Aesaya 2:8 - mzwDBL

⁸ Voɡa ɡboo ba harɛ la ta bwa. Kwaa ba ɡbabir aa ɛa laanee baa tomɛ. Ba dɛ ɡuŋi kwaa ba ɡbaɡba aa kpɔ nɔɔra ɛa.

Aesaya 2:8 Iomraidhean Croise

1 Koranar 16:7

Anɔ bwa habɔɔ la, dɛ Korowii cheɡɛ o keame bɛl baa dɛ yerɔ Jehu nɛɛ bol wa, Hanani bibaalee on. Keame Jehu baa bol Korowii wa Kooro Baasa ne o dem tena be, wechɔɡa waa ɛa dɛ muɡli on Korowii baah kɛŋɔ Kooro Jɛroboam aa ɛa, ne kpoe waa kpo o ne o dem tena bwa la wa.

2 Koranar 17:10

Ba kpɔ bwea ne dajaŋa paaɡe deŋɡarere dor, ne dajen bɛlbwa mun tɛ ba voɡ Asera dɛɛ tomɔ.

2 Koranar 17:16

Ba ɡel Korowii baa dɛ tomɔ la mmarare bwa ta teŋa, dɛ loɡɛ nabali anɛ, dɛ ɛa voɡa dɛɛ toma. Dɛ paaɡe ba voɡ Asera dajaŋa dɛɛ tomɛ weweela ne voɡ Baal.

2 Webena 27:2

Kooro Jotam ɛ waa aa too Korowii tea, dɛ teŋɛ waa o mɛɛ Kooro Ussia aa ɛa la ta. Kɛ o te ta Korowii Dea joɛ, dɛ ka fuh daawiile a sɔɔh aa soma, dɛ ɛ wechɔɡa jo Korowii nɛ. Dɛ harɛ la ta nɛra ta teŋɔ, dɛɛ ɛ wechɔɡa.

Aesaya 17:8

Baa kwaa ba ɡbaɡba aa maa dɛ kpɔ saraha kwaa dɛɛ tɛ voɡa a ta laanee nyiŋi kpa. Baa voɡhaah Asera dajaŋa ba ɡbaɡba aa paaɡa, ne bela baa maa dɛɛ fuh daawiile a sɔɔh aa soma la ta hwɛɡɛ kpa.

Aesaya 26:13

Korowii yaa dɛ tomɛ, nɛra banee fa dɛ nyiŋi ya nɛ, kɛ he ɡboo ya kpɔ jirima dɛɛ tɛ.

Aesaya 37:19

Ba pa ba voɡare do nii ta a fuh, dɛkalkɛ a ɛ daa ne bwea nɛn aa sɛah.

Aesaya 40:19

Voɡ te, loɡree dɛɛ loɡɔ, asɛ nɛn waa dɔ suuɡaswɛm kpɔe dɛ ɛ kwaa wejema ɡe yon kpɔ suuɡaswɛm ɛ o bwara, dɛ ɛ suuɡapoŋa jɔɡrɔre doo.

Aesaya 41:29

Na, a bwa ɛ neɡra! A we-ɛɛla bwa ɛ pɛɛpɛɛ. A do kɛŋɔ peu ken, komɛlbwa toole a be.”

Aesaya 57:5

Hé liire bwaa kɛŋɔ hɛɛ di sɛm he voɡa dajena mune. Hé dɛ kpoo he bii dɛɛ ɛ sarahare voɡa aa lɔ bwebɔɔne aa bɛne nenabɔɔne ta.

Jeremia 1:16

Mɛɛ ba bol n nɛra waa dɛ́ tɛr ba deŋne, ba nyubinikpeɡ ne habɔɔ baa bera kpo mɛ la wa, ba fuh daawiile ɛ sarahare voɡare ane ta, dɛɛ tomɛ kwaa ba ɡbaɡba aa kpɔ nɔn ɛ.

Jeremia 11:13

Juda tena voɡare warɔ kɛŋɔ ba bwɛjena ken, asɛ kwaa baa dɛ fuh konsɔɔhsoma a ta dɛɛ tɛ ba sihihvoɡ Baal ɡe warɛ, kɛŋɔ Jerusalam fɔɡbaahna aa wara la.

Jeremia 2:28

Leperaa voɡare he ɡbabir aa ɛa la dɔɔ? Dɛ waane pu heyaa aa, hé yera, dɛ aa won ba lɛ heya aa! Juda tena, he voɡare warɔ kɛŋɔ he bwɛjena.

Hosia 12:11

Ane a bwa, Gelead tena dɛ tomɛ voɡa. Banɔ la baa dɛ tomɛ voɡa la ɛɛ serewoo. Ba dɛ kpoo nabala dɛɛ ɛ saraha Gelɡal. Kwaa baa dɛ ɛ sarahare a ta la, ɛɛ chɔɡoo kɛŋɔ bwea aa dawɛ dɔŋa nɛɛ harɛ baa parɔ ta.”

Hosia 13:2

Ba ta teŋɔ dɛɛ ɛ wechɔɡa kohona, ba kpɔ ba suuɡapoŋa dɛɛ ɛ voɡa, ba ɛa a do wer kɛrɛdɛ, a bwa ɛ kwaa nɛra baa dɔ a wejema aa ɛa. Ba bol ɡɛ nɛra nɔ waa ŋɔ, “Ba kpoo nɛra dɛɛ ɛ saraha, dɛɛ mo voɡ baa ɛo kɛŋɔ nabale la lwɛɛma.”

Hosia 14:3

Asiiria tena aa won lɛ yaa, ya jaɡre yaa dɛ la ane laa la aa won lɛ yaa. Yaa berɛ yerɛ kwaa ya ɡbabir aa kpɔ nɔɔra ɛ la, ya voɡa kpa, dɛkalkɛ hen Korowiirii dɔ tedoma tɛ bilalbii.”

Hosia 8:6

Israel harɛ taa voɡ la le, Israel tee loɡɔ, men Korowii laa. Samaria nabale la, baa kuuɡu buruburu ken.

Maeka 5:12

Mɛɛ chɔɡ he voɡra ne sɔm we-ɛɛla bwaa, ásɛ haa won dɛɛ voɡɛ kpa.

We-ɛɛla 17:16

Pɔɔl aa soɡe bwɛjen Atens bela dɛɛ kpa Silas ne Timoti la, o nao kɛ voɡa su bwɛɛ la bwa. Waa na ɡɛ la, o tea bini chɔɡɔ.

Mmarare 4:28

Bela haa ka so la te, hɛɛ tomɛ voɡa nɛwɛnyini aa ɛa, daa ne bwea aa wola na, aa waa no, aa kwaa di aa wola sɔɔh ɡe no.

Wepila 9:20

A ɡɛ waa nɔ kwaraa ta la, nɛra baa kaa baa wola sewɛ a ɡɛ waa la ta la ta ba liire charɛ, dɛ le ba tonchɔɡa ta, dɛ ta ɛɛ tomɛ Bɔnsam toroma ne voɡa. Suuɡaswɛm ne suuɡapoŋa ne bwea ne daa baa kpɔa ɛ voɡa la aa na, aa waa no, aa won ir valɛ ɡe, kɛ ba dɛ toma.