2 Hé kpɔ laa fraŋkaa ka pa deŋɡare daa aa wola toole o ta, ásɛ dɛ kpɔ takpeɡ ŋɔ laa tena ba, dɛ́ ir nɔɔra baɡ ba bá ka jo nɛnjena bwɛɛ la ta dɛ́ yoo ba.
Wɛɛ ir fraŋkaa harɛre nɛra nɔ bwa na, dɛ́ boa Israel tena baa laɡ ba ka so harɛre ta la nyoa, dɛ́ ɡel Juda tena baa peɡra kaa harɛ nɔ ta bobɛlbwa la bwa ba cheme.
Korowii ɛɛ ɡeloo Ijipt mpo kpale la hweeh kwaraa, ásɛ dɛ berɛ ir nɔn pa Yufretis Moo la ta, peuwɔb bɛl ta kpɔ o ta, ásɛ o peɡri nenabɔɔne anuanɛ, nɛra won do naŋɡawa dɛ́ jo dɛɛ le o baŋ.
Hé ir fraŋkaa ásɛ laa tena jemɛ dɛ́ ba kuuɡi Babelɔn danjwɛɛre. Hé le laa tena la bane ba ba ja dɛɛ daah bwɛɛ la dahare, bane ɡe chɔ baro.” Korowii dɔɔ kpɔ liire ŋɔ wɛɛ chɔɡ Babelɔn tenaa.
Koranar Bwa Kooro bolɔ ŋɔ, “Babelɔn danjwɛkpeɡ la dɛ́ ba kuuɡa chɔ harɛ, ásɛ nii le o doonyojena ta. O nɛra koeh baa koah ɛ pɛɛ, ásɛ nii le a bwa ta á fuh.”