Biblia Todo Logo
Bìoball air-loidhne

- Sanasan -




Aesaya 48:1 - mzwDBL

1 Korowii ŋɔ, “Hé no, Jekɔb naanar baa bera dɛɛ yerɛ heyaa Israel tena he le Juda dea, he dɛ ŋwɛɛ men Korowii sɔn, dɛɛ ɛ kɛŋɔ he dɛ tomɛ Korowii Israel tena aa dɛ tomɔ la, kɛ haa waa haa dɛ bol la ɛ.

Faic an caibideil Dèan lethbhreac




Aesaya 48:1
48 Iomraidhean Croise  

Asɛ baa la berɛ ŋɔ, “He sɔne laa Jekɔb kpa. He ne Korowii ne nɛwɛnyina yoo, ba ta wone pɔ he nɛ, anomanta, he sɔne Israel.”


Belaa Korowii ŋɔ o be ŋɔ, “He sɔne Jekɔb, kɛ le fini dɛɛ kaa baa hen ɡɛɛ yerɛ kpa, baa berɔ dɛɛ yerɛ Israel.”


Ba ta dɛ ɛ ɡɛ waa la ba le fini. Baa Korowii tomɛ kasinteŋ ne, kɛɛ dɛɛ teŋɛ o Mmarare ne waa waa do ba a ta, dɛ kpɔa tɛ Jekɔb baa bera dɛɛ yerɔ Israel la naanar.


Korowii keame Elaesa bonɔɔ Gehasi lii dɛ ŋɔ, “N dɔɔ kpɔ Siiria te Naaman nɔ bwara kɛo, o ta koŋkɛɛla waa ba a ne bɛlbwa lɛɛ. N ŋwɛɛ Korowii waa lole kɛŋɔ mɛɛ chwao tiu dɛ́ ka lɛ komɛl le o be.”


Korowii aa ɡela kooro pɔ o dɔma nɛɛ nomanta, o sie ɛɛ lɛo. Nɛra baa dɛ yerɛ Korowii sɔn bwa ɛɛ kpɛɛroo, kɛ nyosonteŋna te, wɛɛ tɔ ba nyoo.


Hé ŋɔ Korowii be ŋɔ, “He we-ɛɛla dɔ nyokpoa, he kpeɡri haa dɔa ɡe do kan kohona a ɡel he dɔma kpɔ ɔmee baa ɡuŋi he sie.


Hé kpɛɛ Korowii bela o nɛra aa wara dɛ cheme. Israel tena bwa, hé cheme dɛ́ kpɛɛro.


Bɛnjamen dea nɛra baa wola kanɛ la tɔ sie, Juda dea nomonome teŋɛ, ásɛ Sebulon ne Naftale deene nomonome ɡe teŋɛ.


Hé do sie dɛ́ ɛ wobɛlbwa maa bol he be nɔ. He bɛ voɡare dɛɛ tomɛ. He bɛ ɡel ba no a sɔna kwaraa he nyoo.


Bɛ fɔɡbaahna haahna ka nyin. Ba do kɛŋɔ nee aa wola were ne nyɔe.


Korowii yaa dɛ tomɛ, nɛra banee fa dɛ nyiŋi ya nɛ, kɛ he ɡboo ya kpɔ jirima dɛɛ tɛ.


Bɛl ɛɛ bao dɛ ŋɔ, ‘Korowiirii mɛɛ tomɛ,’ ásɛ bɛl ɡe kpɔ Jekɔb sɔn dawɛ o nɛ, bɛl ɡe chwerɛ o nɔn ta kɛŋɔ ‘Korowii nɛnee men,’ ásɛ dɛ kpɔ Israel sɔn pa o te.”


N ŋwɛɛ n ɡbaɡba, maa nentanee ta dɛ́ berɛ kpɛla. N nyoa wobol bɛlbwa toɡrɔ. Nomɛlbwa ɛɛ ɡuŋ mɛ harɛɛ, ásɛ dɛ che n sɔn ta ŋwɛɛ kɛŋɔ ba Dɔɔree men.


Hé no n be, deŋnekpeɡ tena, he ne waa aa toɡra baah jaŋne.


Korowii ŋɔ, “He banɔ la he siwi aa swɛɛ waa aa toɡra ta, hɛɛ nyin he jem mɛ la, hé no n be. Hé lii he nabaa Abraham waa do kɛŋɔ bwe baa pɛɡre heyaa le o ta, ne bɔɔ baa kwi heyaa le o bini la.


Hé lii he nabaa Abraham, ne Saara haa le ba bini la wa. Maa yerɛ Abraham dɛ o ta bie dɔe, asɛ n swee andɛɛɡa tɛo dɛ́ ɡel o naanar warɛ.


Ba dɛ tom mɛ tɔpere bɛlbwa, dɛɛ nyin n ŋwɛnɛre dɛ jemɛ, dɛɛ ɛ kɛŋɔ ba waa toɡrɔ, á do kɛŋɔ ba ta Korowii Mmarare vɛɛh. Ba dɛ soŋe waa aa toɡra n be, dɛɛ nyin kɛ n bɛn ba.”


Korowii baɡɛ nyoa, dɛɛ ba ɡela a che o kpeɡri ta ɛ ɡɛ. O ŋɔ, “Maa ɡel he dɔma dɔ he mea di kpa, nɛŋhɔɔhra ɡe aa he senee dɔ nyɔ kpa.


Ya bwa ɛ wechɔɡa dɛ kah doŋa, ya wedɛɛɡa kwaraa do kɛŋɔ yakwara waa chɔ puldoa ken. A ɡelɔ ya do kɛŋɔ papooni aa hola, peu ta dɛ kpɔa dɛɛ kaa la ken.


Nomɛlbwa dɛ nyin kɛ o swee andɛɛɡa harɛ la ta naa, ó soŋe le men Kasinteŋ Korowii be. Wahala aa lɔ he nɛɛ wubwa ɛɛ tonɔɔ, he soh a wa.”


dɛ́ kpɔ kasinteŋ ŋwɛnɛ ne waa aa toɡra ta ŋwɛɛ n sɔn ta naa, amɔ mɛɛ swee andɛɛɡaa tɛ harɛre nɛra bwa ásɛ ba kpɛɛ mɛ.”


He Juu tena haa soɡe Ijipt bwa, hé no waa Korowii aa dɛ bol ŋɔ o ŋwɛɛ o ɡbaɡba sɔn waa kana kɛŋɔ Juu te bɛlbwa waa soɡe Ijipt harɛ ta bobɛlbwa aa won yerɛ o sɔn ŋwɛɛ ŋɔ, ‘N ŋwɛɛ Nemenɛ Korowii waa lole.’ ”


A lole kɛ ba ŋɔ ba dɛ tomɛ men Korowii, kɛ ba teŋe nyosone dɛɛ ŋwɛɛ n sɔn ta.”


He bɛ n sɔn kpɔ dɛɛ ŋwɛɛ waa aa ɛ nyosone, dɛ́ chɔɡ men Korowii haa dɛ tom mɛ sɔndɛɛɡe la. Men Korowiirii bola.


Israel tena, a chɛ kɛ ya ŋɔ, “Korowii Doma baah di ya nɛɛ kɛɛ? Wɛɛ ɛ ɡɛ waa nɔɔ yaa?” Nomɛlbwa o wa aa toɡra la Korowii swee andɛɛɡa dɛɛ tɛo.


Mɛɛ chɔɡ nɛra baa teehna kaa deene dor kaa tomɛ wee, ne korobie dɛ weweela, ne banɔ la baa ŋwɛɛra ŋɔ ba dɛ tom mɛ kɛ dɛ berɛ kaa tomɛ voɡ Molɛk ɡe ja laanee.


Anee o ŋɔ n be ŋɔ, “Ba chwerɛ nyotaahna waa do o ta aa kaa harɛ nɔ bwa ta. O baŋ bɛl dɛ baɡle kɛ nomɛlbwa waa ŋwɛ la, baa leo harɛ la taa, baŋ bɛl ɡe waa ɛɛ baɡle ŋɔ, nomɛlbwa waa teŋe nyosone dɛ ŋwɛɛ la, baa le o ɡee le harɛ la ta.”


Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”


Bwaala ɛɛ nɛɔ taeh, ásɛ kwaa baa dua dɔ nee kohona. Ba kora ɛɛ do kanee ɡwaa Amalɛk Kooro Aɡaɡ. Ba harɛ do kan, dɛ́ dɔ jirima kohona.


Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa!


Yeesu aa na Nataaneɛl wɛɛ ba o be la, o ŋɔ, “Israel te tentenee nɔ. O waa dɔ kasinteŋ kɛrɛdɛ!”


Korowii ɛ lileo. Anomanta, dɛ ya dɛ tomɔ waa, yá che o Domadɛɛɡe kpeɡri ta dɛ́ kpɔ kasinteŋ dɛɛ tomɔ bambile bini.”


Asɛ he naate haa dɛ yerɛ he te Juu te, dɛ kpɔ he sie dawɛ Mosis Mmara la ta dɛ kpɔ Korowii dɛɛ ta nyoa la ɡe sɛ?


N ta ŋɔe ŋɔ Korowii vɛh o nyobaɡa la ta teŋa, kɛ Israel tena bwa laa Korowii le kɛ o nɛra.


a baɡlɔ kɛŋɔ Abraham dwee la te bwa waa lol ba ɡɛ nɛra bwa aa dɛ lolɛ la, Korowii nɛra laa ban. Abraham bie la Korowii aa baɡɔ nyoa la, o dweee Korowii jemɛ kɛŋɔ Abraham naanaree ban,


Hɛ́ɛ duu Korowii haa dɛ tomɔ nɔ, hé tomɔ. Hé kpɔ he te pɛlo, o ɡbo sɔn taa chɛ kɛŋɔ hɛ́ɛ ŋwɛɛ.


Anomanta, Jekɔb naanar, bosɔɔhna taa hɛɛ ba soɡa. Harɛ mea ne sen aa lɔ o ta asɛ mɛn ɛɛ ta dɛɛ pwe harɛ la.


Korowii no ɡɛ haa bola la dɛ ŋɔ, ‘N no ɡɛ nɛra la aa bol he be la, anɔ la bwa baa bola la wer.


Hɛ́ɛ duu Korowii dɛ́ɛ tomɛ o ɡbo, dɛɛ baɡɛ nyoa o sɔn ta.


Nɛra baa kpɔ nyosone dɛɛ neɡre nɛra laanee kpɔ ɡɛ neɡra webaɡla la ɛɛ baɡle nɛra. Ba liire chɔɡɔ. Nɛra neɡra ne wechɔɡa man ba kɛŋɔ nɛn baa kpɔ buniwɔb chɔɡro a mano waa wola konwɔb ɔmɛ kpa la.


N jemɛ he wahala ne he nyae wa, kɛ he ɛ dɔɔhna taeh. N jemɛ wechɔɡa nɛra baa dɛ yerɛ ba te Juu tena kɛ dɛ ɛ Bɔnsam habɔteŋra la aa bola dawɛ he nɛ.


Hɛ́ɛ no! Bɔnsam habɔteŋra baa dɛ teŋe nyosone, baa wola Juu tena ɛɛ dɛɛ yerɛ ba te Juu tena la, mɛɛ ɡeloo bá ba ɡuŋi he sie, dɛ́ jemɛ kɛŋɔ n dɛ nyin heya.


Lean sinn:

Sanasan


Sanasan