Aesaya 26:1 - mzwDBL

¹ Tɔpere bɛl dɛ ba, ásɛ Juda harɛ nɛra ɡo yel nɔ harɛ la ta. Ya dɔ bwɛjen danjwɛkpeɡ aa baro name, Korowii ɡbabirii cheɡɛ ya habɔɔ, dɛɛ nyiŋi danjwɛɛ waa baro ta.

Aesaya 26:1 Iomraidhean Croise

Ɛsra 3:11

Ba ɡo yela kpɛɛ Korowii dɛ jaamo ŋɔ, “Korowii wer, o nyina waa dɛ nyin Israel tena lole saŋ bɛlbwa dɛɛ la.” Asɛ nɛra la bwa moo kohona dɛ jam Korowii, dɛkalkɛ ba pa Korowii Dea la mun.

Yela 31:21

N Naa Korowii, henee dɔ jam, dɛkalkɛ he baɡle he nyina kohona n nɛ, ɡɛ saŋ n dɔma aa bar mɛ cheme la.

Yela 48:12

Hé valɛ bar Saayɔn, dɛ́ kure o dejaŋa,

Yela 48:4

Koranar boa ba laa tena nyoa, dɛɛ ba ba yo nɛra baa soɡe Saayɔn Bwejen ta,

Aesaya 12:1

Awola tɔpere la, hɛɛ ɡo yelaa ŋɔ, “Korowii jam kɛ o baah fa aa di n nɛɛ dɛ berɛ sɔɔh dɛɛ larawe n bwara taraken nɔ.

Aesaya 14:31

Hé do lɔŋɔre dɛɛ wii, he banɔ la haa lɔ bwɛjena bini la! Filisti tena, hé ɡel he bambile teŋe! Yoyoora tenten le weekaŋle nyunduabɔr dɛɛ ba, kɛŋɔ ninchuu ken, dɛ bwa pɛ dɛɛ ba ba yo heya.

Aesaya 2:11

Nɛn nyanyini ɛɛ tonɔɔ ɡɛ saŋ, ásɛ maŋkurae nɛwɛnyini aa dɛ maŋkura o te la ba harɛ, Korowii ɡbo sɔnee dɛɛ ba lee ɡɛ saŋ.

Aesaya 2:20

Nɛra ɛɛ pa ba voɡa baa kpɔ suuɡapoŋa ne suuɡaswɛm ɛa, dɛɛ toma laanee ta a wola tɔpere, ásɛ a berɛ daŋɡboŋre ne jereme kwa.

Aesaya 25:9

A ba ɡɛ naa, baa boloo ŋɔ, “Kasinteŋ, Korowii yaa dɛ tomɔ laanee la. Korowii yaa hwɛɡɛ o nɛɛ laanee la, o lɛ yaa. Hé ɡel ya hɛɡre ya sie lɛ, lɛɛ waa lɛ yaa la wa.”

Aesaya 31:5

Gɛ jumbii yon ɡah dɛɛ bar a bii nɛɛ a kɔne ta dɛɛ tɔa ɡbemɡbe la, ɡɛɛ men Koranar Bwa Kooro ɛɛ ba Jerusalam tena daahna. Mɛɛ daah baa, mɛɛ nyiŋi ba nɛɛ dɛ́ yo lɛɛ ba.”

Aesaya 31:9

Ba koojen ɛɛ ɔmɔɔ dɛ́ chwa, ásɛ ba nomonome baa chɔ laa nyoa la kpɔ ɔmee dɛ́ chwa ɡel ba laa fraŋkaa.” Korowiirii bola. O nii waa kpɔa dɛ fuh saraha kwaa la lɔ Jerusalam Saayɔn Bwejen ta.

Aesaya 33:5

Korowii kan taeh, o soɡe nyundua tenten. Wɛɛ ɡeloo kasinteŋ ne waa aa toɡra su Jerusalam.

Aesaya 33:6

Wɛɛ ɛo kɛŋɔ dea mumpar waa kpeɡa dɛ tɛ heyaa he saŋ, dɛ́ lɛ heya dɛ́ tɛ heya wejema ne waa mun noe kohona saŋ bɛlbwa. O ɔma taa hɛɛ ba cheɡa, dɛ́ dɔ ɡɛ waa nɔ bwa.

Aesaya 4:2

Korowii ɛɛ ɡeloo nomɛl ba a ɡɛ saŋ, dɛ́ dɔ jirima dɛ́ do wer kɛŋɔ baa teŋe daa ta o berɛ forɛ le o buɡ ta dɛ do wer la. Ásɛ nɛra baa ba ka Israel harɛ ta, dɛ́ dɔ ba nyu la bwa sie lɛ o nɛ, dɛ́ dɔ jirima le o nɛ.

Aesaya 5:1

Mɛɛ ɡo nɛn maa dɛ nyinu yelee. Gɛ yel nɔ ɛ n chamenate, ne o daa koo yel. O para deŋɡare harɛdɛɛɡe bɛl ta.

Aesaya 56:5

baa dɔ komɛl waa ɡwaa bibaala ne bihaahnaa. Mɛɛ ɡeloo ba sɔn ka n Dea, dɛ́ do le saŋ bɛlbwa, bá kpɔ dɛɛ liiru.”

Aesaya 60:18

Haa yoi ɡbɔɡaa no he harɛ ta kpa, wobɛlbwa aa chɔɡ he harɛ ta kpa bwa. Mɛɛ tɔe ɡbemɡbee kɛŋɔ danjwɛɛ ken dɛ́ lɛɛ, ásɛ he kpɛɛ mɛ, lɛɛ maa lɛɛ ta la wa.

Aesaya 62:10

Jerusalam tena, hé le kaa, dɛ́ ka kwaa ŋwɛnɛ tɛ he nɛra baa bera dɛɛ ba la! Hé laa bwea aa lɔ ŋwɛnɛ la ta la pa, ó do wer! Hé kpɔ fraŋkaa pa ásɛ harɛ nɔ ta nɛra jemɛ.

Aesaya 62:11

Korowii bol waa nɛra baa lɔ harɛ jaɡa bwa be ŋɔ, “Saayɔn tena, he na ɡɛ he Lɛɛ aa dɛ ba! O kpoŋe o kembɔr, o ne nɛra waa lɛɛ ba dɛɛ ba.”

Jeremia 33:11

silɛɛ ne hɛɡra lɔŋɔre dɛ hanfalwaa mune ɡbɔɡa. Hɛɛ noo nɛra ɡo yela dɛ́ kpɔ jam sarahare dɛɛ ba n Dea, dɛɛ ŋɔ, ‘Hé kpɔ jam tɛ Koranar Bwa Kooro! O waa wer, o nyina waa dɛ nyin yaa lole saŋ bɛlbwa dɛɛ la.’ Mɛɛ ɡeloo harɛ nɔ berɛ do wer ɡɛ o fa aa doa wubwa la. Men Korowiirii bola.”

Ɛsekeɛl 40:5

N na danjwɛɛ waa bar Korowii Dea la cheme. Baa la kpɔ o daa la o jaŋne aa ɛ naɡale anuanaarɛ maɡɛ danjwɛɛ la. O bare lɔ naɡale anuanaarɛ, o jaŋne dɛ́ kaa nyundua ɡe lɔ naɡale anuanaarɛ.

Sekaria 2:5

Korowii ŋɔ wɛɛ ɛo kɛŋɔ nii, dɛ́ bar bwɛjen la kɛŋɔ danjwɛɛ ken, dɛɛ daah bwɛjen la, ásɛ dɛ so o baah ta o jirima ne.”

Sekaria 2:9

Men Korowii ɡbabirii dɛ́ yoo ba, ásɛ n nɛra ba fa aa ɛɛ ba yoma la pa ba laala kɛ laa ta kwaa kaa.” Anɔ bwa chiɡaa, hɛɛ jemɔ kɛŋɔ Koranar Bwa Kooroo tomɛ men Sekaria.

Nɛra Kura 21:17

Asɛ Israel tena ɡo yel ŋɔ, “Kɔlɔŋ, ɡel nee ba! Hé ɡo yel ŋɔ,

Matiu 16:18

Anomanta, n ŋɔ he sɔne Pita, o munii Bwe. Gɛ bwe nɔ taa mɛɛ ba n dea doe chɔŋɛ. N habɔteŋraa n dea la. Hale seo kwara aa wola won pɔ ba nɛɛ bwa.