Aesaya 39:3 - mzwDBL

³ Ate, Korowii keame Aesaya la ka bɔɔ Kooro Hɛsɛkea ŋɔ, “Leperaa ɡɛ nɛra nɔ leɔ? Dɛ́ ba amaneɛ ɔ?” Anee Kooro Hɛsɛkea ŋɔ, “Ba le bojaŋ harɛ bɛl baa dɛ yerɔ Babelɔn ta.”

Aesaya 39:3 Iomraidhean Croise

2 Samoɛl 12:1

Awola bɛl, Korowii tomɛ o keame bɛl baa dɛ yerɔ Netan Kooro Devid be o ka ŋɔ o be ŋɔ, “Baala banɛ banee fa soɡe bwɛɛ bɛl ta. Bɛl ɛ suuɡate, asɛ bɛl ɡe ɛ nyaa.

2 Webena 16:7

A ɡɛ saŋ la, Korowii keame Hanani ba Kooro Asa be dɛ ŋɔ, “Haa kpɔ he te dawɛ Siiria kooro nɛɛ dɛ vɛh he te kpɔe dɛ dawɛ Korowii haa dɛ tomɔ nɛɛ nomanta, Siiria kooro laa tena la le he habɔɔ.

2 Webena 19:2

asɛ Hanani bibaa Jehu waa ɛ Korowii keame la ka cheme Kooro Jehosafat dɛ ŋɔ, “A chɛ kɛŋɔ hé cha nyubinikpeɡ tena, ásɛ dɛɛ nyin nɛra baa hah Korowii aa? Gɛ nomanta, Korowii bandia ba he nɛ.

2 Webena 25:15

Anomanta, Korowii baah di Kooro Amasea nɛ, dɛ tomɛ o keame bɛl o be ŋɔ, “Ɛrɛɛ hɛɛ tomɛ harɛre ane voɡa aa wola wone lɛ a nɛra le he nɔn ta nɔɔ?”

Aesaya 38:1

Aa ba dɛ la sie la, weela lɔ Kooro Hɛsɛkea wɛɛ ba sewa. Asɛ Emɔɔs bibaa Korowii keame Aesaya la o be dɛ ka ŋɔ, “Waa Korowii aa dɛ bol laanee kɛŋɔ, ɛ he dem ne he wobɛlbwa kɛrɛdɛ, dɛkalkɛŋɔ haa he weela nɔ taa ir, hɛɛ chɔ he banɔn taa!”

Aesaya 38:5

ó berɛ, dɛ́ ka ŋɔ Kooro Hɛsɛkea be kɛŋɔ, “Men Korowii he nabaa Devid fa aa tomɔ la, n no he wesoŋa, dɛ na siniire aa dɛ yɔɔre. Mɛɛ kpɔ bene fi dɛ anuee ja he mkpa ta.

Aesaya 39:4

Aesaya pɛɛro ŋɔ, “Bɔkwaa ba na he koodem ɔ?” Kooro Hɛsɛkea ŋɔ, “Ba na komɛlbwa aa lɔ n koodem. Komɛlbwa toole n kara mun maa wola kpɔe baɡ ba.”

Jeremia 4:16

Taa la ŋɔ, “Ŋɔ ɡɛ waa nɔ harɛre nɛra be, dɛ́ bola Jerusalam ɡe be ŋɔ, ‘Laa tena baa wara le bojaŋ harɛ ta dɛɛ ba, dɛɛ dooɡe laa lɔŋɔre dɛ́ ba yo Juda harɛ bwɛjena.

Jeremia 5:15

Korowii ŋɔ, “Israel tena, n kpɔ nɛra le bojaŋ harɛ ta ásɛ ba ba yo heya. Harɛ o nɛra aa lole le saŋ la bwa dɛ do kpeɡri haa wola ba wobol no, haa a mun ɡe no.

Jeremia 8:19

Hé no n nɛra wii baa dɛ wi bojaŋ harɛ ta dɛɛ ŋɔ, “Korowii toole Saayɔn kpa kɛɛ? Saayɔn Kooro ɡe toole bela kɛɛ?” Asɛ Korowii waa ɛ ba kooro la chaŋe ŋɔ, “Ɛrɛɛ he kpɔ kwaa he ɡbabir aa ɛa dɛɛ muɡli n baah, dɛɛ tomɛ voɡa aa wola tɔnɔ dɔe, dɛ le harɛfala ta nɔɔ?”

Mmarare 28:49

Korowii ɛɛ ɡeloo nɛra haa wola ba wobol no, le harɛ jaɡa dɛ́ ba he nɛɛ wɔrɔbe nɛɛ kɛŋɔ kee yon ba ta la.

Josua 9:6

Belaa nɛra la la Josua ne Israel tena la be bela baa baŋre ba tɛnte deene Gelɡal. Ate, Gebeɔn tena la ka ŋɔ ba be ŋɔ, “Ya le bojaŋ harɛ bɛl ta, ya dɛ nyin kɛ ya ne he fɔwɛ darame fɔo.”

Josua 9:9

Ba ŋɔ, “Bojaŋ harɛ bɛl taa he bonɔɔna le, noe ya no Korowii haa dɛ tomɔ la wa. Ya no wejena waa ɛa Ijipt harɛ ta,