Aesaya 24:1 - mzwDBL

¹ Hé no! Korowii dɛ ba harɛ nɔ chɔɡa o chɔ pɛɛpɛɛ. Wɛɛ lɔ nɛra baa lɔ o taa peɡre, dɛ́ chɔɡ komɛlbwa o ta.

Aesaya 24:1 Iomraidhean Croise

2 Koranar 21:13

Mɛɛ bol Jerusalam tena waa dɛ́ pa ba bolchɔɡe kɛŋɔ maa ɛ Samaria tena, ne Israel Kooro Ahab, dɛ o naanar la. Mɛɛ le Jerusalam tena bwa nee kɛŋɔ, ba yon kpɔ kon fee hɛna bini, dɛ laa o doŋa bwa kpɔ dɛ berɛ pi la ken.

Nehemia 1:8

Lii waa he fa aa do he bonɔɔ Mosis dɛ ŋɔ, ‘Dɛ he Israel tena waa ta kasinteŋ dɔe yaa, mɛɛ lɔ heyaa peɡre harɛre ta,

Yela 146:9

O kpɔ nɔn dɛɛ tɔ hɔɔhra baa soɡe ya harɛ ta nɛ, dɛɛ cha luhaahna ne bilalbii. Kɛ nɛnchɔɡa te, o dɛ chɔɡ vɔrɔwa baa dɛ vɔrɔwe.

Aesaya 13:13

Mɛɛ ɡeloo nyundua yiiɡi, ásɛ harɛ jiɡri dɛ́ le o chebɔr, ɡɛ tɔpere men Koranar Bwa Kooro aa baɡle n bandia harɛ nɔ ta la.

Aesaya 13:5

Ba le harɛre jaɡa bojaŋ dɛɛ ba. Bandia nee Korowii ɛɛ ba ba ne, bá ba chɔɡ harɛ la bwa.

Aesaya 2:19

Nɛra ɛɛ ɔmɔɔ kohona, dɛ́ chwa ka jo bwebɔɔne, dɛ́ kwi bɔɔne dɛ́ jo a bini, dɛ́ le Korowii bandia ne o kpeɡri, ne o jirima kohona la nyoa, ɡɛ saŋ waa ba jiɡri harɛ la.

Aesaya 24:19

Harɛ ɛɛ peroo, wɛɛ jiɡruu dɛ́ peɡri.

Aesaya 24:20

Harɛ ɛɛ yɛɛɡoo kɛŋɔ sennyɔdɛɛ ken, kɛɛ pata peu aa dɛ kpɔɔ ken. Harɛ nɛra wechɔɡa sii ba nɛ, dɛ́ ba ba ne harɛ, baa choloo baa wola ir kpa.

Aesaya 27:10

Bwɛjen baa ma danjwɛkpeɡ baro la paɡrɔ, Nomɛlbwa toole o ta, o chɔ pɛɛpɛɛ kɛŋɔ pua hɛŋle ɡbo harɛ, dɛ berɛ nae dibɔr. Belaa a chɔ dɛɛ onɛ, dɛ́ pɛɡre daa kpala bwa ta.

Aesaya 29:16

He berɛ waa sie pi, kɛŋɔ mamaa aa berɛ choh. Kon baa mao la ɛɛ wonoo ŋɔ nɛn waa mao la be ŋɔ, “He laa ma mɛ,” kɛɛ vii ɛɛ wonoo ŋɔ mamaa be ŋɔ, “Haa wobɛlbwa jemɛ” aa?

Aesaya 29:2

kɛ Korowii ŋɔ wɛɛ ɡeloo he Jerusalam tena bwara nyɛɡ heya, ásɛ hɛɛ wi dɛɛ dooɡe lɔŋɔre. He bwɛjen la bwa ɛɛ ɛ chalee, kɛŋɔ kon baa kpoo kwaa dɛɛ ɛ saraha o ta.

Aesaya 30:32

Korowii aa ir o daŋɡbala dɛ́ kpɔ dɛɛ tɛr ba deŋne la, lɔe bɛlbwa waa lɔ ba la, dɛ Israel tena ɡe dɛ yiiɡi kwaa kɛŋɔ loŋa ken, dɛɛ lɔ janjela dɛɛ ɡo yela. Korowii ɡbaɡbaa dɛɛ ba ba yoi.

Aesaya 32:12

Hé kpɔ nɔɔra lɔ bambili á baɡle kɛ he tea bini chɔɡɔ, he harɛpare ondɛɛɡe la wa, ne daa nɔna aa chɔɡa la wa.

Aesaya 33:9

Harɛ la chɔɡɔ, o chɔɔ pɛɛ. Sihiih kpo Lɛbanɔn kɔne, a daa serewe. Sarɔn fɛlembɔdɛɛɡe berɛ pua hɛŋle ɡbo harɛ, Basan harɛ ne Kaamɛl Bwejen ta, daa papooni dɛ chure.

Aesaya 34:10

Wɛɛ dɛɛ fuuh webaŋa ne jwaana waa wola dime bwa, ásɛ o ninchuu ɡe teŋɛ tɛr dɛɛ kaa nyundua saŋ bɛlbwa. Harɛ la ɛɛ chɔ pɛɛpɛɛ saŋ bɛlbwa dɛɛ la, nomɛlbwa aa wola belaa kpɔ kpa bwa.

Aesaya 34:2

Korowii baah di harɛre nɛra bwa nɛ. O bwaawee iro kohona ba laa tena nɛ. O lee ba cheɡ dɛ́ kpoo ba kwaraa.

Aesaya 42:15

Mɛɛ chɔɡ bwejena ne deŋɡarere bwaa, dɛ́ ɡel a papooni ne kpɔɡa hol, dɛ́ ɡel moo ne taama bwa hweeh dɛ́ berɛ pua hɛŋle ɡbo harɛ.

Aesaya 5:6

Mɛɛ ɡeloo harɛ la chɔ pɛɛ maa wola belaa parɛ kpa, maa daa la kpalaa kɛ, ásɛ sɔɔhne ne jabalnadaŋɛ le bela. Maa ɡel bwaala nɛ harɛ la ta kpa.

Jeremia 4:7

Gɛ nyujente yon le o sɔɔhbɔr dɛɛ ba la, ɡɛɛ nɛn waa dɛ chɔɡ harɛre kpɔ o te dɛ le dɛɛ ba. O le bela waa lole, dɛ́ ba chɔɡ he harɛ. He bwɛjena ɛɛ berɛ dimɡbiaa, nɛra aa wola a taa so.

Jeremia 40:15

Belaa Karea bibaa Johanan sɔh ka ŋɔ Gedalia be Mispa ŋɔ, “Tɛ mɛ ŋwɛnɛ n sɔh ka kpo Nɛtanea bibaa Ismael, nomɛlbwa aa wola na. Ɛrɛɛ chɛ kɛ o kpoe asɛ Juu tena baa ja he nɛɛ bonɔ nɔ lɔ peɡre dɛ kpɔ sibeɡra ba ta nɛra baa kaa dɛ ta so bela nɛɛ nɔɔ?”

Jeremia 50:17

Israel tena do kɛŋɔ kondɛɛra nyujentena aa chwaa teŋɛ a nɛɛ a peɡre ken. Asiiria koojen do kɛ nyujente dɛ lawɛ Israel tena, asɛ naate waa ka mun paɡre Israel tena hoɡa laanee Babelɔn Kooro Nebukadnesa.”

Jeremia 51:34

Jerusalam tena ŋɔ, “Babelɔn kooro chɔɡ ya Jerusalam tena dɛ kpoo yaa, o ɡelɔ ya do kɛŋɔ loŋ komɛlbwa aa wola toole o bini ken. O do kɛ harɛkon dɛ lawɛ yaa lile ya ola do o som o tea su, dɛ berɛ uɡe yaa ta.

Jeremia 9:16

Mɛɛ lɔ baa peɡre harɛre ba ɡbabir kɛɛ ba naawa aa wola an jemɛ ta. Dɛ ɡel laa tena ti ba ka tel kɛŋɔ baa kpoo ba bwa kwaraa.’ ”

Ɛsekeɛl 12:20

Bwɛjena nɛra aa su a ta bwa ɛɛ chɔɡoo, harɛ la chɔ pɛɛ, ásɛ ba jemɛ kɛŋɔ menee Korowii.’ ”

Ɛsekeɛl 24:11

Hé kpɔ buni vii ɡbo chɔŋɛ ninhɔla ta, dɛ́ ka tel kɛŋɔ waa bea dɛ swɛɛ, ásɛ doŋa bɛlbwa aa lɔ o bini la fuh, ó berɛ do wer kohona.

Ɛsekeɛl 35:14

Nemenɛ Korowii ŋɔ, “Mɛɛ chɔɡ he ne he harɛ Edomee ó chɔ pɛɛ, ásɛ harɛ nɔ ta nɛra bwa sie lɛ.

Ɛsekeɛl 5:14

Mɛɛ paɡre he bwɛjen laanee, ásɛ harɛre aa bar heyaa cheme nɔ nɛra teŋo baa kaa laa, bá che bojaŋ nyiŋi dɛɛ mamɛ.

Ɛsekeɛl 5:2

Fuh bɔre atoro la bini bɔrbeŋkpoŋ bwɛjen haa ɛo la bini saŋ haa tɔɔ do a ba a jaɡa la. Kpɔ tokobi teŋni bɔrbeŋkpoŋ bini bar bwɛjen la bini, dɛ́ kpɔ bɔrbeŋkpoŋ la aa kaa la ɡe ta, ásɛ peu kpɔa kaa, dɛkalkɛ tokobi nee mɛɛ ba ba kpoora.

Ɛsekeɛl 6:14

Kpelaa, mɛɛ tɛr n nɔnee pa ba nɛ, dɛ́ chɔɡ ba harɛ. Mɛɛ ɡeloo ó chɔ pɛɛ le pua hɛŋle ɡbo harɛ la ta kaa bwɛɛ bɛl baa dɛ yerɔ Dibla, ne bobɛlbwa baa soɡa. Ásɛ ba jemɛ kɛ menee Korowii.”

Ɛsekeɛl 6:6

Israel tena bwɛjena ne bela baa soɡa bwa dɛ́ ba chɔɡa. Kwaa baa dɛ ɛ saraha a ta, ne ba voɡare bwa ɛɛ paɡro burbur ken ja bɔra baa dɛ fuh daawiile ta, ásɛ kwaa baa ɛa bwa aa lee do kpa.

Ɛsekeɛl 7:12

Tɔpere la telo, o pu heyaa tonɛ. Kon-yoɡra ne yarawa sie aa lɛ, n bandia la dɛ ba nɛnlaa la bwa nɛ.

Ɛsekeɛl 7:14

Ba hoh laa bɛla nomɛlbwa kpɔ o te, kɛ nɛn waa la laa toole, dɛkalkɛ n baah di nɛnlaa la bwa nɛ.

Neehum 1:5

Bwejena dɛ jiɡri o sie, deŋɡarere ɛɛ mwɛɛ. Korowii leɔ dɛɛ ba naa, harɛ bwa ne nɛra baa lɔ o ta bwa dɛ chel.

Neehum 2:10

Niniwe bwa chɔɡɔ, ba pa o kwaa bwa kwaraa, o chɔ pɛɛ. Ɔmee su o nɛra bwa, ba natuune sɔɔh, ba bwara ɛɛ sa, ba siebɔra ɡwaŋre.

Amanesoma Luk Aa Chwera Tɔn 21:24

Baa kpɔ kerii kpoo bane, ásɛ dɛ larawe bane dɛ́ kpɔ ba kaa harɛ nɔ ta bobɛlbwa, ásɛ nɛra baa wola Juu tena ɛɛ ɛ Jerusalam bwa posaposa ken ka tel kɛŋɔ ba ɡe saŋ aa ba kaa.

We-ɛɛla 17:6

Baa wola ban dɔe lawɛ la, ba tɛɡre Jasen ne asɔre tena la bane ka tɛ bwɛɛ la nomonome, dɛ nyɛɡ dɛɛ ŋɔ, “Nɛra nɔ, ban chɔɡ nɛra liire bobɛlbwa dɛɛ valɛ dɛ ɡel bobɛlbwa ɛɛ ɛ yeŋyeŋ la. Taraken ba ba ya bwɛɛ nɔ ta,

Mmarare 28:64

Wɛɛ lɔ heyaa peɡre harɛre ta bobɛlbwa kaa o jaɡa, ásɛ he kaa tomɛ kwaa baa kpɔ daa ne bwea ɛa. Voɡa he ne he naawa aa wola an jemɛ bwa.

Mmarare 32:26

N fe ŋɔ mɛɛ lɔ he bwaa peɡre, ásɛ nomɛlbwa bɛ he waa lii kpa.

Mmarare 4:27

Korowii dɛ́ ba heyaa lɔe peɡre ja harɛre ta, he bini tama banee dɛ́ ba ka.

Jems 1:1

Men Jems maa ɛ Korowii ne ya Dɔɔ Yeesu Kristo bonɔɔ laanee chwerɛ tɔn nɔ dɛɛ tɛ he Israel deene fi dɛ anɛ tena haa lɔ bobɛlbwa la. N dɛ na heya.