Aesaya 26:8 - mzwDBL

⁸ Ya sie dawɛ he nɛɛ yaa teŋɛ he Mmarare ta, he ɡbosoo ya bambile lawɛ.

Aesaya 26:8 Iomraidhean Croise

2 Samoɛl 23:5

Gɛɛ Korowii ɛɛ ba n naanar andɛɛɡa sweera, dɛkalkɛ n ne o fɔwɛ fɔo waa do le saŋ bɛlbwa dɛɛ la, fɔo waa wola chɔɡ bwa, nyobaɡa waa wola charɛ. Waa bwa maa dɛ nyin laanee la, Korowiirii dɛ́ ɡel a bwa ɛ ɡɛ dɛ́ tɛ mɛ.

Yela 106:3

Nɛra baa dɛ teŋɛ o Mmarare ta, ba waa toɡre saŋ bɛlbwa la, ba na som.

Yela 130:5

N dɛ kpa sibeɡra ne kɛŋɔ Korowii ba cha mɛ. O waa la taa mɛɛ hwɛɡɛ.

Yela 18:23

O ta n bwara waa dɔe dɛ bol bwa, n laa n te kpɔ wechɔɡa ɛɛ ta.

Yela 42:2

Korowii haa lole saŋ bɛlbwa, n dɛ nyini kɛ nyɔɡre aa dɛ kpo nɛn ken. Bɛweeree ń won ba he sie, dɛ́ ba tomɛ nɔ?

Yela 65:6

He kpeɡri taa he che dɛ ta bwejena dɛ chaɡle kpeɡri kohona haa dɔa.

Yela 73:25

N Naa Korowii, he ɡboo lɔ nyundua dɛ́ won cha mɛ. He habɔɔ, maa komɛlbwa nyin harɛ nɔ ta.

Yela 84:2

Bela waa dɛ ɛɛ mɛ taeh! N dɛ nyin kɛ n fe aa lɔ he Dea. Mɛɛ ɡo silɛɛ yela n bambile bwa nee tɛ Korowii waa lole saŋ bɛlbwa la.

Kaala 3:15

Korowii berɔ ŋɔ Mosis be ŋɔ, “Ŋɔ Israel tena be ŋɔ, ‘Men Korowii ba nabaala Abraham ne Aesek dɛ Jekɔb aa tomɔ laanee tomɛ ba be.’ A ɡɛ sɔn nɔɔ dɛ́ ɛ n sɔn saŋ bɛlbwa dɛɛ la. Ásɛ naanar baa ka ba bwa ɡe ɛɛ yer mɛ ɡɛ.

Yelsom 5:8

Jerusalam haahna, hé baɡ mɛ nyoa, dɛ he na n sɛnodɛɛɡe la aa, hé ŋɔ o be ŋɔ o nyina kohona ɡelɔ n bambile chɔɡ, mɛɛ nyin o bɔr.

Aesaya 12:4

Awola tɔpere la, hɛɛ ɡo yelee ŋɔ, “Hé yerɛ Korowii sɔn, hé jaamo. Hé ɡel harɛre nɛra bwa jemɛ ɡɛ waa ɛa, ásɛ dɛ berɛ baɡ ba ɡɛ o sɔn aa kana.

Aesaya 24:15

He banɔ la haa lɔ wee leebɔr pera ɡe, hé tɛ Korowii sɔn. Ekwie harɛre aa lɔ mpo ta bwa nɛra, hé kpɛɛ Korowii Israel tena aa dɛ tomɔ la.

Aesaya 25:1

N Naa Korowii, henee mɛɛ tomɛ, mɛɛ tɛɛ sɔnee dɛ́ kpɛɛre. He ɛ nyokpowa, waa haa maɡla bil saŋ la, he ɛa kasinteŋ ne.

Aesaya 25:9

A ba ɡɛ naa, baa boloo ŋɔ, “Kasinteŋ, Korowii yaa dɛ tomɔ laanee la. Korowii yaa hwɛɡɛ o nɛɛ laanee la, o lɛ yaa. Hé ɡel ya hɛɡre ya sie lɛ, lɛɛ waa lɛ yaa la wa.”

Aesaya 26:13

Korowii yaa dɛ tomɛ, nɛra banee fa dɛ nyiŋi ya nɛ, kɛ he ɡboo ya kpɔ jirima dɛɛ tɛ.

Aesaya 30:18

Ane a bwa, Korowii tea dɛ domɔ he waa wɛɛ kpa kɛ he ba o be. O na he sum, dɛkalkɛ o waa dɔ kasinteŋ. Banɔ la bwa baa kpɔ ba te dawɛ o nɛɛ la, ba na som.

Aesaya 33:2

N Naa Korowii, na ya sum, he bee ya hwɛɡa bwa do. Nyiŋi ya nɛɛ he kpeɡri ne tɔpere bɛlbwa. Lɛ yaa dɛɛ le wenaale ta.

Aesaya 49:23

Koranar ɛɛ kpɔ heyaa berɛ ba bii, ásɛ ba haŋkoranar ɡe berɛ he nyare. Baa dɛɛ ɡuŋi heyaa harɛɛ, dɛ́ kpɔ duure tɛ he ya. Belaa hɛɛ ba jema kɛŋɔ menee Korowii. Nɛra baa kpɔ hwɛɡa dawɛ n nɛɛ la, sihiih aa ban kpo bwa.”

Aesaya 51:4

N nɛra, hé no n be! N harɛ ta nɛra, hé cheɡ deŋne no waa maa dɛ bol nɔ. Mɛɛ ɡeloo he jemɛ me Mmarare, ásɛ n kasinteŋ ɛ kandea dɛɛ chaah harɛre nɛra.

Aesaya 56:1

Korowii ŋɔ o nɛra be ŋɔ, “Hɛɛ bol waa aŋwɛnɛ ta dɛɛ ɛ waa aa toɡra. Lɛɛ maa dɛ ba ba lɛ heyaa la telo. Nɛra ɛɛ nao ɡɛ n waa aa toɡra.

Maeka 4:5

Harɛre nɛra ɛɛ dɛɛ tomɛ ba voɡaree, kɛ ya te, Korowii yaa dɛ tomɔ waa taa yaa ba teŋa saŋ bɛlbwa dɛɛ la.

Maeka 7:7

Kɛ n te, n dɛ hwɛɡɛ dɛɛ nyiŋi Korowii ŋwɛnɛ. Korowii waa ɛ n Lɛɛ laanee mɛɛ kpa, wɛɛ no n bee.

Malakae 4:4

Hé lii Mmarare ne webaɡla maa cheɡɛ n bonɔɔ Mosis nɛɛ dɛ kpɔ tɛ he Israel tena bwa ŋɔ hɛɛ teŋɛ a ta Sinai Bwejen ta la.

Nɛra Kura 36:13

Mmarare ne waa Korowii aa kpɔa che Mosis nɛɛ dɛ tɛ Israel tena laanee. Moab harɛ waa chɔa kaa Jɔɔdan Moo ta, asɛ Jeriko do baŋ bɛl la taa Korowii bola.

Amanesoma Luk Aa Chwera Tɔn 1:6

Dɛ ɡɛ nɛra banɛ nɔ bwa ɛ nɛndɛɛɡa ba waa aa su Korowii siwi, baa no Korowii wa, dɛɛ teŋɛ a bwa ta kɛrɛdɛ.

We-ɛɛla 1:4

Ba ne waa bera ba cheme ja la, o ŋɔ ba be ŋɔ, “He bɛ Jerusalam le mɔɔ. Hé so kpa koŋkɛɛle la maa ŋɔa n Mɛɛ baɡɛ nyoa ŋɔ wɛɛ tɛ heyaa la.

Tɔn Pɔɔl Aa Chwerɛ Rom Tena 8:25

Ya te la, kon waa wola ya nɔn ta joɛ mɔɔ la, o waa yaa hwɛɡɛ. Yaa too.

2 Tesalonika 3:5

Yá Dɔɔ Yeesu Kristo cha heya, ásɛ he won jemɛ nyina Korowii aa nyin heya, ne bambile Yeesu Kristo aa lawa o hɔhɔrɔwa la bini la.