Aesaya 3:10 - mzwDBL

¹⁰ Gel nɛra ba wa aa toɡra no kɛŋɔ aa do werii tɛɛ ba. Baa di ba we-ɛɛla tɔnɔɔ.

Aesaya 3:10 Iomraidhean Croise

Mumpar 18:25

N jemɔ kɛŋɔ haa pɛ kpo nɛnchɔɡa ne nɛndɛɛɡa. Akai, haa ɡɛɛ ɛ. He ɛ ɡɛ naa, nɛndɛɛɡa ne nɛnchɔɡa bwaa hɛɛ ba pɛɛ tɛr ba deŋne la. A ne he sɔn ta maɡrɛ kwaraa! He nɛn haa ba bol harɛ nɔ ta nɛra bwa waa dɛ́ pa bole la ta chɛɛ kɛ he ɛ anɔ la aa maɡraa?”

Yela 58:11

Belaa nɛra ɛɛ ba ŋɔe ŋɔ, “Kasinteŋ, nɛra ba wa aa toɡra dɔ ba kembɔr, Korowii lole kpela, dɛ bol nɛra waa dɛɛ pa bole, harɛ nɔ ta.”

Kaala 1:20

Anomanta, Korowii nyiŋi haahna baa dɛ lɛ haahna lol la nɛ, dɛ ɡel Israel tena mun ya kohona.

Sɛɡla 10:6

Nomɛlbwa swee andɛɛɡa dɛɛ tɛ nɛn o wa aa toɡra, kɛ nɛnchɔɡe te mur, waa yoi waa bol á le baŋ.

Sɛɡla 12:14

Nɛn kembɔr lɔ anɔ la waa bol ne o we-ɛɛle ta. Anee ɡela wɛɛ dɔ kwaa aa chɛo.

Sɛɡla 13:21

Wechɔɡ-ɛɛra ne waa bobɛlbwa, kɛ nɛra ba wa aa toɡra te, wedɛɛɡaa ɛ ba kembɔr.

Sɛɡla 18:21

Nyoa wobol dɛ ba seo ne mkpa ne. Anomanta, nyiŋi he nyoa wobol bini kɛrɛdɛ, dɛ bɛ waa dɔ.

Wejereme 8:12

A lole kɛŋɔ wechɔɡ-ɛɛ ɛɛ won ɛ wechɔɡa kera lafa dɛ́ ta so biɡri. Kɛ n jemɔ kɛŋɔ nɛra baa dɛ ɔmɛ Korowii dɛɛ duuru la, wobɛlbwa ɛɛ do werii tɛɛ ba.

Aesaya 54:17

Dɔmkon bɛlbwa toole bá won kpɔ che he nɛɛ á maɡre. Nomɛlbwa waa kpɔ waa dawɛ he nɛɛ la, wɛɛ di bolchɔɡee. Mɛɛ che n bonɔɔna habɔɔ, bá di bole ba dɔma nɛ. Men Korowiirii bola.”

Jeremia 15:11

Korowii ŋɔ, “Kasinteŋ, mɛɛ lɛ heyaa, ásɛ wobɛlbwa maɡre tɛ heya, dɛ́ ɡel he dɔma ba ɡuŋi heyaa harɛ, he wenaale ne suna dii tɔpera ta.

Jeremia 21:14

Mɛɛ tɛr he deŋnee ɡɛ he we-ɛɛla aa doa. Mɛɛ ɡeloo nii le he kɔne bini dɛ́ fuh komɛlbwa aa lɔ a ta, Men Korowiirii bola.’ ”

Jeremia 22:15

He do dem dɛ kpɔ peleme daa kwaaro waa, anee dɛ́ ɡel nɛra ŋɔ he ɛ kooro kɛɛ? Kondikwaa ne sen fa ta he mɛɛ nyae, kɛ o ɛ anɔ la aa wera dɛ toɡre, anomanta, o wobɛlbwa wer dɛ tɛo.

Jeremia 7:23

N do ba ŋɔ baa no n wa, ásɛ n ɛ Korowii baa dɛ tom mɛ, ásɛ ba ɡe ɛ n nɛra. N berɔ ŋɔ ba be ŋɔ a chɛ kɛ baa ɛ ɡɛ maa do ba la, ásɛ wobɛlbwa do wer tɛɛ ba.

Ɛsekeɛl 18:20

Naate waa dɛ ɛ wechɔɡa laanee dɛɛ sewɛ. Bie ta chɛ kɛ ó na wa o mɛɛ wechɔɡa wa, mɛɛ ɡe ta chɛ kɛ ó na wa o bie wechɔɡa wa. Nomɛlbwa o waa aa toɡra wɛɛ ɛ wedɛɛɡa dɛ́ dɔ andɛɛɡa, nomɛlbwa waa dɛ ɛ wechɔɡa ɡe, wechɔɡaa dɛɛ teŋɛ o nɛ.

Ɛsekeɛl 9:4

“Gaaɡe Jerusalam fɔɡbaahna, dɛ́ do nɛra baa na waa maa kia, asɛ baa wi dɛɛ di suna a waa la nso ba tili ta.”

Maeka 7:13

Kɛ harɛ bwa ɛɛ chɔɡoo, o nɛra we-ɛɛla wa, dɛ́ do kɛŋɔ pua hɛŋle ɡbo harɛ ta ken.

Sefania 2:3

He nɛra haa pwɛr he te dɛ do harɛ nɔ ta, hé charɛ he liire dɛɛ no Korowii wa. Hé ɡel he waa toɡre, dɛ́ ba he te ne harɛ o sie, o ken ɛɛ lɛ heyaa, waa wola he deŋnee tɛr kpa, awola o bwaawee aa ir nɛra nɛɛ la.

Malakae 3:18

Hɛɛ berɔ na ɡɛ nɛra ba wa aa toɡra waa aa korɛ banɔ la ba nyu bini aa kpeɡa waa ta, ne ɡɛ nɛra baa dɛ tomɛ men Korowii waa aa korɛ banɔ la baa wola men tomɛ waa ta.”

Amanesoma Luk Aa Chwera Tɔn 19:19

Anee nomoa la ŋɔ o ɡe be ŋɔ, ‘Mɛɛ ɡeloo he nyiŋi bwɛɛre anue ta.’

Mmarare 12:25

He bɛ an di, ásɛ a chiɡ he ne he bii ba taa dɛ ba bala la kɛrɛdɛ. He dɛ ɛ ɡɛ naa, dɛ he dɛ ɛ waa aa wera Korowii be.

Hibru 6:10

Korowii ta nɛn waa wola waa ɛ aŋwɛnɛ ta ɛɛ, á ba ɛ kɛŋɔ wɛɛ soh he tondɛɛɡa haa dɛ ɛ, ne ɡɛ haa dɛ nyinu dɛ koh a waa cha o nɛra dɛ ta ɛɛ cha ba la waa.