Aesaya 4:3 - mzwDBL

³ Nɛra báa ba ka Jerusalam Korowii aa ɡela ba dɔ ba nyu la, báa yer baa nɛra baa do ɡoroŋee.

Aesaya 4:3 Iomraidhean Croise

Yela 69:28

Gel ba fee ba sɔna le Mkpa Tɔn la bini, bɛ ba sɔna kpɔ ja he nɛra nɛ.

Yela 87:6

Korowii ɛɛ chwerɛ nɛra la sɔnaa, dɛ́ kpɔ ba ja Jerusalam tena nɛ.

Aesaya 1:27

Waa bola dɛ́ pa bole kasinteŋ ne taa Korowii ɛɛ ba cheɡa dɛ́ lɛ Saayɔn tena. Nɛra baa charɛ ba liire dɛɛ ɛ waa aa toɡra la, wɛɛ lɛɛ baa.

Aesaya 28:5

Awola tɔpere la, Nemenɛ Korowiirii dɛ́ ɛ kooɡbɛrɛ waa wera dɛ dɔ jirima kohona tɛ o nɛra baa kaa la.

Aesaya 35:8

Ŋwɛnɛjen ɛɛ chɔ belaa baa yerɔ “Ŋwɛnɛɡoroŋ Waa Dɛ Kaa Korowii be.” Wechɔɡ-ɛɛra aa o taa kpɔ, ó chɔ tɛ nɛra baa teŋɛ Korowii waa la ta, hale ɡɛna kwara aa o taa kpɔ.

Aesaya 46:3

Israel tena haa kaa la bwa, hé no n be. Menee nyiŋi he nɛɛ le ɡɛ saŋ baa lolɛ bwa.

Aesaya 52:1

Bwɛjen Jerusalam, ir! Ir nyu ne! Kpɔ bokpeɡa tɔ he te kɛŋɔ yal ken. Jerusalam, Korowii bwɛɛ waa do ɡoroŋ, kpɔ he yadɛɛɡe tɔ dɛ dɔ jirima. Nɛra baa wola Korowii tomɛ, dɛ kah doŋa te bɛlbwa, aa won jo he bwɛɛ nɔ ta kpa.

Aesaya 6:13

Dɛ nɛn beŋkpoŋ kwaraa ka harɛ la ta kwaraa naa, mɛɛ chɔɡ o ɡbaa. Wɛɛ ɛo kɛŋɔ ba yon teŋe daa a ka o muŋkpul che dɛɛ moɡɛ la.” Daa la muŋkpul la cheɡɔ tɛ n nɛra baa ba ka harɛ la ta la.

Aesaya 60:21

He nɛra bwa wa ɛɛ toɡroo, harɛ la ɛ ba kon saŋ bɛlbwa. Baa doo kɛŋɔ daa maa duu o pamɛ le o lur ta ken. Men ta ba, ásɛ baa baɡle n jirima.

Aesaya 62:12

Baa yer baa ‘Korowii Nɛra Baa Do Goroŋ’, ne ‘Nɛra Korowii Aa Lɛɛ Ba’. Baa yerɛ Jerusalam ɡee, ‘Bwɛjen Korowii Aa Dɛ Nyin’, ne ‘Bwɛjen Korowii Aa Wola On Vɛɛh’.

Ɛsekeɛl 13:9

Mɛɛ tɛr he keamere haa ŋɔa he dɛ na wepila ne waa aa dɛ ba bala kerekere a ɛ nyosone la deŋnee. Haa n nɛra Israel tena nɛɛ ja, kɛɛ bá chwerɛ he sɔna ja ba nɛ. He bɛlbwa nakpala aa Israel harɛ taa tire kpa. Ásɛ he jemɛ kɛŋɔ menee Nemenɛ Korowii.

Ɛsekeɛl 43:12

Mmara waa chɔ le dɛ tɛ Korowii Dea laanee teŋa nɔ. Bwejen la doa ne bɔr waa baro bwa chɛ kɛŋɔ ó do ɡoroŋ kohona.

Joel 3:17

“Anee dɛɛ ba ɡela he jemɛ kɛŋɔ men Korowii haa dɛ tom mɛ, n soɡe n Saayɔn Bwejen waa do ɡoroŋ la ta. Jerusalam ɛ bwɛjen maa lea cheɡ o do ɡoroŋ, nɛŋhɔɔhra aa won ba yo dɛ́ pɔ n nɛra nɛɛ kpa.

Obadia 1:17

Kɛ Jekɔb dea bii bane ɛɛ dɔ ba nyuu Saayɔn Bwejen la ta, ásɛ o ɛ bɔr waa do ɡoroŋ, bá berɛ dɔ harɛ waa ɛ ba kapɛrɛ kon wubwa la.

Sekaria 14:2

Korowii ɛɛ boa harɛre nɛra nyoa bá ba yo bwɛjen Jerusalam tena, dɛ́ lɛ bwɛjen la dɔɔh. Baa jo ba deene, dɛ́ pa ba laala, dɛ́ ɡuɡri ba haahna chɔ. Baa lawɛ bwɛjen la pera nɛraa kaa bojaŋ harɛfale ta, dɛ́ ɡel ba kar bwɛjen la ta.

Malakae 3:16

Kɛ banɔ la baa dɛ ɔmɛ Korowii bol waa dɔŋa be, asɛ Korowii do deŋne ba be, dɛ no waa bwa baa bola. Nɛra baa dɛ ɔmɔ dɛɛ tɛ o sɔn jirima la, ba chwerɛ ba sɔna do tɔn bini bil o sie, dɛ kpɔ dɛɛ lii ba wa.

Amanesoma Luk Aa Chwera Tɔn 10:20

He bɛ ɡel a do he som kɛŋɔ kwaa aa dɛ ir nɛra nɛɛ aa no he wobol nɔ. Waa aa chɛ kɛ hé koh a waa dɛ́ ɡel he sie lɛ laanee kɛŋɔ bá chwerɛ he sɔna nyundua ja Korowii bii nɛ.”

We-ɛɛla 13:48

Nɛra baa wola Juu tena ɛɛ la aa no waa nɔ la, ba sie lɛo taeh. Anomanta, ba jam Korowii kɛŋɔ waa ɡela ba no o waa la. Ásɛ nɛra Korowii aa ŋɔa baa dɔ o mkpa laanee la yarada Yeesu waa la, dɛ́ kpɔ ba te tɛo.

Tɔn Pɔɔl Aa Chwerɛ Rom Tena 11:4

Ɛrɛɛ Korowii chaŋe Elaeja ɔ? O chaŋo ŋɔ, “N ta dɔ nɛra kaɡboŋa banuanɛ bane ba do le dɛ ɛ n nɛra baa wola voɡ Baal ɡuŋe bwa.”

Tɔn Pɔɔl Aa Chwerɛ Rom Tena 11:5

Gɛɛ a do taraken. Nɛra tama bane ta lole Korowii aa na ba sum dɛ lee ba ba ɛ o nɛra.

Ɛfesos 1:4

Korowii felo dɛ le yaa tɛ o te saŋ la o fa aa wola harɛ ɡba tae la, dɛ ŋɔ o dɛ ba ɡela ya ne Yeesu Kristo pɛ yá won do kaih dɛ bɛ doŋa bɛlbwa dɔ o be.

Felepae 4:3

N dɔŋdɛɛɡe, n dɛ soŋe, cha haahna la dɛ́ kwaa ba baah, dɛkalkɛŋɔ ba cha mɛ Amanesoma nɔ bola ta ɡa. Klɛmɛnt ne n bala tom-ɛɛra la ɡe jao. Ba sɔna lɔ Korowii Mkpa Tɔn bini.

Kolosi 3:12

Heyaa Korowii bidɛɛɡa waa le heyaa tɛ o te, dɛ laa he doŋa bwa kpɔ he nɛ, dɛɛ nyin heyaa kɛrɛdɛ. Anomanta, hé kpoŋe dadɛɛɡe dɛ́ dɔ tedoma, dɛ́ ta tea dɛ́ɛ tɛ dɔŋa, dɛ́ɛ pwɛr he te, dɛ́ɛ tɛ nɛra sie, dɛ́ dɔ bambile tɛɛ ba.

Hibru 12:14

Hé swɛɛ siwi kɛŋɔ he ne nɛra bwa baah ɛɛ do werii, dɛ́ swɛɛ siwi kɛŋɔ hɛɛ do ɡoroŋee, dɛkalkɛŋɔ dɛ nomɛlbwa ta ɡoroŋ doe yaa, waa Korowii nae ba.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

Wepila 13:8

Harɛ nɔ ta nɛra baa wola ba sɔna chwerɛ Pebie la baa kpoo la Mkpa Tɔn la bini harɛ mumpar bwa la, ba bwa ɛɛ duu olchɔɡe laanee kɛŋɔ Korowii ken.

Wepila 17:8

Olchɔɡe la haa nao la, o siwi fa lole. Kɛ taraken te o siwi toole kpa. O dɛ ba teehna dɛ́ le Bɔnsam Bɔluŋ la bini, dɛ́ la Korowii ka chɔɡo. Nɛra baa lɔ harɛ nɔ ta Korowii aa wola ba sɔna chwerɛ do Mkpa Tɔn la bini nyundua ne harɛ mumpar bwa la, ba nyoa ɛɛ kpoo ɡɛ saŋ baa na olchɔɡe la kɛŋɔ o fa aa lole waa wola berɛ do le kpa dɛ berɛ le la.

Wepila 20:15

Nomɛlbwa baa nyiŋi Mkpa Tɔn la bini dɛ nyin o sɔn kahonɛ la, dɛ ba kpɔɔ ka ta nii la ta.

Wepila 21:27

Kɛ komɛlbwa doŋa te bɛlbwa aa lɔ o nɛɛ la aa won jo bela, ɡɛɛ nomɛlbwa ɡe waa dɛ ɛ sihihwaa dɛɛ teŋe nyosone la bɛlbwa ɡe aa wola won jo bela. Nɛra baa chwerɛ ba sɔna do Pebie Mkpa Tɔn la bini la, banee dɛ́ won jo bela.

Wepila 3:5

Naate waa won yo le la, mɛɛ tɔɔ yapoŋee kɛ ban. Maa o sɔnee fee le Mkpa Tɔn la bini bwa. Mɛɛ bol o waa n Mɛɛ ne o nyundua toroma la bee, kɛŋɔ n nɛnee on.