Aesaya 12:2 - mzwDBL

² Kasinteŋ, Korowiirii n Lɛɛ. Mɛɛ dɛɛ yaradao dɛ bɛ dɛɛ ɔmɛ. Korowii bee n bokpeɡa do, n yel maa ɡo bwa ɡee kɛŋɔ Korowii. Onee n Lɛɛ.”

Aesaya 12:2 Iomraidhean Croise

2 Samoɛl 7:24

He lɛ he nɛra Israel tena cheɡ saŋ bɛlbwa dɛɛ la, asɛ dɛ ɛ Korowii baa dɛ tomɛ.

Job Tɔn 13:16

Anee dɛ́ ɡel n dɔ lɛɛ, dɛkalkɛ wechɔɡ-ɛɛ bɛlbwa aa won ba o sie.

Yela 112:8

O bambile cheɡɛ bobeŋkpoŋ, waa ɔmɛ. O jemɔ kɛ Korowii ɛɛ ɡeloo ó pɔ o dɔma nɛ.

Yela 118:14

N bokpeɡa maa dɔa ne n kpeɡri bwa le Korowii be, onee nɛn waa dɛ lɛɛ mɛ.

Yela 118:21

N Naa Korowii, mɛɛ kpɔ jamee tɛɛ, dɛkalkɛ he no n be dɛ lɛɛ mɛ.

Yela 27:1

Korowii do kɛ kandea dɛɛ chaah mɛ, dɛ ɛ n Lɛɛ, maa nomɛlbwa ɔmɛ. Korowiirii ɛ n Kpeɡnɛn n chwa kaa marɔ, maa ɔmɛ bwa.

Yela 65:6

He kpeɡri taa he che dɛ ta bwejena dɛ chaɡle kpeɡri kohona haa dɔa.

Yela 68:20

Korowii yaa dɛ tomɔ ɛ Korowii waa dɛ lɛ yaa, Nemenɛ Korowii won yaa lɛɛ dɛ́ le seo nyoa.

Yela 68:21

Kasinteŋ, Korowii ɛɛ paɡre o dɔma nyuunee, banɔ la ba taa lɔ wechɔɡa ɛɛ ta la.

Yela 83:18

Gel ba jemɛ kɛ he ɡbosoo Nemenɛ Korowii, he habɔɔ, kooro bɛlbwa toole harɛ nɔ ta.

Kaala 15:2

Korowiirii n bokpeɡa, o sɔn ber mɛ yel mɛɛ ɡo, onee n Lɛɛ, onee mɛɛ tomɛ dɛɛ kpɛɛro, Korowii n naa wa aa tomɔ laanee on, o sɔnee mɛɛ ba yera dɛɛ tomɔ.

Aesaya 10:24

A ɡɛ nomanta, Korowii, Koranar Bwa Kooro dɛ bol ŋɔ, “N nɛra haa lɔ Saayɔn, hale dɛ Asiiria tena kpɔ daa dɛɛ lɔɔ heyaa ɡɛ Ijipt tena fa aa ɛ heyaa la aa, hé bɛ ban ɔmɛ.

Aesaya 17:10

Israel tena, he liire le he Lɛɛ Korowii nɛ. Onee Bwetal haa kpɔ he te marɔ wɛɛ tɔ heyaa ɡbemɡbe la, kɛ he soh o wa. He du dadɛɛɡa bodɛɛɡa, dɛ kwaa bela dɛɛ tomɛ harɛre voɡare.

Aesaya 27:5

Kɛ dɛ n nɛra dɔma dɛ nyin kɛ n kpɔ nɔn tɔ ba nɛ aa, n ne ba baah ɛɛ do werii.”

Aesaya 32:2

Ba bɛlbwa ɛɛ doo kɛŋɔ bɔr dɛ peu dɛ ta aa, he chwa ka jo, dɛ́ berɛ do kɛ bɔr dɛ bwaala peu dɛ ba naa, he chwa ka sɔh. Ásɛ pua hɛŋle ɡbo harɛ ta ɡe neerare aa chɔ o ta, do kɛŋɔ bwetal waa dɔ chunchule, dɛ che bela daa a wola toole.

Aesaya 33:22

Korowiirii dɛ́ bol ya wa, onee do Mmarare dɛɛ tɛ yaa, dɛ́ ɛ ya kooro. Onee dɛ́ lɛ yaa.

Aesaya 38:20

Korowii ɛɛ lɛɛ mɛɛ, ásɛ ya lɔ janjela dɛɛ ɡo yela o Dea, ya soɡa bini bwa.”

Aesaya 45:17

Kɛ Israel tena te, Korowii ɛɛ lɛɛ baa saŋ bɛlbwa. Baa sihiih di, saŋ bɛlbwa bwa.

Aesaya 49:5

Korowii lee mɛ dɛ ɛɛ mɛ o bonɔɔ mɔɔ ba lol mɛ, dɛ ŋɔ ń berɛ ba o nɛra Israel tena baa peɡra dɛ do bobɛlbwa la ne o be. Korowii ɡelɔ n dɔ duure, o bee n kpeɡri do.

Aesaya 50:10

He banɔ la bwa haa dɛ ɔmɛ Korowii, dɛɛ no o bonɔɔ waa la, a balɔ kɛ he dɛ valɛ biro ta kwaraa naa, hé yarada Korowii, dɛ́ kpɔ he te dawɛ o nɛ.

Aesaya 51:12

Korowii ŋɔ, “Menee dɛɛ larawe he bwara. Nɛwɛnyina ɡee bɔkwa, hɛɛ ɔm baɔ? Ba dɛ serewe, ba do kɛŋɔ kpɔɡa.

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Aesaya 62:11

Korowii bol waa nɛra baa lɔ harɛ jaɡa bwa be ŋɔ, “Saayɔn tena, he na ɡɛ he Lɛɛ aa dɛ ba! O kpoŋe o kembɔr, o ne nɛra waa lɛɛ ba dɛɛ ba.”

Aesaya 65:18

Hé ɡel he sie lɛ hɛɛ hɛɡre saŋ bɛlbwa. N dɛ ba Jerusalamfale ɛɛ o do som, ásɛ o nɛra sie ɛɛ lɛ.

Aesaya 7:14

Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.

Jeremia 23:6

O baa di kora aa, Juda tena ɛɛ dɔ bosɔɔhnaa, ásɛ Israel tena ɡe so deŋnesɔɔhna ta. Sɔn baa dɛɛ yerɔ laanee, ‘Korowii Waa Dɛ Lɛ Yaa.’

Jeremia 3:23

Voɡare yaa toma bwejena dor la ta yaa chae. Korowii ya Israel tena aa dɛ tomɔ ɡboo ɛ ya lɛɛ.

Daneɛl 3:28

Kooro Nebukadnesa ŋɔ, “Hé kpɛɛ Korowii Sadrak, ne Mesak dɛ Abɛdnɛɡo aa dɛ tomɔ la. O ɡelɔ o nyundua torome ba, dɛ ba lɛ o bonɔɔna. Ba kpɔ ba te tɛo, dɛ vɛh waa maa do ba a ta, dɛ sɛh kɛŋɔ ba sewɔ bɔ ba be kɛŋɔ ba ɡuŋi kɛɛ dɛ tomɛ voɡ bɛlbwa, atane Nemenɛ Korowii baa dɛ tomɔ ɡbo.

Hosia 1:7

Kɛ Juda harɛ ta tena te, mɛɛ nyin baa, mɛɛ lɛɛ baa. Dɔmkwaa aa do kɛ to ne hɛma, ne tokobie dɛ jaɡre nɛra aa kpɔa dɛɛ la laa ne laa mɛɛ ba kpɔe lɛɛ ba. Men Korowii baa dɛ tom mɛ la kpeɡri nee mɛɛ ba ba lɛɛ.”

Joel 2:23

Saayɔn tena, hé ɡel he sie lɛ, hɛɛ hɛɡre Korowii haa dɛ tomɛ nɛ yoo bwaala ne bwaala loɡla waa tɛ heya kɛrɛdɛ wa. O ɡelɔ bwaala nɛ heyaa kohona.

Jona 2:9

Kɛ n te, mɛɛ jaame yel nee, anee dɛɛ ba saraha ɛɛ. Nyoo maa baɡa bwa, mɛɛ chuɡraa. Korowiirii dɛɛ lɛ nɛwɛnyini.”

Habakuk 3:18

Korowii nomanta, mɛɛ hɛɡroo, n sie lɛ Korowii waa ɛ n Lɛɛ la nɛ.

Tɔn Pɔɔl Aa Chwerɛ Rom Tena 1:16

Sihiih aa men kpo Yeesu Amanesoma nɔ bola ta. A taa Korowii che dɛɛ baɡle o kpeɡri, dɛɛ lɛ nɛra bwa baa yarada o waa la. Juu tenaa ó tɔ sie lɛ, nɛra baa wola Juu tena ɛɛ ɡe jao.

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

Wepila 7:10

dɛ kpɔ takpeɡ dɛɛ ŋɔ, “N Naa Korowii waa soɡe kookara ta la ne Pebie laanee lɛ yaa oo!”

1 Samoɛl 2:1

Anee Hana jam Korowii ŋɔ, “N Naa Korowii, he ɡelɔ n sie lɛ kohona, n sie lɛ waa haa ɛa wa! He ɡelɔ n sie lɛ mɛɛ mamɛ n dɔma, lɛɛ haa lɛɛ mɛ la wa.