Aesaya 15:2 - mzwDBL

² Debɔn tena teehnɔ kaa deŋɡare ta, bela ba voɡ aa lole dɛ́ ka wi. Moab harɛ ta nɛra bwa ɛɛ wi bwɛjena Nɛbo ne Medeba waa, dɛ́ fonɛ ba nyuune ne tampona bwa ta, aa baɡle suna dii.

Aesaya 15:2 Iomraidhean Croise

2 Samoɛl 10:4

Anomanta, Kooro Hanun lawɛ Kooro Devid toroma la dɛ fonɛ bɛlbwa tampona pera ta, dɛ teŋni ba laala baa doa la muŋkela bɔra ta, dɛ ɡel ba ba kaa.

1 Webena 19:4

Anomanta, Kooro Hanun lawɛ Kooro Devid toroma la dɛ fonɛ bɛlbwa tampona pera ta, dɛ teŋni ba laala baa doa la muŋkela ta, dɛ ɡel ba bá kaa.

Job Tɔn 1:20

Job aa no ɡɛ la, o ir che dɛ laa o batakaare kɛɛ, a baɡle kɛ o loo kuu, dɛ fonɛ o nyu. Ate, dɛ chɔ kpɔ sie pi harɛ, dɛ jam Korowii,

Aesaya 14:31

Hé do lɔŋɔre dɛɛ wii, he banɔ la haa lɔ bwɛjena bini la! Filisti tena, hé ɡel he bambile teŋe! Yoyoora tenten le weekaŋle nyunduabɔr dɛɛ ba, kɛŋɔ ninchuu ken, dɛ bwa pɛ dɛɛ ba ba yo heya.

Aesaya 15:3

Ba tɔ lweyale fɔɡbaahna bwa, saldor ne bela baa dɛ cheme bwa, ba ne siniiree, ba wio dɛ ba tal.

Aesaya 16:12

Moab tena teehno kaa bwe doa ba voɡa la ta naa, ba dɛ koh pɛɛpɛɛ. Ba la ba voɡa deene bini dɛ ka soŋa oo, aa ban komɛlbwa lee ba.

Aesaya 16:7

Moab tena ɛɛ wi ba harɛ waa, ba bwa ɛɛ wiu. Ba bwa ɛɛ lii konsoma ba fa aa dɛ di bwɛjen Kir Haresɛt la waa, dɛ́ pɛ dɛɛ wi.

Aesaya 22:12

Korowii, Koranar Bwa Kooro ŋɔ, hé dooɡe lɔŋɔre dɛ́ wi, dɛ́ fonɛ he nyuune dɛ́ kpɔ lweyale tɔ awola tɔpere, á baɡle kɛŋɔ he ɛ wechɔɡa.

Aesaya 3:24

Konsɔɔhsoma a fe aa ɡel ba bwaraa sɔɔh do som la, sɔɔhraa ba bwara ɛɛ ba sɔɔhra, ásɛ ɡboɡbie ber ba kirisore, ásɛ ba nyumpona ba yon ɛa a do wer la bwa chure, ba nyuune ɡba, ba laaladɛɛɡa bwa berɛ yakwane, ásɛ ba wer tu, ba berɛ di sihiih.

Jeremia 3:21

Lɔŋɔre dɛ le bwejena aa chɔ pɛɛ dor, Israel tena wii baa dɛ wi dɛɛ soŋe ba wechɔɡa baa lɔ a ta wa, dɛkalkɛ ba soh Korowii baa dɛ tomɔ wa.

Jeremia 47:2

O ŋɔ, “Na ɡɛ he dɔma aa wara dɛ le weekaŋle nyunduabɔr dɛɛ ba, ba do kɛŋɔ nee waa sua dɛ do ɔma. Dɔma la dɛ ba ba lɔ tɔ Filisti tena harɛ ne komɛlbwa aa lɔ o ta nɛ. Baa lɔɔ tɔ nɛra baa soɡe bwɛjena ta la nɛɛ, ásɛ nɛra ɔmɛ dɛɛ do lɔŋɔre kohona dɛɛ nyin chae, nomɛlbwa waa lɔ harɛ la ta ɛɛ wiu kohona.

Jeremia 47:5

Gasa tena dɛ di suna kohona, baa fonɛ ba nyuune á baɡle kɛŋɔ ba dɛ ɛ lwe, ásɛ Askɛlɔn tena hel jeiih ken a wa. Saŋ besoo Filisti tena kabora ɛɛ ba wii ka tel ɔ?

Jeremia 48:1

Koranar Bwa Kooro, Israel tena aa dɛ tomɔ bol Moab harɛ wa men Jeremia be ŋɔ, “Nɛbo tena, hé bwɛɛlɛ, dɛkalkɛ he bwɛɛ la dɛ ba chɔɡa. Dɔma yo Kiriataim tena dɛ pɔ ba nɛ, o danjwɛkpeɡ baa maa baro kuuɡo, asɛ sihiih kpo ba.

Jeremia 48:18

Debɔn tena, hé le he soŋnibɔr waa dɔ jirima ba, dɛ́ ba so harɛ bomboɡ ta. Nɛn waa ba chɔɡ Moab la balɔ dɛ́ ba kuuɡi danjwɛjen waa baro la.

Jeremia 48:31

Anomanta, n wio dɛɛ tɛ Moab tena, ba ɡbosoro waa mɛɛ wi. N wio dɛɛ tɛ Kir Haresɛt baala.

Jeremia 48:35

Moab harɛ taa mɛɛ ba nɛra baa dɛ ɛ sarahare deŋɡarere dor, dɛɛ fuh daawiile dɛɛ tɛ ba voɡare la kpoora. Men Korowiirii bola.

Jeremia 49:3

Hɛsbɔn tena, hé do lɔŋɔre bwɛjen Ai chɔɡa wa. Nɛra haa lɔ bwɛjen Raba, hé ɡe wi! Hé kpɔ lweyale tɔ dɛɛ wi, dɛɛ chwa bobɛlbwa yalayala ken, dɛkalkɛ baa kpɔ he voɡ Molɛk ne o kerekpoŋra, dɛ nomonome bwaa kaa bojaŋ harɛfale ta.

Jeremia 7:29

Jerusalam tena, hé wi, hé fonɛ he nyuune dɛ́ pa ta. Hé kaa deŋɡarere dor dɛ́ kaa taa wiile, dɛkalkɛ men Korowii, n baah di he nɛɛ n vɛh heya.

Ɛsekeɛl 27:31

Baa koh he waa fonɛ ba nyuune, dɛ́ kpɔ lweyale tɔ. Baa wiu kohona tɛɛ lokua ne.

Ɛsekeɛl 30:2

“Nɛwɛnyini bie, bol waa men Nemenɛ Korowii aa ŋɔa a dɛ ba bala dɛ wi ŋɔ, ‘Tɔpere waa do ɔma kohona dɛ ba!

Ɛsekeɛl 7:18

Baa kpɔ lweyalee tɔ ɔmee laɡ ba kohona. Sihiih ɛɛ kpo baa ba fonɛ ba nyuune bwa ta, á baɡle kɛ ba dɛ di suna.

Lewi Dea Tena 13:40

Dɛ baa nyu ɡbao o nyumpona bwa tonɛ kwaraa naa, doŋa bɛlbwa toole o nɛ.

Lewi Dea Tena 21:5

Sɔfo bɛlbwa bɛ o nyu fonɛ kɛɛ dɛ kuu o tampona dɛ́ mɔne o bwara á baɡle kɛ o dɛ ɛ lwe.

Emɔs 8:10

Mɛɛ ɡeloo he Tɔpejena dii berɛ lwe, ásɛ he yela ɡoe berɛ wii. Mɛɛ ɡeloo he bwa tɔ lweyale dɛ́ fonɛ he nyuune. Mɛɛ ɡeloo awola do kɛŋɔ nomɛl aa dɛ wi o bibambeŋkpoŋ la, dɛ́ ɛ tɔpechɔɡe ka tonɛ.

Nɛra Kura 21:28

Kooro Sihon laa tena le Hɛsbɔn kɛ nii ken, kɛŋɔ ninlao dɛ le Kooro Sihon bwɛjen ta, dɛ ba chɔɡ Moab harɛ bwɛjen Ar, dɛ ka chɔɡ nɛra baa lɔ Aanɔn Moo deŋɡarere ta.

Nɛra Kura 21:30

Ya pɔ Hɛsbɔn tena nɛ, ya chɔɡ ba dɛ kpoŋe ka le Debɔn, dɛ ka tel Nɔfa kaa Medeba bwa.”

Nɛra Kura 32:3

“Atarɔt ne Debɔn ne Jasa ne Nimra ne Hɛsbɔn ne Eleale ne Sebam ne Nɛbo dɛ Beɔn harɛre,

Nɛra Kura 32:38

ne Nɛbo dɛ Baal Meɔn, ba berɔ beɡre ɡɛ sɔna nɔ. Ba kwaarɔ vɔrɔwe Sibma ɡe, dɛ berɛ kwaa pa bwɛjena baa kwaara vɔrɔwe la ɡe sɔna.

Mmarare 14:1

Mosis berɔ ŋɔ, “He ɛ Korowii haa dɛ tomɔ nɔ bii, anomanta, he bɛ nɛn waa sewa waa koh dɛɛ mɔne he bwara kɛɛ dɛɛ fonɛ he tili bɔra dɛɛ ta, ɡɛ nɛra baa wola Korowii tomɛ yon dɛɛ ɛ la.

Mmarare 34:1

Mosis berɔ le Moab deŋɡarere dor harɛ waa chɔa kaa la ta, dɛ ka teeh Nɛbo Bwejen dɛ kaa Pesɡa Bwejen doa. Jeriko lɔ Jɔɔdan Moo la baŋ wee cholibɔr. Asɛ Korowii baɡlo harɛ waa kpɔ Israel tena dɛɛ ba o ta la bwa. O nao le Gelead dɛ kpoŋe ka le weekaŋle nyunduabɔr harɛ waa kpɔa tɛ Dan dea tena la,