Aesaya 4:2 - mzwDBL

² Korowii ɛɛ ɡeloo nomɛl ba a ɡɛ saŋ, dɛ́ dɔ jirima dɛ́ do wer kɛŋɔ baa teŋe daa ta o berɛ forɛ le o buɡ ta dɛ do wer la. Ásɛ nɛra baa ba ka Israel harɛ ta, dɛ́ dɔ ba nyu la bwa sie lɛ o nɛ, dɛ́ dɔ jirima le o nɛ.

Aesaya 4:2 Iomraidhean Croise

Yela 67:6

Kondikwa ɛɛ wonoo ɛ ya harɛ nɔ ta kohona, Korowii yaa dɛ tomɔ la ɛɛ swee yaa andɛɛɡaa.

Yela 72:16

Gel boyu perɛ harɛ nɔ ta, ásɛ mea ɡe bu deŋɡarere bwa dor. Gel a ɛ kɛrɛdɛ kɛŋɔ anɔ la aa lɔ Lɛbanɔn harɛ bwejena dor, ásɛ nɛra ɡe su bwɛjena la ta, kɛŋɔ kpɔɡa aa lɔ koo ta ken.

Kaala 28:2

Nyarɛ laala aa do ɡoroŋ tɛ Arɔn ó dɔ jirima ne duure.

Aesaya 11:4

Ŋwɛnɛ waa toɡra taa wɛɛ ba cheɡa, dɛɛ bol nɛra aa hiah ba wa, dɛ́ pa bole, kasinteŋii wɛɛ ba kpɔe dɛ́ bol harɛ nɔ ta nyaara waa tɛɛ ba. O nyoa wobolee wɛɛ ba kpɔe tɛr nɛn deŋne, waa waa bol la ɛɛ kpoo wechɔɡ-ɛɛraa.

Aesaya 26:1

Tɔpere bɛl dɛ ba, ásɛ Juda harɛ nɛra ɡo yel nɔ harɛ la ta. Ya dɔ bwɛjen danjwɛkpeɡ aa baro name, Korowii ɡbabirii cheɡɛ ya habɔɔ, dɛɛ nyiŋi danjwɛɛ waa baro ta.

Aesaya 27:6

Tɔpere bɛl ɛɛ bao Jekɔb naanar baa ɛ Israel tena la dɔ lune dɛ́ le kɛŋɔ daa ken, dɛ́ moɡɛ dɛ́ fe, ásɛ dɛ nɔnɛ perɛ harɛ ta bobɛlbwa.

Aesaya 30:23

Korowii ɛɛ nɛ bwaalaa do kwaa haa dua ta, ásɛ a do wer dɛ́ ɛ kɛrɛdɛ. He kondɛɛra ɛɛ dɔ bɔr waa kanaa dɛɛ di.

Aesaya 45:8

Mɛɛ ɡeloo wa aa toɡra le nyundua ba harɛ ta kɛ bwaala ken, ásɛ waa aa wera ne kasinteŋ do le, Men Korowiirii ta a bwa.”

Aesaya 53:2

Korowiirii ɡela o bonɔɔ kpeɡ o sie, dɛ do kɛŋɔ daa waa le harɛ hole ta. O ta nyanyini ne wer dɔe yá pɛla lawɔ, o wobɛlbwa ta silɛɛ dɔe yá nyinu.

Aesaya 60:15

Jerusalam, ba fa haeh dɛ vɛɛh, nomɛlbwa aa he ta kpɔ. Kɛ mɛɛ ɛɛ he do wer kɛŋɔ, bwɛjen waa soma tɛ nɛra saŋ te bɛlbwa dɛɛ la.

Aesaya 60:21

He nɛra bwa wa ɛɛ toɡroo, harɛ la ɛ ba kon saŋ bɛlbwa. Baa doo kɛŋɔ daa maa duu o pamɛ le o lur ta ken. Men ta ba, ásɛ baa baɡle n jirima.

Aesaya 61:11

Gɛ konduuli yon pere harɛ dɛ le, dɛ kpeɡ la, ɡɛɛ Nemenɛ Korowii ɛɛ ba o nɛra lɛɛ, ásɛ harɛre nɛra bwa kpɛɛro.

Jeremia 23:5

Korowii ŋɔ, “Tɔpera ane dɛ ba ásɛ n ɡel Kooro Devid naa o wa aa toɡra, dɛ do kɛŋɔ Daa Kpale ba, dɛ́ ba di kora. O balaa, wɛɛ che wejema taa nyiŋi ba nɛ, dɛɛ ɛ waa aa wera harɛ la bwa ta.

Jeremia 33:15

A ɡɛ tɔpera la, mɛɛ ɡeloo Kooro Devid naanar bini nɛn o wa aa toɡra ir, dɛ́ kpɔ waa aa toɡra ne kasinteŋ ba harɛ la ta.

Jeremia 44:14

Juda tena baa kaa dɛ ba so Ijipt harɛ ta la aa won le a nyoa baa wola serewe. Ba bini bɛlbwa aa won berɛ la Juda harɛ ta, bela baa dɛ nyin kɛ ba berɛ ka so ja la. Ba bwa aa won kaa, atane ba bini tamaa bane.”

Jeremia 44:28

Ba bini banɔ la baa dɔ bɔr le Ijipt harɛ ta kaa Juda la ɛɛ do tamaa kenii. Ásɛ Juda tena bwa baa kaa dɛ ba so Ijipt harɛ ta la jemɛ bɛl la o wa aa dɔ kasinteŋ, n waa la kɛɛ ba waa baa dɛ teŋɛ a ta la.

Ɛsekeɛl 34:29

Mɛɛ tɛɛ ba harɛpare ondɛɛɡee ba kondikwa won ɛ, dɛ́ ɡel lɔr ba a jaɡa harɛ la ta. Harɛre ane nɛra aa ban mamɛ kpa.

Ɛsekeɛl 36:8

Kɛ daa aa lɔ Israel bwejena dor ɛɛ berɔ moɡɛ, dɛ́ nɔnɛ kohona á ɛ kondikwaa tɛ n nɛra Israel tena, dɛkalkɛ aa biɡri n berɛ ba ba ne dem.

Ɛsekeɛl 7:16

Banɔ la baa dɔ ba nyu dɛ chwa la ɛɛ ka so bwejena doree, dɛɛ wi kɛŋɔ fɛlembɔjena bini kwehre ken, bɛlbwa wechɔɡa waa ɛa wa.

Joel 2:32

Ásɛ nomɛlbwa waa wi yerɛ men Korowii la, mɛɛ lɛo. Saayɔn Bwejen ne Jerusalam taa nɛra ɛɛ ba ba nyu dɔe, ɡɛ men Korowii aa bola ŋɔ, ‘Ba bini bane ɛɛ chwao le Jerusalam, kɛ banɔ la maa lee ba tɛ n te la ɛɛ dɔ ba nyuu.’ ”

Joel 3:18

Saŋ la telo aa, daa kooni ɛɛ warɔɔ dɛ́ tɔ bwejena ta, nae warɛ do deŋɡarere bwa ta, ásɛ Juda harɛ nenabɔɔne bwa ɡe su ne. Nenapale bɛl ɛɛ palɔɔ le Korowii Dea dɛ́ kaa Akaasia Fɛlembɔjen ta, dɛ́ sɔɔh bela harɛ la bwa.

Obadia 1:17

Kɛ Jekɔb dea bii bane ɛɛ dɔ ba nyuu Saayɔn Bwejen la ta, ásɛ o ɛ bɔr waa do ɡoroŋ, bá berɛ dɔ harɛ waa ɛ ba kapɛrɛ kon wubwa la.

Sekaria 3:8

Sɔfonomoa Josua, he ne he bala sɔfore baa ja he nɛɛ la, hé no. He cheɡɔɔ tɛ wedɛɛɡa aa dɛ ba bala kerekere. N dɛ ba n bonɔɔ baa dɛ yerɔ Daa Kpale ne.

Sekaria 6:12

Bol o be ŋɔ men Koranar Bwa Kooro ŋɔ, ‘N bonɔɔ waa do kɛ Daa Kpale la ɛɛ ta kpalee le bela waa lole, dɛ́ berɛ ba kwaa ma men Korowii Dea la.

Sekaria 9:17

Na ɡɛ harɛ la aa dɛ ba wer doe dɛ́ dɔ pɛla! Kondikwaa ne sen aa lɔ harɛ la ta la ɛɛ ɡeloo bonɔɔna ne toli kpeɡ, dɛ́ dɔ bokpeɡa.

Malakae 3:17

Koranar Bwa Kooro ŋɔ, “Awola maa ɛ a ɡɛ waa nɔ la, mɛɛ kpɔ baa ɛ n bii maa dɛ nyin ba kohona. N tea ɛɛ domɛ ba nɛɛ ń lɛɛ ba, kɛŋɔ mɛɛ yon dɔ tedoma tɛ o bie waa dɛ tomɔ dɛɛ lɛo la ken.

Matiu 24:22

Kɛ dɛ Korowii fe ta tɔpera la ane teŋe ta aa, nomɛlbwa fe aa o nyuu dɔ. Anomanta, ɡɛ aa ɛ ásɛ Korowii nɛra waa chal ba dɛ lɛɛ ba la dɔ ba nyu la, o teŋe tɔpechɔɡa la ane ta.

Amanesoma Luk Aa Chwera Tɔn 21:36

Hé ɡel he sie chɔ harɛ hɛɛ kpa dɛɛ soŋe Korowii tɔpere bɛlbwa, dɛ dɔ bokpeɡa dɛ le a ɡɛ waa aa chiɡ la nyoa, asɛ dɛ won che Men Nɛn Bie sie.”

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

2 Kɔrent 4:6

Korowii waa pere bochaah le biro ta, dɛ ɡel bɔr chaah la, onee ɡela o nii chaah ya bambile ne ya sie, asɛ ya won jemɛ ɡɛ o jirima yaa naa Yeesu Kristo be la aa doa.

2 Pita 1:16

Ya Dɔɔ Yeesu Kristo kpeɡri waa dɔa ne o bala waa la yaa bol he be la, a ta waa yaa kpɔ liire dɛ teŋe nyosone ɛɛ. Ya ɡbaɡba kpɔ sie na ɡɛ o wa aa dɔ nyɛl kohona.