Aesaya 23:3 - mzwDBL

³ He tomɛ baala ba la mpo baŋ, dɛ ka yawɛ mea le Ijipt harɛ, dɛ ba yoɡ dɛɛ tɛ harɛre nɛra. Bela baa ɛ bona dibɔr harɛre ɡalɡa ta.

Aesaya 23:3 Iomraidhean Croise

1 Webena 13:5

Anomanta, Israel tena bwa baa cheme Kooro Devid sie, le Ijipt harɛ jwɛh ta Sehɔ Moo ta ba le Lebo Hamat, dɛ́ ka kpɔ Korowii Ne Nɛwɛnyina Fɔo Daka la le Kiriat Jearim ba Jerusalam.

Aesaya 19:7

Kwaa aa lɔ Nael Moo nyoa, ne kwaa baa dua o nyoa la bwa ɛɛ holoo, peu kpɔa kaa kwara.

Aesaya 23:8

Umee ɡela ɡɛ waa nɔ chiɡ Taaya ɔ? Kondɛɛɡa bwɛɛ o bonadiire aa beɡre koobii dɛ dɔ nyanyini harɛ nɔ ta bwa laanee nɔ naa?

Aesaya 32:20

hɛɛ na somee, hɛɛ parɛ neerare nyoo, he kondɛɛra dɔ kpɔɡdɛɛɡa dɛɛ di.

Jeremia 2:18

Tɔnɔ besoo Ijipt harɛ ta laŋa dɛ́ ka nyɔ Nael Moo nee ɛɛ ba lee tɛ heya ɔ? Bɔkwaa dɔ Asiiria harɛ ɡe ta laŋa dɛ́ ka nyɔ Yufretis Moo neɔ?

Ɛsekeɛl 27:33

Haa kpɔ he laala haa dɛ di a bona kpɔ mpo ta la, he ɡelɔ harɛre tena na som. He ɡelɔ harɛ nɔ ta koranar che he kondɔɔh kohona, ne laala haa dɛ di a bona ta dɛ dɔ ba te.

Ɛsekeɛl 28:4

He cheɡɛ he wejema ta dɛ dɔ kondɔɔh, suuɡaswɛm ne suuɡapoŋa bwa su he be.

Joel 3:5

Hé kpɔ n suuɡapoŋa ne suuɡaswɛm dɛ n kondɛɛɡa kaa ka cheɡ he voɡa deene bini.

Mmarare 11:10

Harɛ haa dɛ kaa o ta la ta doe kɛŋɔ Ijipt harɛ haa le o ta la. Ijipt harɛ he yon du kwaa dɛ́ pere nee bɔra tɛa dɛ́ dɔ nee dɛɛ do a ta la.

Josua 13:3

dɛ kpɔ le Sehɔ Moo waa lɔ Ijipt wee leebɔr, dɛ ka tel Ekron tena jwɛh ta weekaŋle nyundua, a bwa lɔ Keenan harɛ ta. Dɛ Filisti tena koranar banue soɡe bwɛjena Gasa ne Asdɔd ne Askɛlɔn ne Gat dɛ Ekron, dɛ Avi tena ɡe harɛ.