Aesaya 26:7 - mzwDBL

⁷ N Naa Korowii, he ɡelɔ nɛra ba wa aa toɡra ŋwɛnɛ ɛɛ do wer, he kwaaro baa valɛ o ta.

Aesaya 26:7 Iomraidhean Croise

1 Webena 29:17

N jemɔ kɛŋɔ bambile binii hɛɛ nyiŋi, he sie ɛɛ lɛ nɛra ba wa aa toɡra ta. Anɔ bwa, n ta n bambile dɛ kpɔ tɛɛ. N berɔ na silɛɛ he nɛra baa lɔ bonɔ ɡe aa dɔa, dɛ le ba bambile ta, dɛ kpɔ kwaa ba tɛɛ.

Job Tɔn 31:6

amɔ Korowii nyiŋi n waa bini, wɛɛ nao kɛŋɔ wechɔɡa bɛlbwa toole n nɛ,

Yela 1:6

Korowii dɛ nyiŋi nɛra ba wa aa toɡra nɛ, kɛ nɛnchɔɡa ŋwɛnɛre te, a dɛ kaa ba ne seo ta.

Yela 11:4

N Naa Korowii lɔ o Dea waa lea cheɡ tɛ o te bini nyundua, dɛɛ di kora, dɛɛ nyiŋi nɛwɛnyini bobɛlbwa, dɛ jemɛ ɡɛ baa dɛ ɛ.

Yela 11:7

Korowii waa toɡrɔ, o dɛ nyin kasinteŋ. Nɛra ba wa aa toɡraa dɛɛ ba o nae.

Yela 25:4

N Naa Korowii, baɡ mɛ he ŋwɛnɛre, ásɛ n jemɛ dɛɛ kpɔ a ta.

Yela 25:5

Baɡ mɛ he kasinteŋ waa la mɛɛ teŋɛ a ta, dɛkalkɛ henee Korowii maa dɛ tomɛ, he ɛ n Lɛɛ, he nɛɛ mɛɛ hwɛɡɛ tɔpere bɛlbwa.

Yela 27:11

N Naa Korowii, baɡ mɛ he ŋwɛnɛre, tɔ n sie, dɛ́ kpɔ mɛ kpɔ ŋwɛnɛdɛɛɡe ta, dɛkalkɛ n dɔma warɔ.

Yela 5:9

Wobol aa le ba nyoo dɛɛ ba bwa ɛ nyosone, ba pɛla waa bwaa nɛra chɔɡa. Nɛra neɡra dɛ́ kpoo ba ɡboo lɔ ba nyu bini, nɛra ɡboo baa neɡre.

Sɛɡla 11:5

He waa toɡrɔ aa, dɛ he waa wer, kɛ he ɛ nɛnchɔɡe aa, he ɡbaɡba we-ɛɛla dɛ chɔɡe.

Sɛɡla 20:7

Nɛn o wa aa toɡra o bwara aa wola wechɔɡe bɛlbwa dɔe la, o seo habɔɔ, o bii dɛ na som.

Sɛɡla 21:8

Nɛn waa di waa ane bolchɔɡe la, o wobɛlbwa aa toɡre, kɛ nɛn waa di bole la soɡa bini toɡrɔ.

Sɛɡla 3:6

Wobɛlbwa haa dɛ ɛ la, lii Korowii wa, ásɛ o baɡle ŋwɛnɛdɛɛɡe hé kpɔ o ta.

Sɛɡla 4:18

Nɛra ba wa aa toɡra waa do kɛŋɔ, bɔr aa chaahna chɔmbibii ka tel kɛŋɔ wee aa baŋa.

Aesaya 30:18

Ane a bwa, Korowii tea dɛ domɔ he waa wɛɛ kpa kɛ he ba o be. O na he sum, dɛkalkɛ o waa dɔ kasinteŋ. Banɔ la bwa baa kpɔ ba te dawɛ o nɛɛ la, ba na som.

Aesaya 35:8

Ŋwɛnɛjen ɛɛ chɔ belaa baa yerɔ “Ŋwɛnɛɡoroŋ Waa Dɛ Kaa Korowii be.” Wechɔɡ-ɛɛra aa o taa kpɔ, ó chɔ tɛ nɛra baa teŋɛ Korowii waa la ta, hale ɡɛna kwara aa o taa kpɔ.

Aesaya 42:16

Mɛɛ tɔ nyoŋa siee, dɛ́ kpɔ ba kpɔ ŋwɛnɛre baa wola a ta jemɛ ta. Mɛɛ ɡeloo biro baa lɔ o ta la berɛ bochaah dɛ́ tɛɛ ba, dɛ́ kwaa ŋwɛnɛre aa wola were a chɔ harɛ. Waa nɔɔ mɛɛ ba ɛɛ tɛɛ ba, maa ban ta.

Aesaya 52:12

Toola ne laa hɛɛ ba lee, kɛɛ chwae laa hɛɛ ba chwae le, dɛ́ dɔ he nyu. Korowii haa dɛ tomɔ la ɛɛ tɔ he siee, wɛɛ berɔ teŋɛ he nɛɛ dɛ́ daah heya.

Aesaya 57:2

Nɛra baa ɛ nɛndɛɛɡa la, ba serewaa, ba dɛ chɔ sɔnɔnɔɔ deŋnesɔɔhna ta.

Jeremia 10:23

N Naa Korowii, nomɛlbwa ta o nyokala kpeɡri dɔe, bɛlbwa ɡe aa won jemɛ o soɡa waa bini.

Hosia 14:9

Umee wejereme ɔ? Naate ɛɛ jemɛ waa nɔɔ. Umee dɛɛ pese waɔ? Naate ɛɛ no a munii. Korowii ŋwɛnɛre toɡrɔ, nɛra ba wa aa toɡra dɛ teŋɛ a ta, kɛ deŋnekpeɡ tena dɛ lɔ naa a ta.

Sefania 3:5

Korowii ta lɔ bwɛjen la bini, o waa toɡrɔ, waa wola wedoŋa nyin. Tɔpere bɛlbwaa wɛɛ di o nɛra kasinteŋ, waa wola habɔɔ le saŋ bɛlbwa, kɛ ane a bwa, sihiih aa wechɔɡ-ɛɛra baa lɔ o ta la kpo.

1 Kɔrent 4:5

Anomanta, he bɛ nomɛlbwa kpɛɛ kɛɛ dɛ chɔɡo ka tel kɛŋɔ Yeesu Kristo aa ba. Dɛ o balaa, wobɛlbwa aa sɔah la ɛɛ le bochaahnee, wedɛɛɡa oo, wechɔɡa oo, a bwa ɛɛ leo, ásɛ wobɛlbwa aa sɔah dɛ do nɛwɛnyini bambile bini la chɔ baŋ, ásɛ Korowii kpɛɛ nomɛlbwa ɡɛ aa chɛo.

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

Ɛfesos 2:10

Korowiirii ta ya bwa. Waa ta yaa la, wedɛɛɡa ɛɛ waa o ta yaa ásɛ ya che Yeesu Kristo kpeɡri ta dɛɛ ɛa. O tɔ sie cheɡ yaa kɛ ya baa ɛ wedɛɛɡa.

1 Jɔn 3:10

Anɔ taa yaa ba cheɡa dɛ́ jemɛ banɔ la baa ɛ Korowii bii ne banɔ la baa ɛ Bɔnsam kwa. Nomɛlbwa waa wola wedɛɛɡa aa su Korowii siwi ɛ, kɛɛ waa wola o dɔŋ nyin la, o ta o bie ɛɛ.

1 Jɔn 3:7

N bidɛɛɡa, he bɛ ɡel nomɛlbwa neɡre heya. Nomɛlbwa waa dɛ ɛ wedɛɛɡa aa su Korowii siwi la ɛ nɛndɛɛɡe ɡɛ Yeesu Kristo aa ɛ nɛndɛɛɡe la.