Biblia Todo Logo
Bìoball air-loidhne

- Sanasan -




Aesaya 5:2 - mzwDBL

2 O buɡli harɛ la, dɛ laa bwea aa lɔ o ta bwa pa mɔɔ dɛ nyin dadɛɛɡa chɔɔ o ta, dɛ chiɡri jɛŋla baa so o ta dɛɛ kpa koo la. O komɛ bwe bɔɔ, bela baa ba tiɡri a nɔna ta a nee le. Name o soɡo dɛɛ hwɛɡɛ kɛŋɔ aa nɔnɛ nɔndɛɛɡaa, kɛ a berɛ nɔnɛ nɔnchɔɡa.

Faic an caibideil Dèan lethbhreac




Aesaya 5:2
31 Iomraidhean Croise  

Mɛɛ kpɔ harɛ waa ɛ n nɛra Israel tena ɡbaɡba konee tɛɛ ba, bá ka so o ta ba bwara sɔɔh ba. Nɛnchɔɡa aa ban fiiɡi kpa, ɡɛ a fa aa doa wubwa la,


A ɡɛ saŋ la, n na Juda tena bane baa dɛ tiɡri ɡrepo nɔna ta, dɛ kpɔ a nee dɛɛ ɛ sen Ona Tɔpere ta. Bane ɡe che mea ne sen ne ɡrepore, ne fiɡ daa nɔna, dɛ kwaa bwa soo siwi ba keeɡore ta, dɛɛ ba Jerusalam. Anomanta, n kah ba ŋɔ, bá nyiŋi kɛrɛdɛ dɛ bɛ komɛlbwa yoɡ Ona Tɔpere ta.


He lawɛ yaa le Ijipt harɛ ta, kɛŋɔ haa teŋe ɡrepo da, dɛ ba doŋi harɛ la nɛra le o ta, dɛ kpɔ yaa chɔɔ bela.


He parɛ daa waa cheɡa tɛ he nɛra Israel tena la mun. O lune kaa bini, dɛ kpeɡ tɔ harɛ la bwa ta, kɛŋɔ he nɛra aa kaa so Keenan harɛ ba mun ya la ken.


Ya ne he kaala taa nɛra ɛɛ ba jema kɛŋɔ he sie lɛ n ne he nɛra nɛ. Gɛɛ dɛɛ ba ɡela ya korɛ harɛ nɔ ta nɛra baa kaa nɛ.”


Jerusalam chɔ pɛɛ kɛŋɔ kuku waa cheɡɛ daa koo ta ken, kɛŋɔ kuku waa cheɡa pɛɛ mea koo ta ken, kɛɛ bwɛɛ baa baro cheme dɛɛ ba o yoi ken.


Koranar Bwa Kooroo dɔ daa koo la, asɛ koo la che tɛ Israel tena. Daa la cheɡɔɔ tɛ Juda tena, banee daa waa chɔɔra o sie lɛ a ta la. O fe dɛ nyin kɛ baa ɛ waa aa wera, asɛ ba berɛ dɛɛ kpoo nɛra. Dɛ o dɛ nyin kɛ baa ɛ wedɛɛɡa ɡe, kɛ nɛra baa dɛ fiɡ ba wii wɛɛ no.


Israel ne Juda tena fa do kɛŋɔ daa men Koranar Bwa Kooro aa dua, kɛ taraken n liiro kɛ ń kpɔ wahala ba ta ba nɛ. Ba wechɔɡa waa a ɡɛ waa nɔ ɡure ba nyu ta. Dɛkalkɛ ba ɛ wechɔɡa dɛ jo n nɛ, dɛ kaa fuh daawiile voɡ Baal ta dɛɛ muɡli n baah.”


He fa do kɛŋɔ ɡrepo da o dwee aa wera n kpɔ du. Ɛrɛɛ he berɛ habɔɔ kpo mɛ, dɛ berɛ dachɔɡa aa wola tɔnɔ bɛlbwa dɔe dɛ tɛ mɛ nɔɔ?


Israel tena fa do kɛŋɔ ɡrepo da, asɛ nɔna su o bwa. Ba kondɔɔh do kɛŋɔ ɡrepo nɔna ken, aa dɛ warɛ la, dɛ ba dɛ ɛ kwaa baa dɛ ɛ saraha a ta aa warɛ. Harɛ la dɛ ɛ kondikwaa kohona naa, ɡɛɛ ba ɡe ɛɛ paaɡe bwea aa wera kɛrɛdɛ dɛɛ duura.


Kɛ hen Saayɔn Bwejen haa lɔ Jerusalam, belaa Korowii do kɛ peteɡre dɛɛ nyiŋi o nɛra nɛ, hɛɛ berɔɔ ba ɛ bwɛjen nyu tenten, ɡɛ he fa aa doa wubwa la.


N cheɡɛ bwejena dor dɛ na ba, n cheɡɛ deŋɡarere ta dɛ veeh ba. N nao kɛ ba ɛ nɛra baa pere ba te, baa ba te kpɔe dɛɛ ja harɛ nɔ ta nɛra bini.


O na fiɡ daa bɛl cheɡa ŋwɛnɛ la nyoa dɛ fee la kɛ ó ka nyin o nɔna di. Waa laŋa la, dɛ papooni ɡboo o bwa. Anee o taah daa la ŋɔ, “He te aa wola ba he ba nɔnɛ kpa bwa!” Buɡ la ta, dɛ daa la denɔ sewɛ dɛ chure.


A habɔɔ la, Yeesu berɔ ŋɔ, “Hé no sɛɡla nɔ ɡe. Baa bɛlee fa lole dɛɛ parɛ kwaane baa kpɔa dɛɛ daa sen. O ke a ɡɛ koo la, dɛ kwaa bɔr baa dɛɛ harame a nee dɛɛ do, dɛ chiɡri jɛŋla bela bá so o ta dɛɛ daah koo la, a koma telaa, ba dɔ ba bɔr. A habɔɔ la, o kpɔ koo la tɛɛ ba bá nyiŋi o ta tɛo, dɛ kaa harɛ bɛl ta.


Nɔna la koma aa tela la, o tomɛ o bonɔɔna ŋɔ bá la nɛra la aa dɛ nyiŋi koo la ta la be, dɛ́ ka lɛ o dibɔr ba tɛo.


O na fiɡ bɛl bojaŋ dɛ o moɡɛ papooni sukuu ken, dɛ fe la o mun ŋɔ o ken fe ɛɛ dɔ o nɔna anee di kɛɛ? Waa tel bela la dɛ papooni ɡboo tɔ daa la bwa, dɛkalkɛŋɔ dɛ pure nɔna ta tele mɔɔ.


Yeesu kpɔ sɛɡla bol waa baɡle nɛra la dɛ ŋɔ, “Baa bɛlee fa lole dɛɛ parɛ daa baa kpɔ a nɔna dɛɛ ɛ sen. O ke a ɡɛ koo la, dɛ kwaa bɔr baa dɛɛ harame a nee dɛɛ do, dɛ chiɡri jɛŋla bela, bá so o ta dɛɛ daah koo la, dɛ kpɔ nɛra báa ɛ koo la toma, a koma telaa, bá dɔ ba bɔr. A habɔɔ la, o kpɔ koo la tɛɛ ba bá nyiŋi o ta tɛo, dɛ kaa harɛ bɛl ta.


A koma saŋ aa baa tel la, o tomɛ o bonɔɔ bɛl ŋɔ ó ka lɛ o dibɔr ba tɛo.


Israel tena maa dɛ bol ba waa nɔ, Korowii ɛɛ ba o bii dɛ baɡ ba o jirima. O ne ba fɔwɛ fɔo, asɛ o tɛɛ ba o Mmara, dɛ baɡ ba ɡɛ aa chɛ kɛ baa tomɔ, dɛ baɡ ba nyoa bele aŋwɛnɛ bwa.


Dɛ he ɛ sooja dɛɛ kaa laa laa, toma la ta laa hɛɛ di aa? He parɛ koo aa, haa koo la kondikwaa di aa? Nateɡre besoo wola o nae elnee nyɔɔ?


Korowii hɛɛ ɛ ken aa, nɛra haa ɡɛna haa wola liire dɔe. He mɛɛ, onee ta heya dɛ ɡel he ɛ harɛbir nɛra.


A habɔɔ la, o pɛla lawɛ haah bɛl baa dɛ yerɔ Delaela. O soɡe fɛlembɔjen bɛl baa dɛ yerɔ Sorek bini.


Lean sinn:

Sanasan


Sanasan