Aesaya 2:7 - mzwDBL

⁷ Suuɡapoŋa ne suuɡaswɛm ɡboo a ɡɛ nɛra la harɛ bwa, ba kondɔɔh a yoɡ aa kpeɡa ta nyoa dɔe. Jaɡre ɡboo ba harɛ bwa, asɛ kwaa aa do kɛ torɔɡore ba kpɔ dɛɛ la laa ɡe ta nyoa dɔe.

Aesaya 2:7 Iomraidhean Croise

1 Koranar 4:26

Kooro Solomɔn dɔ jaɡre kaɡboŋa fifraanaarɛ baa vɔwɛ kwaa aa do kɛ torɔɡo pɛla chɔɔbɔra, dɛ jaɡre kaɡboŋa fi dɛ anɛ ɡe nɛra aa dɛ so a ta.

Job Tɔn 3:15

N ne koranar baa kpɔ suuɡaswɛm ne suuɡapoŋa su ba deene dɛ serewe la bwa fe chɔɔ.

Yela 20:7

Nɛra bane dɛ hwɛɡɛ kwaa aa do kɛŋɔ torɔɡore ta, bane ɡee hwɛɡɛ ba jaɡre nɛ, kɛ ya te, Korowii yaa dɛ tomɔ la nɛɛ yaa hwɛɡɛ.

Aesaya 30:16

He dɛ bol ŋɔ, ‘Akai, yaa so jaɡre taa dɛ chwa kaa.’ A wer ɡa. Hé so jaɡre ta chwa. He dɛ lii kɛŋɔ he jaɡre ɡbaŋre, kɛ nɛra baa ti heyaa la kwaa ɡbaŋre ɡwaa he kwa.

Aesaya 31:1

Banɔ la baa la Ijipt harɛ ta dɛ́ kaa nyin kɛŋɔ ba cha ba la, bá bwɛɛlɛ! Ba kpɔ hwɛɡa do torɔɡore aa wara, baa vɔwa pɛl jaɡre dɛɛ che a bini, ne bokpeɡa tena baa so jaɡre ta nɛ, dɛ laa sie kpɔ Korowii Israel Nɛŋɡoroŋ la nɛ. Baa o bɔr nyin ó cha ba.

Aesaya 57:17

Ba wechɔɡa ne ba sibeɡra waa nomanta, n baah fa di ba nɛɛ taeh, asɛ n tɛr ba deŋne dɛ laa sie kpɔ ba nɛ. Kɛ ane a bwa ba deŋne kpeɡri, dɛɛ ɛ waa ba bambile aa lawa.

Hosia 14:3

Asiiria tena aa won lɛ yaa, ya jaɡre yaa dɛ la ane laa la aa won lɛ yaa. Yaa berɛ yerɛ kwaa ya ɡbabir aa kpɔ nɔɔra ɛ la, ya voɡa kpa, dɛkalkɛ hen Korowiirii dɔ tedoma tɛ bilalbii.”

Maeka 5:10

Asɛ Korowii ŋɔ, “Awola tɔpere la, mɛɛ chɔɡ jaɡre haa dɛ la ane laa, ne kwaa aa do kɛŋɔ torɔɡore ba vɔwɛ dɛɛ pɛla bwa.

Wepila 18:3

dɛkalkɛŋɔ o ɡelɔ harɛ ta nɛra bwa wedoŋa ne ba pɛlchɔɡa dɛɛ ba kɛŋɔ sen, asɛ ba waa fuh Korowii baah. Harɛ nɔ ta koranar ne o bɔ jwamane. O kondɔɔh kwaa nyina kohona nomanta, harɛ nɔ ta bonadiire cheɡɛ o nɛɛ dɛ dɛɡ.”