Aesaya 3:16 - mzwDBL

¹⁶ Korowii ŋɔ, “Saayɔn haahna dɛ ɡɔɔ ba te, dɛ valɛ dɛ laa ba baŋa pa, dɛ kpɔ sie dɛɛ nyin baala. Ba dɛ valɛ tolvala naɡale bori ne, asɛ naloɡa baa kpɔa do ba nakpale la ɛɛ do ɡbɔɡa.”

Aesaya 3:16 Iomraidhean Croise

Sɛɡla 16:18

Mbarafo dɛ ba chɔɡa ne, asɛ maŋkurae ɡe ɛɛ ba harɛ lɔe ne.

Sɛɡla 21:4

Sisa we-ɛɛla ne mbarafo, ne wedoŋa bwa ɛ wechɔɡa.

Sɛɡla 30:13

Nɛra bane dɛ ɛ mbarafo, dɛɛ nyiŋi nɛra nyubaahna.

Yelsom 3:11

Jerusalam haahna, hé le ba, dɛ́ ba na Kooro Solomɔn kooɡbɛrɛ o nya aa kpɔa piu, awola o sie aa lɛa kohona wɛɛ ɛ o hanfalwaa la.

Aesaya 1:8

Jerusalam chɔ pɛɛ kɛŋɔ kuku waa cheɡɛ daa koo ta ken, kɛŋɔ kuku waa cheɡa pɛɛ mea koo ta ken, kɛɛ bwɛɛ baa baro cheme dɛɛ ba o yoi ken.

Aesaya 24:4

Hwel cheɡɛ harɛ ta, o ta kwaa bwa jwalɛ, nyundua tɔɔ, harɛ som tonɔ, harɛ ta nɛnjena ɡwɛɡre.

Aesaya 3:1

Hé no, Koranar Bwa Kooro dɛ ba nɛra ne kwaa Jerusalam ne Juda tena aa kpɔ ba te dawɛ a nɛɛ la laa dɛ kpɔ. Wɛɛ tɔ ba kondikwaa ne nee ŋwɛnɛɛ,

Aesaya 3:17

Anomanta, Korowii ɛɛ ɡeloo Saayɔn haahna nyubaahna chuɡri ŋwɛra, ásɛ ba nyuune ɡba.

Aesaya 3:18

Gɛ tɔpere la telaa, Korowii ɛɛ laa ba tolkwaa laanee kpɔ. Wɛɛ laa ba naloɡa ne kwaa baa kpɔa dɛɛ saɡre ba nyumpona ta, dɛ ba baŋa kwaa aa do kɛŋɔ korobie dɛ le loɡla la,

Aesaya 3:4

Bonɔmbiee mɛɛ ba ɡela bá chɔ ba nyoa, nɛra baa wola kpeɡee dɛɛ ba ba harɛre la ta nyiŋa.

Aesaya 4:4

Gɛ saŋ la, Korowii ɛɛ fee haahna la doŋaa ta, dɛ́ fee nɛra baa kpoo nɛra Jerusalam la doŋa ta. Wɛɛ che o kpeɡri taa dɛ́ tɛr ba deŋne, dɛ́ fee doŋa aa lɔ harɛ la bwa ta.

Sefania 3:11

Gɛ tɔpere la, maa ɡel sihiih kpo heyaa he deŋnekpeɡ haa ɛɛ mɛ la waa kpa. Mɛɛ le mbarafo tena bwa nee n bwɛjen nɔ ta, ásɛ bɛlbwa ɡe aa won ɛɛ mɛ sisawaa n bweɡoroŋ n Dea aa chɔŋɛ o ta la ta kpa.

Matiu 21:5

“Ŋɔ Saayɔn tena be ŋɔ bá nyiŋi na! Ba kooro dɛ ba ba be! O pwɛre. O soɡe keeɡo bie ta, keeɡo bale taa o so.”

Amanesoma Luk Aa Chwera Tɔn 23:28

Asɛ Yeesu berɛ o te dɛ ŋɔ, “Jerusalam haahna, he bɛ wi tɛ mɛ. He wi tɛ he te ne he bii,