Aesaya 3:12 - mzwDBL

¹² Toli ne bonɔɔna dɛ fiiɡi n nɛra. Haahnaa dɛɛ nyiŋi ba nɛ dɛɛ do ba. N nɛra, he sitɔɔla ɡelɔ he nyoɡre. Ba ɡelɔ he nyoɡre ŋwɛnɛ.

Aesaya 3:12 Iomraidhean Croise

2 Koranar 11:1

Kooro Ahasia nya baa dɛ yerɔ Atalia aa naa kɛ o bibaa Kooro Ahasia sewɔ la, o ŋɔ bá kpoo koobii baa ba di kora la bwa.

Job Tɔn 30:13

Ba tɔ mɛ ŋwɛnɛ, dɛ́ dɔ bɔr chɔɡ mɛ, nomɛlbwa toole dɛ́ kah ba.

Sɛɡla 28:16

Kooro waa wola liire dɔe, o nyu bini do kpeɡri laanee dɛɛ fiiɡi o nɛra, kɛ onɔ la waa wola kafo nyin la dɛ́ dɔ mkpajaŋ.

Wejereme 10:16

Harɛ o nɛra kooro aa ɛ bonɔmbi, ba nomonome ɛɛ di kondikonjena, dɛɛ lɛ ba sie jwaana la, ba bwɛɛlɛ!

Aesaya 19:14

Korowii perewi sibir ta ba nɛ, dɛ ɡel Ijipt tena ɛ sakaa ba we-ɛɛla ta, kɛŋɔ sennyɔdɛɛ yon chwɛɛ dɛɛ ɡbaɡre a ta la.

Aesaya 3:4

Bonɔmbiee mɛɛ ba ɡela bá chɔ ba nyoa, nɛra baa wola kpeɡee dɛɛ ba ba harɛre la ta nyiŋa.

Aesaya 51:22

Nemenɛ Korowii haa dɛ tomɔ wɛɛ che he habɔɔ la ŋɔ, “Hé na, n lɛ n danana nee numol haa nyɔ o bini sen dɛɛ la le he nɔn ta. Haa anee nyɔ kpa bwa.

Jeremia 5:31

N keamere dɛ bol wa aa ɛ nyosone ɡbosoroo, sɔfore cheɡɛ ba kpeɡri ta dɛɛ nyiŋi harɛ la ta, kɛ n nɛra sie dɛ lɛ a ta. Anɔ bwa habɔɔ, ɛrɛɛ baa ba ɛɛ yɔ?’ ”

Maeka 3:5

Waa Korowii aa dɛ bol laanee nɔ. “Keame nyosonteŋna ɡelɔ n nɛra nyoɡre, ba dɔ komɛl dɛ́ le nɛra be dɛ di aa, ba soŋe deŋnesɔɔhna dɛɛ tɛɛ ba. Ba ta komɛlbwa dɔe le ba be tenaa, ba dɛ kpɔ ba te dɛ́ ka yoo ba laa.

Neehum 3:13

He laa tena bwa berɛ haahna. He bwɛjena doonyoo pilo paɡri nɛɛ tɛ he dɔma, a doonyoo ɡbeni bwa fuoh.

Matiu 15:14

He bɛ ban dawɛ le! Ba ɛ nyoŋa baa dɛ tɔ nyoŋa sie. Nyoŋe lawɛ o dɔŋ nyoŋe daa aa, ba bwa dɛ le bɔɔ ta.”

Matiu 23:13

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa!