Aesaya 3:8 - mzwDBL

⁸ Jerusalam paɡrɔ, Juda harɛ ɡe chɔɡ. Nɛra baa lɔ bela nyoa wobol ne ba we-ɛɛla dɛ jo Korowii nɛ. Ba pili nyoa dɛɛ chɛɡɛ Korowii waa ɛ jirima te la.

Aesaya 3:8 Iomraidhean Croise

2 Webena 28:18

asɛ Filisti tena ɡe ba lɔ tɔ Juda harɛ ta bwɛɛre aa lɔ deŋɡarere ta, ne Nɛɡɛv pua hɛŋle ɡbo harɛ tena nɛ. Ba yoo dɛ lɛ bwɛjena Bɛt Sɛmɛs ne Aejalɔn, ne Gɛdɛrɔt ne Soko ne Temna dɛ Gimso, ne a bwɛjeɡre aa bara bwa dɛ so a ta.

2 Webena 33:11

Anomanta, Korowii ɡelɔ Asiiria koojen laa sitɔɔla ne ba laa tena lɔ ba tɔ Juda harɛ tena nɛɛ dɛ yoo ba. Ba lawɛ Kooro Manasɛ, dɛ do ɡoŋa o mee ta, dɛ vɔrɔwo ayaawa jɔɡrɔre ne, dɛ kpɔɔ kaa Babelɔn harɛ ta.

Sɛɡla 26:27

He kwi nafuɡe aa, he ɡbaɡbaa dɛɛ le o bini. He ɡbili bwe ŋɔ he ta he dɔŋ nɛ aa, wɛɛ berɔ ba he nɛ.

Aesaya 1:7

He harɛ berɛ dimɡbia, nomɛlbwa toole o ta. Ba kpɔ nii do he bwɛjena ta a fuh, hɔɔhra dɛ di he kooni kwa, he siwi taa baa chɔɡ a bwa.

Aesaya 49:19

A lole kɛŋɔ harɛ la fa paɡrɔ, dɛ berɛ dimɡbia, kɛ taraken harɛ la ɛɛ do jeɡaa tɛ nɛra baa dɛ ba ba so o ta. Ásɛ nɛra ba fa aa chwa he yaa la, bá kpɔ ba kaa bojaŋ harɛ ta.

Aesaya 57:4

Ume loroo hɛɛ di nɔɔ? Ume baahnee hɛɛ muɡli dɛɛ mile he nyoo o nɛɛ nɔɔ? Deŋnekpeɡ tena naanar ne nyosonteŋna dwee laa heyaa?

Aesaya 59:3

Nɛŋkpoa ne wedoŋa ɡboo su he bwa. Waa aa dɛ le he nyoo ɛ nyosone, hɛɛ lii nyubinikpeɡ we-ɛɛla.

Aesaya 6:11

Anee n ŋɔ, “N Naa Korowii, dɛ ka tel saŋ besoo?” O chaŋe ŋɔ, “Dɛ ka tel kɛŋɔ bwɛjena la aa berɛ dimɡbia, nomɛlbwa aa wola a taa so, ásɛ deremi aa lɔ a ta la chɔ pɛɛ, kooni bwa berɛ pua.

Aesaya 9:17

Anomanta, Korowii sie aa ba bini bonɔɔna nɛɛ lɛɛ ba, hale waa bilalbii ne luhaahna kwaraa sum nae ba, dɛkalkɛŋɔ ba bini bɛlbwa aa o waa ta teŋɛ, dɛ ɛ wechɔɡ-ɛɛra, ba wobol aa were. Anɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Jeremia 23:36

Anomanta, ba bɛ waa aa ɡwaala Korowii kpɔ dawɛ ba nɛɛ la waa bol kpa, dɛkalkɛ dɛ bɛlbwa ɛ ɡɛ naa, mɛɛ ɡeloo n waa la do kɛŋɔ bontɔɡa ɡbaɡba dawɛ o nɛ. Ba berɛ Korowii baa dɛ tomɔ waa la sie, Korowii waa lole saŋ bɛlbwa dɛ ɛ Koranar Bwa Kooro la.

Jeremia 26:18

“Gɛ saŋ Juda Kooro Hɛsɛkea aa di kora la, Korowii keame Maeka waa le Mɔresɛt bol Koranar Bwa Kooro waa baɡle Juda tena bwa ŋɔ, ‘Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.’

Jeremia 26:6

Dɛ he ta teŋɔ dɛɛ ɛ deŋnekpeɡ aa, ate waa maa ɛ Silo laanee mɛɛ ba n Dea bonɔ ɛɛ, ásɛ harɛre nɛra bwa kpɔ bwɛjen Jerusalam sɔn ɛ kon baa taahno.”

Jeremia 4:13

Korowii ŋɔ, “Hé na, dɔm la dɛ ba kɛŋɔ baama ken, kwaa aa do kɛŋɔ torɔɡore ɡee ba kɛŋɔ kawulewule, o jaɡre ɡbaŋre ɡwaa kɔle.” Nɛra la ŋɔ, “Ya bwɛɛlɛ, ya bwa serewɔ!”

Jeremia 44:3

dɛkalkɛ nɛra baa lɔ a ta ɛɛ mɛ wechɔɡa dɛ ɡel n baah di. Ba ɛ sarahare tɛ voɡare ane dɛɛ toma, voɡare ba ɡbabir kɛɛ hen kɛɛ he naawa aa wola an tomɛ.

Wiile 1:9

Bɛlbwa na wechɔɡa waa ɛa dɛ kpɔ doŋa kah o te, o ta waa aa dɛ ba o nɛɛ chiɡa kerekere waa liire. O chola waa chola la ɔma kohona, nomɛlbwa toole dɛ́ larawe o bwara. O ŋɔ, “N Naa Korowii, sune n nɛ, dɛkalkɛ n dɔma pɔ n nɛ, dɛ kpɔ wenaale ba ta n nɛ.”

Ɛsekeɛl 8:12

Korowii ŋɔ n be ŋɔ, “Nɛwɛnyini bie, he na waa Israel nomonome aa baa sɔh dɛɛ ɛ kenɛ? Ba lɔ dea ba voɡa aa suu bini dɛɛ toma. Waa baa dɛ bol laanee kɛŋɔ, ‘Korowii aa yaa na, o vɛh harɛ nɔ.’ ”

Ɛsekeɛl 9:9

Korowii chaŋ mɛ ŋɔ, “Israel ne Juda tena wechɔɡa ɡwaalɔ kohona, nɛŋkpoa ɡboo harɛ la bwa, kasinteŋ toole Jerusalam kpa. Ba dɛ bol ŋɔ, ‘Korowii vɛh ya harɛ nɔ, waa yaa na.’

Hosia 5:5

Israel tena mbarafo ɛ danseɛ kɛ ba di bolchɔɡe. Ba wechɔɡa ɡelɔ ba lɔ naa dɛ chole, Juda tena ɡe ja ba nɛɛ lɔ naa dɛ chole.

Hosia 7:16

Ba teŋɔ berɛ habɔɔ dɛɛ kpo men Nemenɛ Korowii, dɛ kaa tomɛ voɡ waa wola kpeɡri dɔe, ba do kɛŋɔ to waa sɔɔhna ken. Laa taa baa ba ba nomonome kpoora, ba mbarafo wobol wa, ásɛ Ijipt tena mam ba.”

Maeka 3:12

He nomanta, Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.

Maeka 6:12

He nɛra haa dɔ suuɡa dɛɛ ɛɡre nyaara, nyosonteŋna ɡe ɡboo he bwa.

Habakuk 1:13

He do ɡoroŋ kohona, haa soɡee dɛɛ nyiŋi waa aa ɛ wechɔɡa. Haa wechɔɡa nyin. Ɛrɛɛ hɛɛ ba nyoa tɔe, dɛ́ nyiŋi nɛnchɔɡa bá chɔɡ nɛra ba wechɔɡa aa wola doe kɛ ban ɔ?

1 Kɔrent 10:22

Hei! He dɛ nyin he muɡli ya Dɔɔ baah o mee raa? Ya kpeɡri ɡwaalo wa aa?

Tɔn Jud Aa Chwera 1:15

dɛ́ ba bol nɛra bwa waa dɛ́ pa bole. Wɛɛ pa ba bolchɔɡe ba wechɔɡa baa ɛa dɛ vɛh Korowii waa ta teŋa la waa, dɛ́ pa nɛra baa wola Korowii tomɛ bolchɔɡe ba nɛnhɛlwobochɔɡa baa bola dɛɛ yaɡɔ la wa.”