Aesaya 53:3 - mzwDBL

³ Nɛra haoh dɛ vɛoh, o na wahala ne weweele. Nɛra nao, dɛ laa sie kpɔ o nɛ. Ya ta on kpɔe ɛ wobɛlbwa, dɛ berɛ habɔɔ kpoo.

Aesaya 53:3 Iomraidhean Croise

Yela 69:29

N Naa Korowii, n bwara dɛ nyɛɡ, n hwɛɡa tonɛ, laɡ mɛ ir dɛ́ lɛɛ mɛ.

Yela 88:4

N do kɛŋɔ nɛn waa dɛ ba sewa, n bokpeɡa bwa tonɔ.

Aesaya 49:7

Israel tena Lɛɛ, ba Nɛŋɡoroŋ la ŋɔ nɛn harɛre nɛra aa haoh baa wola on kpɔe dɛɛ ɛ wobɛlbwa, ba nomonome ɛo yom la be ŋɔ, “Koranar ɛɛ nae dɛ́ ir che, koobii nae dɛ́ ɡuŋi harɛ. A nɔ bwa ɛɛ ɛo dɛkalkɛŋɔ, men Israel Nɛŋɡoroŋ n wa aa dɔ kasinteŋ la, menee lee.”

Aesaya 50:6

N berɛ n nyaŋ tɛ nɛra ba lɔɔ, dɛ kpɔ n taŋɡbaɡre ɡe tɛ nɛra ba chuɡri n tampona. N ta n sie laa fɛr sihihwaa ne nentane baa taa ta n sie ta.

Aesaya 52:14

Nɛra warɔ dɛ nao ba bwara yɔr, ɡɛ baa ɛo, o siebɔr ne o bwadabii beɡre dɛ doŋ kohona la, o ta nɛn leɛ kwaraa kpa.

Aesaya 53:10

Korowii ŋɔ, “Men Korowii tetooraa ba doo bol, o na wahala. O seo la ɛ bolchɔɡe dii saraha, dɛ kpɔ nɛra wechɔɡa baa ɛa dɛɛ kɛ ba. Waa wona ɛ ɡɛ la, wɛɛ dɔ mkpajaŋee dɛ́ na o naanar, ásɛ a che o nɛɛ waa men Korowii aa maɡla bil la ɛ kɛrɛdɛ.

Aesaya 53:4

Kpela, onee laa ya ɡwɛɡra, ne weweele kpɔ ya nɛ. Kɛ ya te liiro kɛŋɔ Korowiirii lɔɔro dɛ doo weweele dɛ kpɔ tɛr o deŋne.

Maeka 5:1

Jerusalam tena, hé boa he laa tena nyoa, laa tena chɔɔ bar bwɛjen la dɛ́ ba yo yaa. Baa kpɔ daa lɔ Israel kooro kaŋe sihiih kpoo o jirima tonɛ.

Sekaria 11:8

Korobibeŋkpoŋ ɡbo ta, n doŋi peteɡra batoro bane baa hah mɛ. Peera la chwao le n be, n mee le a wa.

Matiu 26:67

Ba ta nentane ta o siebɔr dɛ lɔɔro, dɛ tɔɔ kande. Banɔ la baa dɛ kpaa o lwɛrɛme dɛɛ chuɡru kwɛɛrɛre la yon berɛ pɛɛro ŋɔ,

Matiu 27:63

dɛ ŋɔ o be ŋɔ, “Nomoa, ɡɛ saŋ a ɡɛ nyosonteŋni nɔ aa wola sewɛ mɔɔ la, dɛ o dɛ bol ŋɔ dɛ o sewaa, tɔpera atoro wɛɛ iruu ja.

Amanesoma Mak Aa Chwera Tɔn 10:33

dɛ ŋɔ, “Yaa dɛ kaa Jerusalam nɔ, baa ka le Men Nɛn Biee tɛ Sɔfonomonome ne Tɔnjerema la. Baa pa mɛ bolchɔɡee dɛ́ ŋɔ bá kpo mɛ, dɛ́ kpɔ mɛ do nɛra baa wola Juu tena ɛɛ la nɔn ta.

Amanesoma Mak Aa Chwera Tɔn 10:34

Baa di n loroo, dɛ́ tata nentane ta n nɛ, dɛ chacha mɛ chweremi, dɛ́ kpaa mɛ pɛl daɡaɡre ta, dɛ́ kpo mɛ. Kɛ a tɔpetooro wee mɛɛ berɔɔ ir seo ta.”

Amanesoma Mak Aa Chwera Tɔn 14:34

Asɛ o ŋɔ ba be ŋɔ, “N tea bini chɔɡɔ kohona to. A ɡbo ɛɛ kpo mɛɛ kwara. Hé so bonɔ dɛɛ were.”

Amanesoma Mak Aa Chwera Tɔn 15:19

Asɛ ba kpɔ chweremi dɛɛ cha o nyu, dɛ ta nentane dɛɛ ta o nɛ, dɛɛ ɡuŋu harɛ kɛŋɔ baa dɛ ɛ kooro la.

Amanesoma Mak Aa Chwera Tɔn 9:12

Asɛ o chaŋe ŋɔ, “Elaejaa dɛ tɔ sie ba kpela, dɛ́ ba kwaa ŋwɛnɛ mɔɔ. Kɛ ɛrɛ waa Korowii Tɔn la ŋɔ Nɛn Bie la dɛ ba wahala nae kohona, kɛ nɛwɛnyini sie aa o tɔɡa ba laɔ?

Amanesoma Luk Aa Chwera Tɔn 16:14

Farisii tena la aa no ɡɛ la, ba chwee Yeesu, dɛkalkɛ dɛ ba dɛ nyin suuɡa taeh.

Amanesoma Luk Aa Chwera Tɔn 19:41

Baa dɛ ba bwɛjen Jerusalam tela la, Yeesu nyiŋi bwɛɛ la dɛ wi tɛ o tena.

Amanesoma Luk Aa Chwera Tɔn 8:53

Yeesu aa ŋɔ ɡɛ la, dɛ ba dɛ mamɔ, dɛkalkɛ dɛ ba jemɔ kɛ o sewɔ.

Amanesoma Luk Aa Chwera Tɔn 9:22

Asɛ o berɛ ŋɔ, “Men Nɛn Bie la chɛ kɛŋɔ ń na waa nomonome ne Sɔfonomonome ne Tɔnjerema nɔn ta, ásɛ ba vɛɛh mɛ, dɛ́ kpo mɛ, ásɛ a tɔpetooro wee la, ń ir seo ta.”

Amanesoma Jɔn Aa Chwera Tɔn 11:35

Yeesu wio.

Amanesoma Jɔn Aa Chwera Tɔn 8:48

Belaa Juu tena la bɔɔro ŋɔ, “Nyosonee yaa teŋe kɛ yaa ŋɔa ŋɔ, he ɛ Samaria te kwa ɛɛ ir he nɛɛ la aa?”

Mmarare 32:15

Israel tena, he kpeɡo dɛ je, kɛ dɛ berɛ ɛ deŋnekpeɡ tena. He bare, dɛ do tɔɡre he bwara do wer. He berɛ habɔɔ kpo Korowii waa ta heya, dɛ vɛh he Lɛɛ waa do kɛ Bwetal dɛɛ tɛ heyaa mkpa la.

Hibru 4:15

Ya Sɔfonomonjen yaa dɔa la ta nɛn waa wola ya nɛɛ sune ya ɡwɛɡra nɔ ta ɛɛ. Daahna bɛlbwa soo siwi toole Bɔnsam aa wola on daahnɛ kɛŋɔ waa dɛ daah yaa nɔ. Kɛ o cheɡɔ kiŋkiŋ, o ta wechɔɡa ɛɛ.

Hibru 5:7

Yeesu aa lɔ harɛ ta la, dɛ wii ne siniire nee wɛɛ soŋe komɛlbwa dɛɛ le Korowii be. Dɛ Korowii dɔ kpeɡri dɛ leo seo ta. Waa pwɛra dɛɛ no Korowii deŋna waa la nomanta, dɛ Korowii dɛ no o wesoŋa.