Aesaya 2:12 - mzwDBL

¹² Nemenɛ Korowii le tɔpere bɛl cheɡ, dɛ tɛ nɛra baa dɛ ɛ mbarafo ne sɔnnyin, ne nɛra baa dɛ ɡɔɔ ba te, dɛ́ ba ba ne harɛ.

Aesaya 2:12 Iomraidhean Croise

2 Samoɛl 22:28

He dɛ lɛ nɛra ba wa a pwɛra, kɛ mbarafo tena te, he dɛ ba ba ne harɛ.

Job Tɔn 24:1

Job berɔ ŋɔ, “Ɛrɛɛ Korowii Waa Ɛ Kpeɡri Bwa Dɔɔ aa wola tɔpere bɛl leɛ cheɡ, dɛ́ bol nɛra waa dɛ́ pa bole ɔ? Nɛra baa dɛ tomɔ la bɛ on na kɛ o dɛ bol wechɔɡ-ɛɛra la wa.

Yela 131:1

N Naa Korowii, n ɡel mbarafo ɛɛ, maa n te ɡɔɔ kpa. N liire toole wejena kɛɛ nyokpowa aa ɡwaa n nɛɛ ta.

Yela 18:28

N Naa Korowii, henee ɡela bɔr chaah n sie mɛɛ na, he ɡelɔ n le biro ta ba bochaah ta.

Yela 37:13

Korowii dɛ mamɛ nyubinikpeɡ tena, o jemɔ kɛŋɔ ba chɔɡa tɔpere telo tonɛ.

Yela 94:2

Henee bol nɛra bwa waa dɛɛ pa bole, ir dɛ́ bɔ mbarafo tena kem ɡɛ aa chɛa.

Sɛɡla 16:5

Korowii hah nɛn waa dɛ ɛ mbarafo, kpelaa, naate ɛɛ di bolchɔɡee dɛ́ dɔ deŋnetɛra.

Aesaya 10:12

Dɛ Korowii baa tonɛ ɡɛ waa ɛ nɛra baa lɔ Saayɔn Bwejen doa ne Jerusalam bwa naa, wɛɛ ŋɔɔ, “Mɛɛ ba tɛr Asiiria koojen deŋnee o mbarafo ne nyiŋa waa nyiŋi nɛn dɛɛ vah la wa.

Aesaya 10:33

Hé no! Korowii, Koranar Bwa Kooro ɛɛ ba ba ne harɛɛ, kɛŋɔ baa choo daa dɛɛ ta la ken. Dajaŋa la, wɛɛ teŋaa ɡo, dajena ɡe bwa choɡli.

Aesaya 13:11

Korowii ŋɔ, “Mɛɛ ba chɔɡ harɛ nɔɔ. Mɛɛ tɛr wechɔɡ-ɛɛra deŋnee ba wedoŋa wa, dɛ́ ɡel ɡɔɔra nɛra aa dɛ ɡɔɔ ba te la teŋe. Dɛ́ ba banɔ la baa dɛ ɛ mbarafo la ɡe ne harɛ.

Aesaya 13:6

Hé kpɔ nɔɔra dawɛ nyu dɛ́ wi. Tɔpere Korowii aa lea cheɡ la telo. Korowii Waa Ɛ Kpeɡri Bwa Dɔɔ la tɔpere waa dɛ ba nɛra chɔɡa la telo.

Aesaya 13:9

Hé na! Tɔpere Korowii aa lea cheɡ la dɛ ba. Awola tɔpere la aa werii do kwara, o baah ɛɛ diu taeh. Wɛɛ ɛ harɛ nɔɔ kɛŋɔ pua hɛŋle ɡbo harɛ ken, dɛ́ chɔɡ wechɔɡ-ɛɛra le o ta.

Aesaya 14:15

Kɛ ane a bwa, Korowii ba he ne harɛ, dɛ kpɔe kaa lala huɡribɔr bɔɔ bini.

Aesaya 23:9

Koranar Bwa Kooroo ɡela a chiɡ. O ɛ ɡɛ ásɛ ba jirima baa dɔa dɛɛ ɡɔɔ ba te la tonɛ, dɛ́ ba banɔ la baa dɔ nyanyini harɛ nɔ ta la ne harɛ.

Aesaya 24:21

Awola tɔpere la, Korowii ɛɛ tɛr kwaa aa dɔ kpeɡri dɛ do nyundua, ne koranar baa dɔ kpeɡri harɛ nɔ ta deŋnee.

Aesaya 24:4

Hwel cheɡɛ harɛ ta, o ta kwaa bwa jwalɛ, nyundua tɔɔ, harɛ som tonɔ, harɛ ta nɛnjena ɡwɛɡre.

Aesaya 40:23

Onee won koranar ɛɛ kɛŋɔ dansaara ken, ba waa ɛ wepuu.

Aesaya 42:15

Mɛɛ chɔɡ bwejena ne deŋɡarere bwaa, dɛ́ ɡel a papooni ne kpɔɡa hol, dɛ́ ɡel moo ne taama bwa hweeh dɛ́ berɛ pua hɛŋle ɡbo harɛ.

Aesaya 5:15

Anomanta, sihiih ɛɛ kpo mbarafo tenaa, dɛ́ ba nomɛlbwa ne harɛ.

Aesaya 61:2

O tom mɛ ń ɡel nɛra bwa jemɛ kɛ tɔpere Korowii aa dɛ ba o nɛra lɛɛ dɛ́ tɛr ba dɔma deŋne telo, dɛ́ larawe nɛra bwa baa dɛ wi bwara.

Jeremia 12:9

N nɛra maa lee ba tɛ n te do kɛŋɔ jumbie kɔle aa baro cheme dɛ́ yoo. Hé yerɛ kpɔɡ bini ola á bwa ba cheme dɛ́ di o ola.

Jeremia 13:9

“Gɛ kiriso la aa chɔɡa la, ɡɛ tentenee mɛɛ ba Juda ne Jerusalam tena baa dɛ ɛ mbarafo la chɔɡa.

Jeremia 30:7

Tɔpechɔɡe bɛl dɛ ba, baa won kpɔ tɔpere bɛlbwa maɡɔ. Wɛɛ ɛ suna dii tɔperee tɛ Jekɔb naanar, kɛ ane a bwa, baa le a nyoaa.”

Jeremia 46:10

Awola tɔpere la ɛ Korowii, Koranar Bwa Kooro Tɔpere, tɔpere waa dɛ ba o dɔma kem bɔe. O tokobii nee wɛɛ ba ba kpoora, dɛ́ nyɔ ba chal sɔɔh nyɔɡre waa dɛ kpoo nyoa. Korowii, Koranar Bwa Kooro ɛɛ kpoo o dɔmaa awola tɔpere, Yufretis Moo nyoa, weekaŋle nyunduabɔr.

Jeremia 50:31

Babelɔn harɛ tena, he ɛ mbarafo, men Korowii, Koranar Bwa Kooro ne he dɔɔ. Dɛkalkɛ he tɔpere telo kɛŋɔ ń tɛr he deŋne.

Ɛsekeɛl 13:5

Baa sie do danjwɛɛre aa peɡra la ta, dɛ́ kwaara, ásɛ dɛ laa dɛ ba naa, ba won lɛ Israel ta, dɛ́ won che Korowii Tɔpere La nyoa.

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

Emɔs 5:18

Emɔs ŋɔ, “Nomɛlbwa waa dɛ nyin o na tɔpere Korowii aa dɛ ba ba bol nɛra waa dɛ́ pa bole la, ó bwɛɛlɛ. Ɛrɛɛ hɛɛ nyin he na Korowii Tɔpere waa lea cheɡ laɔ? Biro ɡboo awola, bɔr aa o ta chaahna ba.

Maeka 2:3

Anomanta, Korowii ŋɔ, “N dɛ vɔrɔwe kɛ ń kpɔ wahala ba ta he nɛ, haa wola won chwa dɛ le a nyoa. Wenaale la dɛ ba he nɛɛ ɡwaala kohona, haa wola won valɛ dɛɛ ɡu kpa.

Maeka 5:11

Mɛɛ chɔɡ he harɛ bwɛjenaa, dɛ́ kuuɡi he dekpeɡa ɡe bwa.

Sefania 1:16

wɛɛ ɛ laa bɛle hoeh tɔperee, ásɛ laa tena lɔŋɔre tɔ. Baa yo bwɛjena baa ma danjwɛkpeɡa bara, a dɔ dejaŋaa.

Sefania 3:11

Gɛ tɔpere la, maa ɡel sihiih kpo heyaa he deŋnekpeɡ haa ɛɛ mɛ la waa kpa. Mɛɛ le mbarafo tena bwa nee n bwɛjen nɔ ta, ásɛ bɛlbwa ɡe aa won ɛɛ mɛ sisawaa n bweɡoroŋ n Dea aa chɔŋɛ o ta la ta kpa.

Malakae 4:1

Koranar Bwa Kooro ŋɔ, “Hé no, tɔpere men Korowii aa dɛ ba ba bol nɛra baa dɛ baɡle ba te, ne wechɔɡ-ɛɛra waa la dɛ ba kpela. Baa fuuh kɛŋɔ kpɔɡa ken, ba komɛlbwa aa wola ka.

Malakae 4:5

Hé no, mɛɛ tomɛ n keame Elaeja he bee, mɔɔ men Korowii Tɔpejen waa do ɔma kohona la ba.

Matiu 23:12

Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa dɛ pwɛr o te la, Korowii ɛɛ ɛo nɛnjenii.

Amanesoma Luk Aa Chwera Tɔn 14:11

Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa dɛ pwɛr o te la, Korowii ɛɛ ɛo nɛnjenii.”

1 Kɔrent 5:5

hé kpɔ naate bwadabii do Bɔnsam nɔn ta ó chɔɡo, ásɛ awola tɔpere ya Dɔɔ aa ba la, ó ɡe ba lɛ o doma te.

1 Tesalonika 5:2

dɛkalkɛŋɔ he bwa jemɔ kpela kɛŋɔ tɔpere ya Dɔɔ la aa ba la ɛɛ piɡruu kɛŋɔ ŋwɛɛ aa dɛ piɡri nɛn jwaana la.

Jems 4:6

Kɛ chae Korowii aa na ya sum dɛɛ cha yaa la, on kpeɡa, ɡɛ Korowii Tɔn la aa baɡla ŋɔ, “Korowii dɛ ba nɛra baa dɛ ɛ sɔnnyin la ne harɛ, dɛɛ sune nɛra baa dɛ pwɛr ba te nɛ.”