Aesaya 4:1 - mzwDBL

¹ Gɛ tɔpere la, haahna banuanɛɛ ka lɔɔ tɔ babeŋkpoŋ nɛɛ dɛ́ ŋɔ, “He te kpɔ he sɔn dawɛ ya nɛɛ dɛ mo yaa, dɛ laa sihihsɔn haŋkwii la kpɔ ya nɛ. Yaa hen kondikwaa waa pɛɛ, yaa hen yal waa pɛɛ.”

Aesaya 4:1 Iomraidhean Croise

Mumpar 30:23

Anomanta, o lolɛ bibaa dɛ ŋɔ, “Korowii tɛ mɛ bibaa dɛ laa sihiih kpɔ n sie.”

2 Samoɛl 6:23

Le ɡɛ saŋ la, Kooro Sɔɔl bihaah Mikal ta bie lolɛ kpa dɛ ba sewɛ.

Aesaya 10:20

Gɛ saŋ la, Israel tena baa kaa la aa hwɛɡaa dɔ Asiiria koojen waa lɔ ba harɛ la nɛɛ kpa. Korowii Israel Nɛŋɡoroŋ la nɛɛ baa ba ba kpɔ ba te dawɛ kasinteŋ ne.

Aesaya 13:12

Nɛra baa le a nyoa ɛɛ ka tama kenii, ba waa do tɔɡre ɡwaa suuɡaswɛm tenten.

Aesaya 17:7

Awola tɔpere la, nɛwɛnyina bwa ɛɛ kpɔ sie dawɛ Korowii nɛ. Onee Israel Nɛŋɡoroŋ waa ta ba baa tomɔ.

Aesaya 2:11

Nɛn nyanyini ɛɛ tonɔɔ ɡɛ saŋ, ásɛ maŋkurae nɛwɛnyini aa dɛ maŋkura o te la ba harɛ, Korowii ɡbo sɔnee dɛɛ ba lee ɡɛ saŋ.

Aesaya 2:17

Nɛn nyanyini ɛɛ ba harɛɛ ɡɛ saŋ, ásɛ maŋkurae nɛwɛnyini aa dɛ maŋkura o te la tonɛ. Korowii ɡbo sɔnee dɛɛ ba lee awola tɔpere,

Aesaya 3:6

Nɛn ɛɛ lawɛ o lole bɛlee dɛ́ ŋɔ o be ŋɔ, “Henee dɔ bwara laala. Ba di ya nomonome, saŋ waa chɔɡa dɛ do kpeɡri nɔ ta!”

Aesaya 54:4

Bɛ ɔmɛ, sihiih aa he kpoe ba kpa, nɛra aa ɡel he fɛɡre. Hɛɛ soh he toli saŋ sihiih waa bwaa, haa ɡɛ saŋ haa do kɛŋɔ luhaah laanee lii kpa.

Jeremia 15:8

Mɛɛ ɡeloo luhaahna warɛ harɛ la ta, dɛ́ ɡwaa mpo nyoa hɛŋle. Mɛɛ ɡeloo he dɔm ba chɔɡ bonɔɔna ne ba nyare webaŋkpelaa, ásɛ dɛ kpɔ bambiteŋa ne ɔmee kohona ba ta he nɛ.

Amanesoma Luk Aa Chwera Tɔn 1:25

Ɛlesabɛt cheɡɛ a ɡɛ waa nɔ ta, dɛ ŋɔ, “Name te N Naa Korowii laa sihiih kpɔ n sie ta, ásɛ n won jo nɛra bini.”

Amanesoma Luk Aa Chwera Tɔn 21:22

A ɡɛ saŋee Korowii ɛɛ ba o nɛra deŋne tɛra, ásɛ waa Korowii Tɔn la aa baɡla la bwa ɛ kpela.

2 Tesalonika 3:12

Ya cheɡɛ ya Dɔɔ Yeesu Kristo sɔn ta dɛɛ ŋɔ ɡɛ nɛra nɔ be ŋɔ bá do sie dɛɛ ɛ ba ɡbaɡba toma dɛɛ di ba koeh ta.

1 Samoɛl 1:6

Waa wola bii dɔe nomanta, Penina waa ɛ o toŋre la yon dɛɛ ɛo sisawa dɛɛ muɡli o baah.