Aesaya 11:4 - mzwDBL

⁴ Ŋwɛnɛ waa toɡra taa wɛɛ ba cheɡa, dɛɛ bol nɛra aa hiah ba wa, dɛ́ pa bole, kasinteŋii wɛɛ ba kpɔe dɛ́ bol harɛ nɔ ta nyaara waa tɛɛ ba. O nyoa wobolee wɛɛ ba kpɔe tɛr nɛn deŋne, waa waa bol la ɛɛ kpoo wechɔɡ-ɛɛraa.

Aesaya 11:4 Iomraidhean Croise

2 Samoɛl 8:15

Kooro Devid di kora Israel harɛ bwa, dɛ nyiŋi o nɛra waa aa toɡra ne kasinteŋ ne.

Job Tɔn 15:30

Sewaa chɛ kɛ bá sewɛ. Baa ɛo kɛŋɔ daa nii aa fuh o kpala, peu ta kpɔ o fee kaa ken.

Job Tɔn 4:9

Korowii bandia do kɛŋɔ dompeu, o hwee ta ba nɛɛ ba serewe.

Yela 110:2

Korowii ɛɛ tɛɛ kpeɡrii Saayɔn, ásɛ he di kora he dɔma baa bare cheme nɛ.

Yela 18:8

Ninchuu le o mebɔɔne bini, ninlao aa dɛ chɔɡ kwaa le o nyoa, ninhɔla aa dɛ fuh kwaa ɡe ɛɛ le o nyoa.

Yela 2:9

Hɛɛ di kora ba nɛɛ kpeɡri ne, hɛɛ pɔ ba nɛɛ dɛ́ ɛɛ ba kɛŋɔ, ba yon paɡre vii burbur la ken.’ ”

Yela 76:10

Kasinteŋ, he baah di nɛra nɛ aa, a ɡelɔ baa kpɛɛre. Banɔ la baa le he bandia nyoa la, ba dɛ nyiŋi ba te kɛrɛdɛ.

Aesaya 1:17

dɛ́ do sie wedɛɛɡa ɛɛ ta! Hɛ́ɛ teŋɛ kasinteŋ ŋwɛnɛ ta, dɛɛ cha nɛra baa dɛ ɛɛ ba hɔhɔrɔwa. Hɛ́ɛ bol bilalbii ne luhaahna waa dɛɛ tɛɛ ba.

Aesaya 13:11

Korowii ŋɔ, “Mɛɛ ba chɔɡ harɛ nɔɔ. Mɛɛ tɛr wechɔɡ-ɛɛra deŋnee ba wedoŋa wa, dɛ́ ɡel ɡɔɔra nɛra aa dɛ ɡɔɔ ba te la teŋe. Dɛ́ ba banɔ la baa dɛ ɛ mbarafo la ɡe ne harɛ.

Aesaya 14:30

Nɛra baa nyaa kohona ɛɛ dɔ kwaa dɛɛ di, ásɛ banɔ la ba soɡa bini aa kpeɡa tɛɛ ba ɡe dɔ bɔr chɔ bosɔɔhna ta, komɛlbwa aa ban ɛ. Kɛ he Filisti tena te, lɔree mɛɛ ba kpɔe kpoo heyaa he mun he harɛ la ta. He bini bɛlbwa aa kae ba.

Aesaya 16:5

Baa cheɡ kora bɛlee, Kooro Devid naa dɛɛ ba o ta soɡa. Kasinteŋ ne nɛnnyin nee wɛɛ ba o kara dii, dɛɛ pa bole aŋwɛnɛ ta. Waa waa aa toɡra habɔɔ ta.

Aesaya 2:4

Wɛɛ bol harɛre nɛra waa dɛ́ pa bole, dɛ́ kwaa ba baah. Baa beɡre ba kerii a ɛ para, dɛ́ beɡre ba lampeare ɡe ɡoori. Harɛre nɛra aa dɔŋaa yo, a ba ɛ kɛŋɔ baa hweli laa waa kpa.

Aesaya 26:6

Nɛra baa dɛ fiɡ ba, ne nyaara ɛɛ valɛ o taa, dɛ́ tiɡru do harɛ.

Aesaya 29:19

Nɛŋɡwɛɡra sie ɛɛ berɔɔ lɛ Korowii waa ta ja, nyaara hɛɡre Israel Nɛŋɡoroŋ la wa.

Aesaya 3:14

Korowii dɛ ba o nɛra nomonome ne ba sitɔɔla waa bola dɛ́ pa bole. O ŋɔ, “Heyaa he n daa koo. Heyaa pa nyaara kwaa le ba be kɛŋɔ laa ta kwa, dɛ kpɔ su he be deene.

Aesaya 30:28

O hweera do kɛŋɔ nee waa dɛ palɛ dɛ su tel baŋa ta la. O dɛ ɡboo harɛre nɛra kɛŋɔ baa dɛ ɡboo kwaa la ken, dɛ́ chɔɡ ba. Gɛ baa kpɔ kabaɡrare do jaaɡɔ nyoa dɛɛ beɡro la, ɡɛɛ wɛɛ ba harɛre nɛra beɡra le waa baa maɡla bil la ta.

Aesaya 30:31

Korowii taa la ɛɛ ɡeloo Asiiria tena bwara hɛlɛ, wɛɛ kpɔ o koodaŋɡbalaa lɔ ba bil.

Aesaya 30:33

Korowii kwaa bobɛl cheɡ tɛ Asiiria koojen saŋ bɛl biɡri, dɛ́ fuuh. O ɛ nimar bɔr o do luŋri dɛ do paɡri, ba pa damara bil a daŋɛ chɔ. Korowii hweera ɛɛ ɛo kɛŋɔ nii ne jebɔrɔwe ken, dɛ́ ba jo daa la ta a fuh.

Aesaya 32:1

Hé no! Kooro bɛl ɛɛ bao, dɛ́ ba di kora waa aa toɡra ne, o nomonome ɛɛ kpɔ kasinteŋii dɛɛ nyiŋi waa ta.

Aesaya 32:7

Nɛn waa dɛ neɡre nɛra ɛ nɛnchɔɡe, wechɔɡa liiree wɛɛ lii, dɛ che neɡra ta dɛɛ chɔɡ nyaara ba wa aa suma, dɛɛ tɔ ba kasinteŋ ŋwɛnɛ.

Aesaya 33:22

Korowiirii dɛ́ bol ya wa, onee do Mmarare dɛɛ tɛ yaa, dɛ́ ɛ ya kooro. Onee dɛ́ lɛ yaa.

Aesaya 40:7

Dɛkalkɛ Korowii ta peu dɛɛ ta a ta, kpɔɡa dɛ sewɛ, a fee ɡe ɛɛ lee. Nɛwɛnyini do kɛŋɔ kpɔɡa, kpela.

Aesaya 49:2

O ɡelɔ n nyoa wobol do nyɛɡre kɛŋɔ naŋɡɔse ken, dɛ kpɔ o nɔn tɔ n nɛ, dɛ ɛɛ mɛ kɛŋɔ hɛm waa nyɛɡa, dɛ́ kpɔ mɛ ɛ toma ken.

Aesaya 61:1

Nemenɛ Korowii Doma la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ larawe nɛra ba bambile aa chɔɡa bwara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba lɛɛ balɔ.

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Jeremia 33:15

A ɡɛ tɔpera la, mɛɛ ɡeloo Kooro Devid naanar bini nɛn o wa aa toɡra ir, dɛ́ kpɔ waa aa toɡra ne kasinteŋ ba harɛ la ta.

Jeremia 5:28

Baa di kondɛɛɡa vaɡɛ dɛ je nomanta, ba wechɔɡa ta jaɡa dɔe. Baa bilalbii waa bolɛ dɛɛ tɛɛ ba, baa kasinteŋ bol dɛɛ cha nyaara ɡe.

Hosia 6:5

A waa n tomɛ n keamere he be, waa bola dɛ́ pa bole ne he kpoora wa. N waa bola dɛ́ pa bole do kɛŋɔ bwaala aa nyɛɡla ken he nɛ.

Sefania 2:3

He nɛra haa pwɛr he te dɛ do harɛ nɔ ta, hé charɛ he liire dɛɛ no Korowii wa. Hé ɡel he waa toɡre, dɛ́ ba he te ne harɛ o sie, o ken ɛɛ lɛ heyaa, waa wola he deŋnee tɛr kpa, awola o bwaawee aa ir nɛra nɛɛ la.

Malakae 4:6

Wɛɛ berɔ ɡel nyopɛo ba mɛɛnanar ne ba bii baah ta, dɛ ɡɛ laa tenaa, mɛɛ ba taah harɛ laanee ó chɔɡ.”

Matiu 11:5

Hé ŋɔ o be ŋɔ nyoŋa dɛ na bɔr, boobie ɛɛ valɛ, asɛ nɛra weechɔɡa aa chɔɡ ba bwadabii la ɡe bwara kwaa. Hé ŋɔ o be ŋɔ amumure dɛ no wa, lala ir seo ta, asɛ nyaara ɡe dɔ Amanesoma la dɛɛ no.

Matiu 5:5

Nɛra baa dɛ pwɛr ba te la, ba na som, dɛkalkɛ Korowii nyobaɡa la, banee o baɡɛ tɛ.

We-ɛɛla 9:1

Dɛ Sɔɔl ta swɛɛ siwi dɛɛ aah Yeesu habɔteŋra la ŋɔ wɛɛ kpo baa. O la Sɔfonomoa be

2 Kɔrent 10:1

Men Pɔɔl, n dɛ soŋe heya. Ba ŋɔ n lɔ he be naa, n pwɛre, kɛ n le he be te naa, n waa kpeɡri. N dɛ soŋe heyaa kɛŋɔ hé nyiŋi ɡɛ Yeesu Kristo aa pwɛra o tea do som la,

Galaasia 5:23

ne pwɛre doe, dɛ ɡel nɛn won o te lawa. Harɛ bɛlbwa toole dɛ ki a ɡɛ waa nɔ.

2 Tesalonika 2:8

Dɛ kon waa tɔa ŋwɛnɛ la baa le aa, belaa Wechɔɡa Te la ɛɛ ba bochaah lee nɛra jemɔ. Kɛ ya Dɔɔ Yeesu Kristo bala jirima ne o nyoa peu ɡbo kwara ɛɛ won kpoo buɡ ta.

Taetos 3:2

Ŋɔ ba be ba bɛ nɛra bwara wechɔɡe dɛɛ bol, ba bɛ dɛɛ naɡre, báa pwɛr ba te, dɛɛ tɛ nomɛlbwa duure kɛrɛdɛ.

Jems 3:13

He bini umee ɛ wejereme dɛɛ no waa mun ɔ? Gel o pwɛr o te dɛɛ ɛ wedɛɛɡa, ásɛ o da baɡle kɛ o ɛ wejereme.

Wepila 1:16

O kpoŋe weweela anuanɛ o nɔndiɡ ta, asɛ tokobijen sie anɛ te waa nyɛɡa ɛɛ le o nyoa. O siebɔr ɡe dɛ nyɛɡle kɛŋɔ wee aa dɛ lɔ kpeɡri nɛɛ la.

Wepila 19:11

Asɛ n na kɛŋɔ nyundua aa pila, jaaɡɔpoŋ bɛl le. Nɛn waa soɡe o ta la, ba dɛ yerɔ Kasinteŋ Te, o waa do Goroŋ. O dɛ bol nɛra waa kasinteŋ ne, dɛɛ yo laa aŋwɛnɛ ta.

Wepila 19:15

Asɛ tokobii waa nyɛɡa ɛɛ le o nyoa, o kpɔ dɛɛ ba harɛ ta nɛra bwa yoi, dɛ́ pɔ ba nɛ. Wɛɛ nyiŋi ba nɛɛ kpeɡri ne aŋwɛnɛ taa, dɛ́ ɛɛ ba kɛŋɔ baa dɛ sa daa nɔna baa kpɔa dɛɛ ɛ sen ta a nee ɛɛ le la. Korowii Waa Ɛ Kpeɡri Bwa Dɔɔ bandiaa a nee la.

Wepila 2:16

Anomanta, hé charɛ he liire, dɛ́ le he wechɔɡa ta. Dɛ ɡɛ laa aa, mɛɛ ba he be waranee, dɛ́ ba kpɔ tokobii la waa lɔ n nyoa la, dɛ́ yo he banɔ la haa dɛ teŋɛ Nikolai tena webaɡla la ta la.