Aesaya 26:6 - mzwDBL

⁶ Nɛra baa dɛ fiɡ ba, ne nyaara ɛɛ valɛ o taa, dɛ́ tiɡru do harɛ.

Aesaya 26:6 Iomraidhean Croise

2 Koranar 9:33

Anee Kooro Jehu ŋɔ ba be ŋɔ, “Hé lawɔ dɛ́ kpɔɔ viɡri harɛ.” Asɛ ba lawɛ Jɛsɛbɛl viɡri harɛ, o chal yaɡre danjwɛɛ ne jaɡre la, asɛ a tiɡru do harɛ.

Aesaya 11:4

Ŋwɛnɛ waa toɡra taa wɛɛ ba cheɡa, dɛɛ bol nɛra aa hiah ba wa, dɛ́ pa bole, kasinteŋii wɛɛ ba kpɔe dɛ́ bol harɛ nɔ ta nyaara waa tɛɛ ba. O nyoa wobolee wɛɛ ba kpɔe tɛr nɛn deŋne, waa waa bol la ɛɛ kpoo wechɔɡ-ɛɛraa.

Aesaya 25:10

Korowii ɛɛ kpɔ nɔnee tɔ Saayɔn Bwejen la taa, kɛ Moab tena te, baa tiɡri ba nɛɛ kɛŋɔ baa tiɡri kpɔɡa dɛɛ koo nabena ta la.

Aesaya 28:3

Israel sitɔɔla, baa ɛ sennyɔɔra kooɡbɛrɛre baa kpɔa dɛɛ maŋkura ba te la, baa tiɡraa do harɛ.

Aesaya 29:19

Nɛŋɡwɛɡra sie ɛɛ berɔɔ lɛ Korowii waa ta ja, nyaara hɛɡre Israel Nɛŋɡoroŋ la wa.

Aesaya 3:14

Korowii dɛ ba o nɛra nomonome ne ba sitɔɔla waa bola dɛ́ pa bole. O ŋɔ, “Heyaa he n daa koo. Heyaa pa nyaara kwaa le ba be kɛŋɔ laa ta kwa, dɛ kpɔ su he be deene.

Aesaya 3:15

Ɛrɛɛ hɛɛ ɛ ɡɛ nɔɔ? Haa kɛrɛdɛ ɛ ɡɛ haa dɛ fɔɡɛ n nɛra, dɛ pa nyaara kwa, dɛ lawɛ ba sie dɛɛ teɡɛ harɛ nɔ. Men Korowii, Koranar Bwa Kooroo ŋɔa.”

Aesaya 37:25

He ɛ mbarafo ŋɔ, he kwi buli harɛfala ta, dɛ nyɔ a bini nee bela. Dɛ ŋɔ he laa tena nakpale ɡbo ɡelɔ Ijipt Nael Moo hweeh.

Aesaya 60:14

Nɛra ba fa aa ɛ heyaa hɔhɔrɔwa naanar ne banɔ la ba fa aa hah he ya, dɛɛ nyiŋi he nyubaah ɛɛ ba ɡuŋi he siee. Baa yerɛ he bwɛɛ Korowii Bwɛjen, Saayɔn, Israel Nɛŋɡoroŋ la Bwɛ.

Jeremia 50:45

Anomanta, hé no bwɛjen Babelɔn vɔrɔwa men Korowii aa dɛ vɔrɔwe wa. Hale ba bii bwa, baa laɡ ba laa taa kaa, ásɛ ɔmee ne bambiteŋa chole ba nɛ.

Daneɛl 7:27

Kpeɡri ne kan harɛ nɔ ta kora aa dɔa la ɛɛ berɔɔ ba ɛ Nemenɛ Korowii nɛra ba waa aa toɡra la kon. Korowii Kora la kpeɡri aa ɡu bwa, ásɛ koranar baa lɔ harɛ nɔ ta bwa ɛɛ tomɔ, dɛɛ no o wa.’

Sefania 3:11

Gɛ tɔpere la, maa ɡel sihiih kpo heyaa he deŋnekpeɡ haa ɛɛ mɛ la waa kpa. Mɛɛ le mbarafo tena bwa nee n bwɛjen nɔ ta, ásɛ bɛlbwa ɡe aa won ɛɛ mɛ sisawaa n bweɡoroŋ n Dea aa chɔŋɛ o ta la ta kpa.

Malakae 4:3

Awola tɔpere maa ba ɛ ɡɛ waa nɔ la, hɛ́ɛ tiɡri nyubinikpeɡ tenaa do harɛ kɛŋɔ tɔɔ.

Amanesoma Luk Aa Chwera Tɔn 10:19

Hɛ́ɛ no! N tɛ heyaa kpeɡri kɛŋɔ hé tiɡri harɛkwaare ne nɔrɔme nɛ, dɛ́ pɔ ya dɔm Bɔnsam ne o toroma bwa nɛ, wobɛlbwa aa wola won ɛ heya.

Tɔn Pɔɔl Aa Chwerɛ Rom Tena 16:20

Korowii waa dɛ tɛ yaa deŋnesɔɔhna la aa biɡri chɔɡ Bɔnsam ne o toma, ásɛ he tiɡri o nɛ. Yá Dɔɔ Yeesu Kristo cha heya.

1 Kɔrent 1:26

Yabala, hé lii ɡɛ haa doa asɛ Korowii le heyaa ŋɔ hɛ́ɛ teŋɛ o nɛɛ la. He ɡalɡa ta wejerema ɛɛ nɛra be. He ɡalɡa ɡe ta nɛnjena ɛɛ nɛra be. He bwa ɡe laa ɛ koobii.

Jems 2:5

Yabala, hé no! Korowii we-ɛɛlaa kɛŋɔ ó le harɛ nɔ ta nyaara baa yaradao kɛrɛdɛ ásɛ ba yarada la ɛɛ ba kondɔɔh, ásɛ ba dɔ bɔr dɛ́ ja o Kora waa baɡɛ nyoa ŋɔ wɛɛ ɡeloo nɛra baa dɛ nyinu ja o ta la.

Josua 10:24

Baa laɡ ba le ba tɛ Josua la, o yerɛ Israel tena la ne laa nomonome la bwa cheme, asɛ dɛ ŋɔ nomonome la be ŋɔ, “Hé kpɔ he nakpale ɛɡre a ɡɛ koranar nɔ baŋare ta.” Ate, koranar la le dɛ ba chɔ harɛ, ba kpɔ ba nakpale ɛɡre ba baŋare ta.

Wepila 2:26

Naate waa won yo le, dɛ́ won ɛ n toma ɡwɛeeh dɛ́ ka tel a tona bini la, mɛɛ tɛo kpeɡrii ó di harɛ nɔ ta nɛra nɛ.

Wepila 3:9

Hɛ́ɛ no! Bɔnsam habɔteŋra baa dɛ teŋe nyosone, baa wola Juu tena ɛɛ dɛɛ yerɛ ba te Juu tena la, mɛɛ ɡeloo bá ba ɡuŋi he sie, dɛ́ jemɛ kɛŋɔ n dɛ nyin heya.