Aesaya 26:10 - mzwDBL

¹⁰ A lole kɛŋɔ he ɛ wedɛɛɡa dɛɛ tɛ wechɔɡ-ɛɛra, kɛ baa waa aa toɡra hweli. Hale harɛ o nɛra wa aa toɡra ta teŋɔ dɛɛ ɛ wechɔɡa, ba sie aa he kan haa doa tɔɡɛ.

Aesaya 26:10 Iomraidhean Croise

2 Koranar 13:6

Kɛ ba ta wechɔɡa Kooro Jɛroboam aa ɡela Israel tena ɛ dɛ jo Korowii nɛɛ la ta leɛ, dɛ ta teŋɛ dɛɛ ɛa. Ba ta voɡhaah Asera dajaŋa baa paaɡa Samaria la chɔɡɛ.

Yela 106:43

Keraŋwɛnɛ bwaa he lɛ he nɛra, kɛ dɛ ba sie ta lɔ lwɛmkpeɡ we-ɛɛla ta, a kaa ba ne wechɔɡa kohona ta.

Yela 143:10

Henee Korowii maa dɛ tomɛ. Baɡ mɛ mɛɛ ɛ waa haa dɛ nyin. Nyiŋi n nɛɛ kɛrɛdɛ, dɛ́ ɡel mɛɛ kpɔ ŋwɛnɛdɛɛɡe ta.

Yela 69:27

Chwerɛ ba wechɔɡa baa ɛa bwa bil, bɛ ɡel ba ja he lɛɛ haa dɛ lɛ nɛra la ta.

Kaala 8:15

Bosɔɔhna aa bala la, kooro berɔ ɛ deŋnekpeɡ dɛ vɛh Mosis ne Arɔn waa la ta teŋa ɡɛ Korowii aa bola la.

Kaala 9:30

Kɛ ane a bwa, n jemɔ kɛŋɔ he ne he nomonome deŋne ta kpeɡri haa Korowii ɔmɛ dɛ ba le fini.”

Kaala 9:34

Kooro aa na ɡɛ la, o berɔ ɛ wechɔɡa ja. Anee kɛ o ne o nomonome la berɔ ɛ ba deŋnekpeɡ la ja.

Sɛɡla 1:32

Gɛna dɛ sewɛ wejema baa vɛah wa, dɛkalkɛŋɔ ba kpɔ wejema dɛɛ ta habɔɔ, baa sie waa ta do.

Wejereme 3:16

N berɔ na waane harɛ nɔ ta ja, nyubinikpeɡ chiɡ kasinteŋ bole pae naa ta, wechɔɡa ɡe chiɡ waa aa toɡra naa ta.

Wejereme 8:11

Nɛn ɛ wechɔɡa ba ta o deŋnetɛra kpɔe tɛo warane naa, nɛra dɛ dɔ liifala dɛ kpɔ dɛɛ ɛ wechɔɡa.

Aesaya 1:21

Bwɛɛ kasinteŋ diile fa aa lɔ o ta, taraken ba do kɛŋɔ haah waa le o jaa habɔɔ dɛɛ nyin baala ken. Nɛndɛɛɡa ɡboo fa o bwa, kɛ taraken nɛŋkpoa su o bwa.

Aesaya 2:10

Hé bwa chwa ka jo bwebɔɔne bini, hé takapɔ dɛ́ kwi bɔɔne dɛ́ jo a bini, dɛ́ le Korowii bandia ne o kpeɡri dɛ o jirima kohona la ta.

Aesaya 24:5

Harɛ ta nɛra siwi ta Korowii waa la sui, ba vɛh o Mmarare dɛ chɔɡ fɔo o ne baa fɔwa ó chɔ le saŋ bɛlbwa dɛɛ la, dɛ kpɔ doŋa kah harɛ.

Aesaya 27:13

Awola bɛla ɛɛ siu kohona, dɛ́ yerɛ Israel tena baa laɡ ba laa ta, ba kaa Asiiria ne Ijipt harɛ ta ka so biɡri la, ásɛ ba bwa berɛ ba tomɛ Korowii Jerusalam, Saayɔn Bwejen waa do ɡoroŋ la ta.

Aesaya 32:6

Dɛkalkɛŋɔ ɡɛne te dɛ bol ɡɛnewa, dɛɛ lii wechɔɡa dɛ́ ɛ. Waa waa dɛ ɛ ne anɔ la waa dɛ bol bwa ɛ Korowii bwara wechɔɡe. O dɛ vɔmɛ nɛn lɔr aa dɛ kpoo kondikwa, dɛɛ vɔmɛ nɛn nyɔɡre aa dɛ kpoo ne.

Aesaya 32:7

Nɛn waa dɛ neɡre nɛra ɛ nɛnchɔɡe, wechɔɡa liiree wɛɛ lii, dɛ che neɡra ta dɛɛ chɔɡ nyaara ba wa aa suma, dɛɛ tɔ ba kasinteŋ ŋwɛnɛ.

Aesaya 5:12

Hé dɛ di kondikonjena dɛɛ lɛ he sie aa, he dɛ lɔ janjela dɛɛ yiiɡi kwaa dɛɛ hoh kalipere. Kɛ Korowii we-ɛɛla te, haa sie a ta do, anɔ la waa dɛ ɛ, haa on duu.

Jeremia 2:7

Harɛpare ondɛɛɡe taa n kpɔ ba ba so, bá ba dɔ daa nɔna ne kondikwaa aa wera di. Kɛ ba kpɔ doŋa kah harɛ maa kpɔa tɛɛ ba la dɛ chɔɡo.

Jeremia 31:23

Koranar Bwa Kooro, Israel tena aa dɛ tomɔ la ŋɔ, “N berɔ lawɛ Juda tena ɡe ba ba harɛ ta naa, baa dɛɛ bol Juda harɛ ne o bwɛɛre taa ŋɔ, ‘Korowii swee Saayɔn Bwejen waa lɔ Jerusalam boɡoroŋ bela o Dea aa lole la andɛɛɡa.’

Hosia 11:7

N nɛra siwi beɡrɔ kɛ bá berɛ habɔɔ kpo mɛ. Baa wiu, dɛkalkɛ wejena dawɛ ba nɛ, kɛ nomɛlbwa aa laa kpɔ ba nɛ.

Hosia 13:6

Maa tɛ heyaa kondikwaa he di la, he vaɡrɔ, haa vaɡra la, he ɛ mbarafo asɛ dɛ soh n wa.

Hosia 9:3

Korowii aa ɡel Israel tena so o harɛ la ta, baa berɔɔ ka so Ijipt harɛ ta, dɛ́ ka di kwaa baa kia Asiiria harɛ ta.

Maeka 2:10

Hé ir dɛ kaa, bonɔ ta bɔr haa so onɛ ɛɛ, dɛkalkɛŋɔ he ɡelɔ harɛ la kah doŋa. O chɔɡɔ baa wola won kwaaro kpa.

Matiu 4:5

Anee Bɔnsam kpɔɔ kaa Korowii Bwɛjen Jerusalam la ta, dɛ kpɔɔ ka cheɡ Korowii Dea la nyundujaɡla,

Mmarare 32:15

Israel tena, he kpeɡo dɛ je, kɛ dɛ berɛ ɛ deŋnekpeɡ tena. He bare, dɛ do tɔɡre he bwara do wer. He berɛ habɔɔ kpo Korowii waa ta heya, dɛ vɛh he Lɛɛ waa do kɛ Bwetal dɛɛ tɛ heyaa mkpa la.

Wepila 2:21

N tɛo tɔpere ŋɔ ó ɡel ɡɛ, ásɛ dɛ charɛ o liire le o wechɔɡa ta, kɛ waa no.

1 Samoɛl 15:17

Samoɛl ŋɔ, “A lole kɛ he dɛ lii he te nɛnjeɡa, he laa bera ba ɛ Israel deene bwa nyu te nɔ naa? Korowii fuɡe noo do he nyu ta, dɛ cheɡe kora ta Israel.