Aesaya 26:4 - mzwDBL

⁴ Hé kpɔ he te dawɛ Korowii nɛɛ saŋ bɛlbwa. Onee Bwetal waa dɛ tɔ ya nɛɛ saŋ bɛlbwa.

Aesaya 26:4 Iomraidhean Croise

2 Webena 20:20

Tɔ aa pera chɔɔ la, ba leɔ kaa Tekoa pua hɛŋle ɡbo harɛ ta bela. Baa dɛ ba kaala la, Kooro Jehosafat iro che dɛ ŋɔ, “Hé no, Juda ne Jerusalam tena. Hé yarada Korowii haa dɛ tomɔ la, dɛ́ yarada waa o keamere ɡe aa bola la, aa chiɡ heyaa kɛrɛdɛɛ.”

2 Webena 32:8

Nɛwɛnyini kpeɡrii ba dɔ, kɛ ya te, Korowii yaa dɛ tomɔ laanee dɛ́ cha yaa, dɛ́ yo tɛ yaa.” Ate, nɛra la dɔ hwɛɡa dɛ le waa Juda Kooro Hɛsɛkea aa bola la ta.

Job Tɔn 9:19

Dɛ kpeɡri waa yaa, onee kpeɡa dɛ ɡwaa mɛ! Dɛ kɔɔto ɡee yaa, umee dɛ́ won la o ne nɔ?

Yela 125:1

Nɛra baa kpɔ ba te dawɛ Korowii nɛɛ la do kɛŋɔ Saayɔn Bwejen. Baa yiiɡi bwa, dɛ che kiŋkiŋ saŋ bɛlbwa dɛɛ la.

Yela 18:2

N Naa Korowii, he do kɛŋɔ Bwetal, maa chwaa kaa marɛ, ne danjwɛkpeɡ hɛɛ lɛɛ mɛ. Korowii maa dɛ tomɛ, he do kɛŋɔ Bwetal, maa chwaa kaa marɛ. Henee dɛɛ tɔ mɛ ɡbemɡbe, dɛ ɛ n kpeɡnɛn.

Yela 46:1

Korowiirii ya chwa kaa marɛ wɛɛ tɛ yaa bokpeɡa ya wenaale bwa ta, o ja ya nɛ.

Yela 55:22

Kpɔ he waa bwa dawɛ Korowii nɛ, wɛɛ che he habɔɔ, waa ɡel nɛra ba wa aa toɡra chole bwa.

Yela 62:11

N noɔ Korowii aa bola keraŋwɛnɛ bwa kɛŋɔ onee dɔ kpeɡri,

Yela 62:8

Yabala, hé kpɔ he hwɛɡa do Korowii nɛɛ saŋ bɛlbwa, dɛ́ kpɔ he wehiah bwa bil o sie, dɛkalkɛ onee ya chwa kaa marɛ wɛɛ lɛ yaa.

Yela 62:9

Nɛwɛnyina bwa do kɛŋɔ nyoa peu ken, nyaara ne kondɔɔhna bwa kɛrɛdɛ. Dɛ ba kpɔ ba dawɛ kon baa kpɔa dɛɛ kari kwaa ta naa, ba fɛɡre dɛ ɡwaa nyoa peu ɡba.

Yela 66:7

O cheɡɛ o kpeɡri ta dɛɛ di kora saŋ bɛlbwa. O sie lɔ harɛ nɔ ta nɛra bwa nɛ, deŋnekpeɡ tena bɛ habɔɔ berɛ kpoo.

Yela 93:1

Korowii dɛ di kora, o do laala kɛŋɔ kooro, dɛ dɔ jirima kohona dɛɛ di kpeɡri. O ta harɛ dɛ ɡel o che kiŋkiŋ, nomɛlbwa aa wola won kpɔ le o buɡ ta.

Aesaya 12:2

Kasinteŋ, Korowiirii n Lɛɛ. Mɛɛ dɛɛ yaradao dɛ bɛ dɛɛ ɔmɛ. Korowii bee n bokpeɡa do, n yel maa ɡo bwa ɡee kɛŋɔ Korowii. Onee n Lɛɛ.”

Aesaya 17:10

Israel tena, he liire le he Lɛɛ Korowii nɛ. Onee Bwetal haa kpɔ he te marɔ wɛɛ tɔ heyaa ɡbemɡbe la, kɛ he soh o wa. He du dadɛɛɡa bodɛɛɡa, dɛ kwaa bela dɛɛ tomɛ harɛre voɡare.

Aesaya 30:29

Korowii nɛra sie ɛɛ lɛo baa ɡo yela kɛŋɔ, baa dɛ di tɔpejena dɛɛ ɡo yela jwaana la. He baah ɛɛ sɔɔh heyaa kɛŋɔ nɛra aa hoh kalipere dɛɛ kaa Korowii Dea. Korowiirii do kɛ Israel tena Bwetal waa dɛ lɛɛ ba.

Aesaya 32:2

Ba bɛlbwa ɛɛ doo kɛŋɔ bɔr dɛ peu dɛ ta aa, he chwa ka jo, dɛ́ berɛ do kɛ bɔr dɛ bwaala peu dɛ ba naa, he chwa ka sɔh. Ásɛ pua hɛŋle ɡbo harɛ ta ɡe neerare aa chɔ o ta, do kɛŋɔ bwetal waa dɔ chunchule, dɛ che bela daa a wola toole.

Aesaya 44:8

He bɛ ɡel he bwara ɛɛ sa! He bɛ ɔmɛ! Saŋ la bwa laa n le baɡle waa nɔ, dɛ bola aa? N danseɛree heya. Dɔɔ bɛl ɡe lole dɛ ja n nɛ aa? Akai, Bwetal bɛlbwa toole he chwa ka marɔ ó won lɛ heya, beŋkpoŋ ɡba toole.”

Aesaya 45:17

Kɛ Israel tena te, Korowii ɛɛ lɛɛ baa saŋ bɛlbwa. Baa sihiih di, saŋ bɛlbwa bwa.

Aesaya 45:24

Baa bol n waa ŋɔ, ‘O ɡbo bee waa aa toɡra ne kpeɡri do.’ Banɔ la ba baah aa di n nɛɛ la bwa, ɛɛ berɔɔ ba n be sihiih ne.

Aesaya 50:10

He banɔ la bwa haa dɛ ɔmɛ Korowii, dɛɛ no o bonɔɔ waa la, a balɔ kɛ he dɛ valɛ biro ta kwaraa naa, hé yarada Korowii, dɛ́ kpɔ he te dawɛ o nɛ.

Aesaya 51:5

Mɛɛ bao warane, dɛ́ ba lɛɛ ba, ba lɛɛ tɔpere aa jaŋɛ kwara. N ɡbabirii dɛ nyiŋi harɛre nɛra nɛɛ dɛ́ ɡel ba jemɛ n kasinteŋ la. Bojaŋa harɛre nɛra bwa ɛɛ dɔ hwɛɡaa, dɛɛ nyiŋi lɛɛ maa dɛ ba ba lɛɛ la ŋwɛnɛ.

Aesaya 63:1

“Umee le bwɛjen Bosra waa lɔ Edom harɛ ta dɛɛ ba nɔɔ? Umee ka dɛ ba dɛ tɔ yaswɛɛma dɛɛ ba kpeɡri ne bokpeɡa ta ken?” Anee Korowii ŋɔ, “Menee, n dɔ kpeɡri dɛ́ won lɛ heya n dɛ ba dɛ́ ba bol yoi maa yoa dɛ pɔ wechɔɡa nɛɛ wa.”

Daneɛl 3:17

Dɛ ba kpɔ yaa ka do fononoo nijena aa dɛ hɔ kohona bini naa, Korowii yaa dɛ tomɔ la ɛɛ won lɛ yaa le o ta, dɛ́ won lɛ yaa he nɔn ta ɡe.

Daneɛl 3:28

Kooro Nebukadnesa ŋɔ, “Hé kpɛɛ Korowii Sadrak, ne Mesak dɛ Abɛdnɛɡo aa dɛ tomɔ la. O ɡelɔ o nyundua torome ba, dɛ ba lɛ o bonɔɔna. Ba kpɔ ba te tɛo, dɛ vɛh waa maa do ba a ta, dɛ sɛh kɛŋɔ ba sewɔ bɔ ba be kɛŋɔ ba ɡuŋi kɛɛ dɛ tomɛ voɡ bɛlbwa, atane Nemenɛ Korowii baa dɛ tomɔ ɡbo.

Matiu 28:18

Yeesu tel ba jwɛh dɛ ŋɔ, “Korowii kpɔ nyundua ne harɛ nɔ ta bwa kpeɡri do n nɔn ta.

Matiu 6:13

Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

Mmarare 32:15

Israel tena, he kpeɡo dɛ je, kɛ dɛ berɛ ɛ deŋnekpeɡ tena. He bare, dɛ do tɔɡre he bwara do wer. He berɛ habɔɔ kpo Korowii waa ta heya, dɛ vɛh he Lɛɛ waa do kɛ Bwetal dɛɛ tɛ heyaa mkpa la.

Mmarare 32:4

O do kɛŋɔ Bwetal dɛɛ lɛ yaa, o wobɛlbwa toɡrɔ dɛ dɔ kasinteŋ. Waa nyosone teŋe, waa aa maɡra dɛ toɡree wɛɛ ɛ.

Mmarare 33:27

Korowii waa lole saŋ bɛlbwa dɛ lɛ heya, o nɔn waa do kpeɡri laanee o kpɔ dɛɛ cha heya. Wɛɛ doŋi he dɔmaa le he sie dɛɛ ŋɔ, “Hé chɔɡ ba!”

Felepae 4:13

N won Yeesu Kristo waa dɛ cha mɛ la kpeɡri ta cheɡa dɛ́ ɛ wobɛlbwa.

1 Samoɛl 2:2

Nomɛlbwa toole dɛ do ɡoroŋ kɛ hen Korowii, he habɔɔ nɛn toole, Lɛɛ bɛlbwa toole kɛ hen Korowii haa ɛ Bwetal yaa tomɛ nɔ.