Aesaya 21:4 - mzwDBL

⁴ A ɡelɔ n bambile lɔ paupau ken, ɔmee kohona ɡelɔ n bwadabii bwa serewe. Kpae maa dɛ kpa kɛŋɔ jɔmɔra ɛɛ ba silɛɛ nee la berɛ ɔmee kohona tɛ mɛ.

Aesaya 21:4 Iomraidhean Croise

1 Koranar 1:49

Belaa nɛra Adonija aa ta nɔn yer ba la ɔmɛ dɛ bwa ir peɡre, bɛlbwa kaa o dem.

Ɛsta 5:12

O berɔ ŋɔ ba be ŋɔ, “N ɡboo kooro haah yerɛ ka ja kooro nɛɛ ya pɛ di kondikonjena. Kɛ a ɡbo laa, o berɔ dɛɛ yerɛ n ne kooro bwa kere ɡe ja.

Yela 55:5

Ɔmee ne bochela chole n nɛ, asɛ n bambile teŋe kohona.

Yela 55:6

Dɛ n dɔ kena kɛŋɔ kweah aa, n fe ɛɛ iruu kaa bojaŋ dɛ́ ka onɛ.

Jeremia 4:19

Anee Jeremia ŋɔ, “N weweele kan, a kan kohona to! N bwara bwaa dɛɛ wee mɛ mɛɛ beɡre n te. N loo kuu, n bambile ɛɛ lɔ kohona! Maa won tɔ nyoa, dɛkalkɛ n no bɛla sii, dɛ no laa lɔŋɔre.

Jeremia 51:39

Ba dɛ nyin kondikwa kohona kɛɛ? Mɛɛ ɛ kondikondɛɛɡaa cheɡ ba, ásɛ ba di dɛ́ nyɔ sen dɛɛ lɛ ba sie, dɛ́ mamɛ dɛɛ moo. Baa iruu ka chɔ baa wola won ir kpa bwa. Men Korowiirii bola.

Jeremia 51:57

Mɛɛ ɡeloo o koranar ne nomonome, ne wejerema dɛ laa tena, nyɔ sen dɛɛ. Baa chɔ domii baa wola won ir kpa. Men Koranar Bwa Kooro maa ɛ Kooro laanee bola.”

Daneɛl 5:1

Awola jwaana bɛl, Kooro Bɛlsasa ɡelɔ ba ɛ kondikonjena, o ta nɔn yerɛ o nomonjena nɛra kaɡboŋ, asɛ o ne baa di kwaa la dɛɛ nyɔ sen.

Daneɛl 5:30

Awola jwaana la tentenee ba kpo Babelɔn Kooro Bɛlsasa,

Daneɛl 5:5

Buɡ la ta, dɛ nɛn nɔn ba dɛ chwerɛ koodem danjwɛɛ baa maalo ta, dɛ kandea cheɡɛ bela dɛɛ chaah. Asɛ Kooro Bɛlsasa ɛɛ nyiŋi ɡɛ nɔn la aa doa dɛɛ chwerɛ la.

Neehum 1:10

He sennyɔɔra, nii ɛɛ fuh heyaa kɛŋɔ sɔɔhne aa kaɡre dawii baah ken.

Mmarare 28:67

Ɔmee waa aa lɔ he bambile ta la ne waa haa dɛ ba nae nomanta, dɛ chɔɔbɔree yaa, hɛɛ ŋɔɔ, ‘Dɛ jɔmɔraa fe sɛ?’ Asɛ dɛ jɔmɔra ɡee yaa, he ŋɔ, ‘Dɛ chɔɔbɔree fe sɛ?’

Mmarare 32:11

Korowii dɛ nyiŋ ba kɛŋɔ kee yon dɛɛ baɡle o bii ira, dɛ́ ir kpɔ kena tɔ a nɛɛ a bɛ ba le la, ɡɛɛ o ɛ Israel tena.