Aesaya 19:4 - mzwDBL

⁴ Mɛɛ kpɔ Ijipt tenaa do kooro nyubinikpeɡ te bɛl nɔn ta, o wa do ɔma, wɛɛ nyiŋi ba nɛ. Men Korowii, Koranar Bwa Kooroo bola.”

Aesaya 19:4 Iomraidhean Croise

Yela 31:8

He ta ɡelɛ n dɔma dɔɔ mɛ, he kpɔ n naa cheɡ bodɛɛɡe.

Aesaya 19:2

Korowii ŋɔ, “Mɛɛ kpɔ naɡraa ta Ijipt tena nɛ ba ɡbo yo dɔŋa, dɔɔ ne nime yo, chamena ne o chamenate yo, bwɛjen ne o bwɛjen dɔŋ yo, ásɛ koranar ɡe yo dɔŋa.

Aesaya 20:3

Ate, Korowii ŋɔ, “Gɛ n bonɔɔ Aesaya aa dɛ valɛ dakpaŋ ne nakpapɛɛ bene atoro nɔ, a ɛ we-ɛɛla dɛ baɡle waa aa dɛ ba Ijipt harɛ ne Itiopia harɛ chiɡa.

Aesaya 20:4

Gɛ tentenee Asiiria koojen ɛɛ ba Ijipt ne Itiopia tena waa kaa yoo ba, dɛ laɡ ba la ɛɛ ba bá valɛ dakpaŋ ne nakpapɛɛ ne. Nomonome ne bechale bwa ɛɛ valɛ mumɡbal sihiih nee.

Jeremia 46:26

Mɛɛ laɡ baa do nɛra baa dɛ nyin ba dɛ́ kpo nɔn ta. Banee, Babelɔn Kooro Nebukadnesa ne o laa tena. Kɛ a habɔɔ nɛra ɛɛ berɔ ba so Ijipt harɛ ta kɛ saŋ la ja. Men Korowiirii bola.”

Ɛsekeɛl 29:19

Anomanta, Nemenɛ Korowii ŋɔ, wɛɛ kpɔ Ijipt harɛɛ do Babelɔn Kooro Nebukadnesa nɔn ta, ásɛ o pa Ijipt harɛ ta kondɔɔh bwa laa ta kaa, á ɛ o laa tena kembɔr.

Ɛsekeɛl 30:12

Mɛɛ ɡeloo nenabɔɔne aa su Nael Moo ta hweeh, ásɛ dɛ yoɡ harɛ la tɛ nɛnchɔɡa. Mɛɛ ɡeloo nɛŋhɔɔhra ba chɔɡ harɛ la, ne komɛlbwa aa lɔ o ta o chɔ pɛɛ. Men Korowiirii bola.”

Neehum 3:10

Kɛ ba wono ba yo he nɛra, dɛ laɡ ba kaa harɛfale bɛl ta. Ba lawɛ bechale dɛ kpɔ ba cha harɛ ba bini toɡri chɔ fɔɡbaahna. Ba lawɛ nomonjena dɛ bil daa ba nyuune ta, dɛ kpɔ jɔɡrɔre do sitɔɔla.

1 Samoɛl 23:7

Ba ŋɔ Kooro Sɔɔl be ŋɔ Devid kaa Keila asɛ o ŋɔ, “Korowiirii kpɔ Devid do n nɔn ta la. O ɡbabirii kaa tɔ o te dea, dɛ ka jo bwɛɛ baa ma danjwɛɛ baro, dɛ kpɔ bune kaɡre o doonyojena ta.”