Aesaya 16:2 - mzwDBL

² Moab haahna lɔ Aanɔn Moo nyoa milimili, dɛ la dɛɛ ba kɛŋɔ jumbii baa doŋa le a kɔne ta ken.

Aesaya 16:2 Iomraidhean Croise

2 Koranar 3:4

Dɛ Moab Kooro Mesa dɛ dɛɛ peera. Bena bɛlbwa, o yon kpɔ harɛ la ta kwaa kɛŋɔ pebiiri kaɡboŋa lafa, ne pebala pona kaɡboŋa lafa kaa tɛ Israel Kooro Joram.

Sɛɡla 26:2

Nyotaahna aa wola hen chɛɛ la, do kɛŋɔ jumbii aa dɛ ɡah aa wola daa ta joŋi la ken.

Sɛɡla 27:8

Gɛ jumbie yon ir le o kɔr ta dɛ kaa la, ɡɛɛ nɛn waa jo pua kaa dɛ ɡel o dem la do.

Aesaya 13:14

Hɔɔhra baa soɡe Babelɔn ɛɛ lɔɔ peɡre, dɛ́ kaa ba harɛre ta kɛŋɔ kpaahna aa jo kweɡli baah a lɔ peɡre la. Baa chwao peɡre kɛŋɔ peera aa wola teɡre dɔe ken.

Jeremia 48:20

Sihiih kpo Moab tena, dɛkalkɛ ba harɛ la bwa chɔɡɔ. Hé wi dɛɛ do lɔŋɔre. Hé ɡel Aanɔn Moo nyoa tena no kɛŋɔ ba chɔɡ Moab.

Jeremia 48:46

Moab tena, hé bwɛɛlɛ! Nɛra haa dɛ tomɛ voɡ Kemɔs la, he chɔɡɔ. Ba lawɛ he bibaala ne bihaahna bwa kaa bojaŋ harɛfale ta.

Jeremia 48:9

Hé paaɡe bwea a che tɛ Moab harɛ, dɛkalkɛ aa biɡri ba chɔɡo. Moab bwɛɛre dɛ ba dimɡbia bera, nomɛlbwa aa belaa so kpa.”

Nɛra Kura 21:29

Moab tena, hé bwɛɛlɛ! Voɡ Kemɔs toroma chɔɡɔ! Voɡ la ɡelɔ ba lawɛ o bibaala laa ta kaa, ba lawɛ o bihaahna tɛ Amɔre tena Kooro Sihon.

Mmarare 2:36

Korowii yaa dɛ tomɔ laa nɔn kpɔ ba nɛɛ tɛ yaa, le bwɛɛ Arowa waa chɔ Aanɔn Fɛlembɔjen la doa, dɛ berɛ kpɔ bwɛɛ bɛl waa chɔ o bini, hale dɛ kaa bwɛɛ Gelead, bɛlbwa ta wone dɔ kpeɡri kɛ yan.

Mmarare 3:12

Mosis berɔ ŋɔ, “Harɛ a ɡɛ saŋ yaa yoa lɛ la, n kpɔ anɔ la aa lɔ Arowa ne Aanɔn Moo weekaŋle nyunduabɔr, ne Gelead deŋɡarere harɛ pera ne a bwɛɛre tɛ Rubin ne Gad deene tena.

Mmarare 3:8

Gɛɛ a do ya lɛ Jɔɔdan baŋ wee leebɔr harɛ la le Amɔre tena koranar banɛ, Sihon ne Ɔɡ nɔn ta. Harɛ la chɔɔ le Aanɔn Fɛlembɔjen ta dɛ ka tel Hɛmɔn Bwejen ta.

Josua 13:16

Ba harɛ nyoa le Arowa, o lɔ Aanɔn Fɛlembɔjen la nyoa dɛ kaa bwɛjen waa lɔ fɛlembɔjen la baah ta, dɛ kpɔ harɛpɛɛ waa chɔa kaa dɛ ka ɡarɛ bwɛjen Medeba,

Sitɔɔla 11:18

Ba berɔ valɛ kpɔ pua hɛŋle ɡbo harɛ ta dɛ fɛre Edom ne Moab harɛre la, dɛ kpɔ ka le Moab wee leebɔr pera dɛ ka so Aanɔn Moo baŋ bɛl. Ba ta Moab harɛ la ta joɛ, dɛkalkɛ Aanɔn Moo ɛ ba jwɛh.