aesaya 6:2 - mzwDBL

² N berɔ na hweera kwaa ane aa dɛ lawɛ nii dɛ baro cheme baa yera Serafim. A bɛlbwa dɔ kena anumɛl. A kpɔ a kena la bini anɛ dɛɛ tɔ a siebɔr, dɛ kpɔ anɛ dɛɛ tɔ a nakpale ta, asɛ dɛ kpɔ anɛ aa kaa la ɡe dɛɛ ir.

Aesaya 6:2 Iomraidhean Croise

Mumpar 17:3

Belaa Abram kpɔ sie pi harɛ asɛ Korowii ŋɔ o be ŋɔ,

1 Koranar 19:13

Elaeja aa no taa la la, o kpɔ batakaare tɔ sie dɛ le bwebɔɔ la bini ba che o nyoa. Asɛ taa bɛl le dɛ pɛɛro ŋɔ, “Elaeja, bɔkwaa hɛɛ ɛ bonɔ nɔ?”

1 Koranar 22:19

Korowii keame Mikaya berɛ teŋɛ dɛ ŋɔ, “No waa Korowii aa bola. N nao kɛŋɔ Korowii aa soɡe o kookara ta nyundua, o dɔm baa ja o nɛ dɛɛ tomɔ che baro.

1 Koranar 6:24

Kerobim la bɛlbwa dɔ kena anɛ. Keni bɛlbwa jaŋne lɔ naɡale anuanɛ ne tama, a baahna ɛ naɡale fi dɛ anue.

1 Koranar 6:27

Kooro Solomɔn ɡelɔ ba kpɔa cheɡ dɔŋa jwɛh Boɡoroŋ Tenten bela. Ba ɛa a kena anɛ nyoo ɛɛ chuɡe danjwɛ, asɛ anɛ ɡe ba cheme dea la baah ta.

1 Koranar 8:7

Kerobim la kena bɔle bela Fɔo Daka la aa cheɡa la bwa, dɛ tɔ o ne daa baa kpɔa dɛɛ cheo bwa ta.

Nehemia 9:6

He ɡboo Korowii, henee ta nyundua ne weweela bwa. Henee ta harɛ ne mpo, dɛ kwaa aa lɔ a ta bwa, dɛ ɡel a bwa do le. Kwaa aa lɔ nyundua bwa dɛ ɡuŋi.

Job Tɔn 1:6

Awola bɛl, nyundua toroma la Korowii be, dɛ Bɔnsam ɡe ja bɛl.

Job Tɔn 15:15

Kpelaa, Korowii ta hwɛɡa dɔe tɛ nyundua toroma, ba waa ta toɡrɛ o be,

Job Tɔn 4:18

Dɛ Korowii ta hwɛɡa dɔe o nyundua toroma nɛ, hale o na wechɔɡa ba nɛ aa,

Yela 103:20

Nyundua toroma haa kana dɛ do kpeɡri, heyaa dɛɛ teŋɛ o Mmarare ta, hé kpɛɛ Korowii.

Yela 104:4

He ɡelɔ he nyundua toroma do kɛŋɔ peu ne ninlao.

Yela 18:10

Kerobim taa o so dɛɛ ɡah, peu kena taa o kpɔ ba.

Yela 89:7

Nyundua toroma bwa chemaa, hen Korowiirii do ɔma kohona, a bwa dɛ ɔmɛ, dɛ kpɔ duure dɛɛ tɛɛ.

Kaala 25:20

Kerobim la chɛ kɛŋɔ á sie ɡba dɔŋa daka la doa, a kena paɡri kaa nyundua dɛɛ cheme dɔŋa dɛɛ tɔ o tɔ la ta.

Kaala 3:6

Menee Korowii he nabaala Abraham ne Aesek dɛ Jekɔb aa tom mɛ la.” Belaa Mosis kpɔ sie sɔh dɛkalkɛ dɛ o dɛ ɔmɛ kɛ ó nyiŋi Korowii.

Kaala 37:9

Kerobim la sie chaɡɛ dɔŋa a kena paɡri kaa nyundua dɛɛ cheme dɔŋa dɛ tɔ daka la tɔ la ta.

Aesaya 6:6

Belaa Serafim la bɛl kpɔ nyɛwa, dɛ kpɔ ka nyɛwɛ nihɔl le kon baa ɛ saraha o ta dɛɛ tɛ Korowii la ta, dɛ kpɔ ir ba n be,

Ɛsekeɛl 1:11

Dɛ ɡɛɛ a siebɔra do. A bɛlbwa dɔ kena anaarɛ, a paɡri anɛ kaa nyundua aa leɡe dɔŋa kwa, anɛ ɡe ɛɛ bɔle a bwara.

Ɛsekeɛl 1:24

Hweera kwaa la dɛ kaa laa, n dɛ no a kena sii kɛŋɔ chuubu aa dɛ si la ken, a berɛ do kɛŋɔ Korowii Waa Ɛ Kpeɡri Bwa Dɔɔ la taa, kɛɛ laa tena aa wara ɡbɔɡa ken. A cheɡɛ bobeŋkpoŋ aa, dɛ a fɔɔ a kena la.

Ɛsekeɛl 1:4

N nao kɛŋɔ peukpeɡ bɛl aa taa dɛ kpɔ bam waa kana le weekaŋle nyunduabɔr, nii baro cheme, o bini ɛɛ nyɛɡle pelɔpelɔ ken. Waa dɛ nyɛɡle la, komɛl do kɛŋɔ ayaawa ken dɛ do o bini.

Ɛsekeɛl 1:6

bɛlbwa dɔ siebɔra anaarɛ ne kena anaarɛ.

Ɛsekeɛl 1:9

A bɛlbwa kena nyoo dɛ leɡe o dɔŋ kwa, a pɛ dɛɛ ir, aa a te berɛ.

Ɛsekeɛl 10:16

Kerobim la dɛ kaa laa, a ne saaker nakpale laanee dɛɛ kaa. A paɡri kena dɛɛ ba ira aa, a dɛ marɛ a nɛɛ a ne aa kaa.

Ɛsekeɛl 10:21

Bɛlbwa dɔ siebɔra anaarɛ ne kena anaarɛ. A kena la bɛlbwa do kɛŋɔ nɛn nɔn aa lɔ o lɔɡa ken.

Daneɛl 7:10

Asɛ nii do kɛŋɔ moo dɛɛ palɛ o sie. Nɛra kaɡboŋa bele kaɡboŋa ɛɛ tomɔ, nɛra kaɡboŋa fi bele kaɡboŋa fi ɡe che o sie. Saŋ telo kɛŋɔ nɛra so dɛ bol ba waa dɛ́ pa bole, asɛ ba pili tɔne.

Daneɛl 9:21

N ta aa lɔ n wesoŋa ta la, nyundua torome Gebreɛl n fa aa nao wepila aa tɔ sie ta la iro kpɔ nyundua wɔrɔbe nɛɛ dɛ ba n be. Dɛ jɔmɔr saraha saŋ telo.

Sekaria 3:4

Belaa Korowii nyundua torome la ŋɔ o bala baa cheɡɛ o sie la be ŋɔ, “Hé laa baa nɔ laaladoŋa la foo.” Dɛ ŋɔ Josua be ŋɔ, “Na, n laa he wechɔɡa kpɔ he nɛ, mɛɛ kpɔ laaladɛɛɡaa doe.”

Amanesoma Luk Aa Chwera Tɔn 1:10

O jo bela, asɛ nɛnlaa la bwa che buse dɛɛ soŋe Korowii ásɛ o fuh daawiile a sɔɔh aa soma la tonɛ.

Hibru 1:7

O bol nyundua toroma la ɡe waa ŋɔ, “O ɡelɔ o nyundua toroma do kɛŋɔ peu ne ninlao.”

Wepila 14:6

Belaa n na nyundua torome bɛl waa ira kpɔ nyundua, dɛ kpoŋe Amanesoma aa wola tonɛ bwa, dɛ kpɔ dɛɛ la ka bol wobol te bɛlbwa nɛra baa lɔ harɛ nɔ ta bobɛlbwa be.

Wepila 4:8

Bɛlbwa dɔ kena anumɛl, dɛ dɔ sibie a bwara bobɛlbwa ne a kena lɔɡre ɡba. A lɔ o be chɔɔ ne jwaana dɛɛ kpɛɛro aa wola ɡel bwa, dɛɛ ŋɔ, “Korowii Haa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, he do ɡoroŋ noo, he do ɡoroŋ kɛrɛdɛ.”

Wepila 7:11

Asɛ nyundua toroma la che dɛ bar nomonome la ne hweera kwaa anaarɛ la ne kookara la, dɛ ɡuŋi dɛ kpɔ sie pi harɛ dɛ duu Korowii,

Wepila 8:13

N berɛ nyiŋi dɛ na kee bɛl waa dɛ ɡah nyundua dɛ kpɔ takpeɡ dɛɛ si, “Waa dɛ ba! Waa dɛ ba! Waa ɛɛ pu nɛra baa lɔ harɛ taa. Dɛ nyundua toroma batoro la baa kaa dɛ hoh ba bɛle la hoɔh waa, waa ɛɛ pu harɛ ta tenaa.”