Aesaya 13:1 - mzwDBL

¹ Babelɔn waa Korowii aa kpɔa baɡle Emɔɔs bie Aesaya chaahna ta laanee nɔ.

Aesaya 13:1 Iomraidhean Croise

2 Koranar 9:25

Kooro Jehu ŋɔ o bonɔɔ bɛl waa dɛ chao baa yerɔ Bidka be ŋɔ, “Laa Kooro Joram kpɔ ta Jesreel te Nabɔt koo nɔ ta. Lii ɡɛ saŋ n ne he fa aa soɡe torɔɡo ta, dɛ teŋɛ o mɛɛ Kooro Ahab nɛɛ la, Korowii bol o waa nɔ bil.

Aesaya 1:1

Baa bɛlee fa lole baa yerɔ Emɔɔs, o bibaa sɔne Aesaya. Korowii pili waane bini kɛŋɔ deera ken baɡle Aesaya, aa ba Juda harɛ ta ne Jerusalam chiɡa. O naa ɡɛ saŋ koranar bane aa di kora teŋɛ dɔŋa nɛɛ Juda harɛ ta, banee Ussia ne Jotam ne Ahas, dɛ Hɛsɛkea.

Aesaya 13:19

Babelɔn kora wer ɡwaa bwɛɛre bwa kora, bela tena kpɔɔ dɛɛ ta nyoa. Kɛ men Korowii, mɛɛ chɔɡ kora laanee kɛŋɔ maa ɛ Sodom ne Gomoora la.

Aesaya 14:28

A bena Kooro Ahas aa chɔ o banɔn ta, waa aa le Korowii be ba laanee.

Aesaya 15:1

Waa aa chiɡ Moab harɛ ta Korowii bol baɡle Aesaya chaahna ta laanee nɔ, Moab harɛ ta bwɛjena Ar ne Kir chɔɡɔ. Jwaana beŋkpoŋii ba chɔɡa.

Aesaya 17:1

Waa aa chiɡ bwɛjen Damaskɔs Korowii bol baɡle Aesaya chaahna ta laanee nɔ. “Damaskɔs aa bwɛjen ɛɛ ba kpa, wɛɛ ba chɔɡoo dɛ́ berɛ dimɡbia chɔ.

Aesaya 19:1

Waa aa chiɡ Ijipt harɛ ta, Korowii bol baɡle Aesaya chaahna ta laanee nɔ. Hé na! Korowii cheɡɛ bam ta, dɛɛ ba Ijipt harɛ ta wɔrɔbe nɛ. Voɡare aa lɔ bela bwa jum jah o sie, asɛ bela tena bwa bwara yɔr.

Aesaya 20:2

a ɡɛ saŋee Korowii che Emɔɔs bie Aesaya nɛɛ dɛ bol ŋɔ, “Ka laa lweyal wur bil, dɛ́ laa naŋɡawa parame he nakpale.” Asɛ Aesaya ka ɛ ɡɛ, dɛ valɛ dakpaŋ ne o nakpapɛɛ ne.

Aesaya 21:13

Waa aa chiɡ Arab harɛ ta, Korowii bol baɡle Aesaya chaahna ta laanee nɔ. Dedan tena haa lɔ Arab harɛ ta dɛ valɛ dɛɛ ɡaaɡe, pua hɛŋle ɡbo harɛ taa hɛɛ ba he tɛnte deene baŋra dɛɛ chɔ jwaana.

Aesaya 22:1

Waa aa chiɡ Chaahna Fɛlembɔjen ta, Korowii bol baɡle Aesaya chaahna ta laanee nɔ. Bɔkwaa waa bala ɔ? Ɛrɛɛ bwɛjen nɔ nɛra bwa ɛɛ lɛ ba sie saldor nɔɔ?

Aesaya 22:25

Awola tɔpere la, tɛnte baŋra daa maa kpaara do harɛ o pa kiŋkiŋ la ɛɛ pamɔɔ le dɛ́ chole, ásɛ laala aa saɡɛ o ta la bwa chɔɡ. Men Korowiirii bola.”

Aesaya 43:14

Korowii, Israel Nɛŋɡoroŋ waa ɛ he Lɛɛ la ŋɔ, “He lɛɛ nomanta, mɛɛ do laa tena bá ka yo Babelɔn. Mɛɛ kuuɡi bwɛjen la doonyoonee, ásɛ o nɛra silɛɛ berɛ wii.

Jeremia 24:1

Babelɔn Kooro Nebukadnesa lawɛ Juda Kooro Jehoiakim bibaa Jehoiachin ne o nomonome, ne nɛra baa dɔ kwaa sɛɛh wejema, dɛ nɛra baa dɔ kwaa bwa soo siwi ɛɛ wejema le Jerusalam kaa bojaŋ harɛ Babelɔn. A habɔɔ, Korowii ɡel men Jeremia na waane chaahna ta, dɛ fiɡ daa nɔna wɛɡrɛre anɛ cheɡɛ o Dea doonyoa bela.

Jeremia 28:8

Keamere baa tɔ n ne he sie saŋ la bolɔ ŋɔ, harɛre nɛra ne koojena ɛɛ serewe laa taa, ásɛ lɔr ne weechɔɡa ɡe kpoo bane.

Jeremia 50:1

Korowii cheɡɛ men o keame Jeremia nɛɛ dɛ bol Babelɔn harɛ ne nɛra baa lɔ o ta waa ŋɔ,

Jeremia 51:51

He ŋɔ, “Sihiih kpo yaa ya di ncho, dɛkalkɛ nɛŋhɔɔhra dɔ bɔr jo Korowii Dea bɔra aa do ɡoroŋ bela.”

Ɛsekeɛl 12:10

ŋɔ ba be ŋɔ men Nemenɛ Korowii ŋɔ, ‘N waa nɔ ɛ Jerusalam kooro ne Israel tena bwa baa lɔ bela wa.’

Daneɛl 5:28

Pɛrɛs ɡe munii kɛŋɔ, ba bɔne he kora bini tɛ Midia ne Pɛɛsea tena.”

Daneɛl 5:6

O siebɔr ɡwaŋɔ, o liire chɔɡ, asɛ ɔmee lawɔ kohona o natuune ɛɛ sa dɛɛ lɔ dɔŋa.

Neehum 1:1

Waa aa chiɡ bwɛjen Niniwe, Korowii bol baɡle Neehum waa le Ɛlkɔs chaahna ta, asɛ o chwerɛ bil laanee nɔ.

Habakuk 1:1

Waa Korowii aa pila baɡle o keame Habakuk chaahna ta laanee nɔ.

Sekaria 12:1

Israel waa aa le Korowii bee nɔ. Korowii waa ta nyundua ne harɛ, dɛ ta nɛwɛnyini la ŋɔ,

Sekaria 9:1

Waa aa le Korowii bee nɔ. O dɛ ba ba chɔɡ Hadrak harɛ ne bwɛjen Damaskɔs. Nɛra ne Israel deene bwa sie lɔ Korowii nɛ,

Malakae 1:1

Waa Korowii aa pila baɡle o keame Malakae chaahna ta ŋɔ ó bol baɡle Israel tena laanee nɔ.

Matiu 1:11

asɛ Josia lolɛ Jekonia ne o nimanar. A ɡɛ saŋee Babelɔn tena pɔ Israel tena nɛɛ dɛ laɡ ba kaa ba harɛ la.

Wepila 14:8

Nyundua torome nɛɛte ɡe iro teŋɛ onɔ la nɛɛ dɛ ŋɔ, “O paɡrɔ! O paɡrɔ! Babelɔn bwɛjen la waa ɡela pɛlchɔɡa ne wedoŋa dɛɛ harɛ nɔ ta bwa nɛra kɛŋɔ sen asɛ ba waa fuh Korowii baah la paɡrɔ.”