Aesaya 3:3 - mzwDBL

³ ne nomonome baa chɔ laa tena nyoa ne bwɛɛ nomonome, ne nɛra baa dɛ ja ba, ne nɛra baa dɛ ɛ dobodobo we-ɛɛla bwa soo siwi.

Aesaya 3:3 Iomraidhean Croise

Job Tɔn 22:8

a lole kɛŋɔ he dɔ kpeɡri dɛ dɔ harɛ, dɛ dɔ jirima dɛ so o ta.

Kaala 18:21

Berɛ le ba bini wejerema, baa dɛ ɔmɛ Korowii ba wa aa dɔ kasinteŋ, ba siwi aa wola suuɡa beɡre. Dɛ́ kpɔ ba chɔ nɛra kaɡboŋa ne lafare, ne fifraanunue dɛ fifi nyoo.

Kaala 4:10

Asɛ Mosis ŋɔ Korowii be ŋɔ, “N Naa Korowii, n nyoa aa kpɛlɛ ń won bol waa a do som. Dɛ le n bechale saŋ ne ɡɛ saŋ haa kpɔ he te baɡ mɛ bwaa n nyoa aa wola kpɛlɛ ne wobol.”

Aesaya 3:2

dɛ́ chɔɡ ba banyoola ne laa tena, ne nɛra baa bol ba waa dɛɛ pa bole ne ba keamere ne ba voɡra, dɛ nomonome,

Aesaya 3:4

Bonɔmbiee mɛɛ ba ɡela bá chɔ ba nyoa, nɛra baa wola kpeɡee dɛɛ ba ba harɛre la ta nyiŋa.

Aesaya 5:13

He waa mun bɛ noe nomanta, baa lawɛ heyaa kaa harɛfale bɛl taa, dɛ kaa do heya. Lɔr ɛɛ kpo he bini banɔ la baa chɔ he nyoa bá serewe, ásɛ dansaara haa ka la, nyɔɡre kpo heyaa he serewe.

Aesaya 9:15

Nomonome ne nɛra baa dɔ jirima laanee daa la nyu, asɛ Korowii keamere baa dɛ teŋe nyosone o waa la ta la, ɡee daa la harɛbɔr.

Mmarare 1:15

Anee n kpɔ wejerema ne nɛra baa dɛ no waa mun ba waa dɔ nyɛl dɛ le dea bɛlbwa bini, dɛ kpɔ ba chɔ he nyoa. Bane chɔ nɛra kaɡboŋa nyoo, bane chɔ lafare nyoo, bane ɡe chɔ fifraanunue nyoo, asɛ bane ɡe chɔ nɛra fifi nyoo. Dɛ le bane ɡe baa nyiŋi deene la bɛlbwa waa ta.

Sitɔɔla 8:18

Ate, Gedeɔn bɔɔ Seba ne Salmuna ŋɔ, “Ɛrɛɛ baala haa kpoo ba Tabɔ la doɔ?” Asɛ ba chaŋo ŋɔ, “Baala baa do kɛ hen, dɛ do kɛ koobiirii.”

1 Samoɛl 8:12

Wɛɛ ɡeloo ba bini bane ɛ laa nomonome dɛ́ chɔ laa tena kaɡboŋa nyoa, bane ɡe chɔ laa tena fifraanue nyoa, ásɛ bane ɡe ɛɛ parɛ o koo dɛɛ komɛ o koo kondikwa. Wɛɛ ɡeloo bane ɡe ɛɛ kwaa dɔmkwa baa kpɔ dɛɛ la laa, ne bune baa kpɔ dɛɛ kwaa laa torɔɡore la.