Aesaya 2:9 - mzwDBL

⁹ Anomanta, hen Korowii ɛɛ ba ba bɛlbwa ne harɛɛ, ásɛ ba di sihiih. N Naa Korowii, bɛ ba wechɔɡa kpɔ kɛ ba.

Aesaya 2:9 Iomraidhean Croise

Nehemia 4:5

Bɛ ba bolchɔɡe dii ta tɔ, bɛ ba wechɔɡa soh, dɛkalkɛ ba chɛɡre ya nɛra yaa bera kwaa dɛɛ ma danjwɛɛ la.”

Yela 49:2

dansaara ne nɛnjena, dɔɔhna ne nyaara bwa.

Yela 59:5

Korowii waa ɛ Koronar Bwa Kooro, Israel tena aa dɛ tomɛ, ir nyu ne, dɛ́ ba tɛr nɛra baa wola hen tomɛ la deŋne, bɛ dɔma baa ɛ nyubinikpeɡ tena la nɛɛ sune.

Yela 62:9

Nɛwɛnyina bwa do kɛŋɔ nyoa peu ken, nyaara ne kondɔɔhna bwa kɛrɛdɛ. Dɛ ba kpɔ ba dawɛ kon baa kpɔa dɛɛ kari kwaa ta naa, ba fɛɡre dɛ ɡwaa nyoa peu ɡba.

Aesaya 27:11

Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.

Aesaya 5:15

Anomanta, sihiih ɛɛ kpo mbarafo tenaa, dɛ́ ba nomɛlbwa ne harɛ.

Aesaya 5:16

Nemenɛ Korowii ɛɛ bol waa dɛ́ pa bole kasinteŋ ne, dɛ́ che a ta dɛ́ baɡle o kan waa doa. Wɛɛ che waa aa toɡra taa, dɛ́ baɡle ɡɛ waa do ɡoroŋ.

Aesaya 57:9

He dɛ fɔɡle ɔleve noo ne nosɔɔhsoma kohona dɛ kaa tomɛ he voɡ Molɛk. He tomɛ nɛra bojaŋ, hale lalabwɛ dɛɛ nyin voɡfala.

Jeremia 18:23

Kɛ hen Korowii, he te jemɛ vɔrɔwa bwa baa dɛ vɔrɔwe dɛ́ kpo mɛ. Bɛ ba dichɔɡa kpɔ kɛ ba, kɛɛ dɛ́ fee ba wechɔɡa he sie. Gel ba choɡli chɔ he sie, ásɛ dɛ che he bandia ta tɛr ba deŋne kohona.”

Amanesoma Mak Aa Chwera Tɔn 3:29

Kɛ nomɛlbwa waa ɛ Korowii Domadɛɛɡe la nɛnhɛla la te, waa kpɔ kɛo. Naate wechɔɡa ɛɛ dawɛ o nɛɛ saŋ bɛlbwaa.”

Tɔn Pɔɔl Aa Chwerɛ Rom Tena 3:23

Nɛwɛnyini bwa ɛ wechɔɡa, ya bɛlbwa ta ɡɛ Korowii fe aa dɛ nyin o maŋkura yaa la chɛɛ.

Kolosi 2:18

Dɛ nomɛlbwa dɛ pwah heyaa ŋɔ haa ɡɛ waa teŋe nyosone ŋɔ pwɛraa wɛɛ pwɛr o te dɛɛ tomɛ nyundua toroma la ta teŋaa, he bɛ on dawɛ. Gɛ nɛn nɔ dɛ maŋkura o te kɛŋɔ o dɛ na waa deera ta, dɛɛ yerɛ o te nɛnjen, kɛ pɛɛpɛɛ. Nɛwɛnyini liire taa wɛɛ teŋɛ,

Kolosi 2:23

Kpela, nɛra ɛɛ dɛɛ duu nɛra baa dɛ teŋɛ ɡɛ waa nɔ ta la kɛ ba ɛ wejerema, dɛɛ lii kɛŋɔ ba Korowii toma aa swɛɛ ba siwi kohona waa baa pwɛr ba te dɛɛ ha ba bwadabii la. Kɛ a bwa ɛ pɛɛpɛɛ. Aa won ɡel nomɛlbwa lawɛ o te dɛ́ ɡel wechɔɡa ɛɛ.

Josua 24:19

Ate, Josua ŋɔ nɛra la be ŋɔ, “He ken aa won tomɛ Korowii, o do ɡoroŋ dɛɛ we bwara. Waa he kasinteŋ bɛ dɔe ne he wechɔɡaa kpɔ kɛ heya.