Aesaya 11:3 - mzwDBL

³ Korowii duuraa dɛ́ lɛ o sie. Waa nɛra siebɔree nyiŋi dɛ́ pa bole, waa nɛra wobol taa teŋɛ dɛ́ pa bole.

Aesaya 11:3 Iomraidhean Croise

2 Samoɛl 14:17

N berɔ lii ja kɛŋɔ, hɛɛ ɡeloo n dɔ bosɔɔhna, dɛkalkɛŋɔ he do kɛŋɔ Korowii torome, he jemɛ wechɔɡa ne wedɛɛɡa. Korowii haa dɛ tomɔ la ja he nɛ.”

2 Samoɛl 14:8

Ate, kooro ŋɔ haah la be ŋɔ, “Kaa dem, mɛɛ nyiŋi waa la binii dɛ́ bol tɛɛ.”

1 Koranar 3:28

Israel tena bwa aa no ɡɛ Kooro Solomɔn aa pa bole la, a ɛɛ ba nyokpoa, ba na kɛŋɔ Korowiirii tɛo wejema o kpɔ pa bole aŋwɛnɛ ta la.

1 Koranar 3:9

Anomanta, tɛ men maa ɛ he bonɔɔ nɔ wejema, dɛ́ ɡel n jemɛ wechɔɡa ne wedɛɛɡa. Ɛrɛɛ n ɡbo ɛɛ ba wona nyiŋi he nɛra baa wara ken nɔ nɛɔ?”

Job Tɔn 12:11

Gɛ kondikwa aa dɛ do nyondoŋe som, asɛ wobol ɡe ɛɛ do deŋne som la,

Job Tɔn 34:3

Deŋnee dɛɛ no wa, asɛ nyondoŋe ɛɛ daɡɛ kondikwa.

Sɛɡla 2:5

a taa hɛɛ ba cheɡa dɛ́ jemɛ Korowii ɔma mun, dɛ́ berɛ jemɔ kɛrɛdɛ.

Sɛɡla 2:9

Dɛ he no n be naa, hɛɛ jemɛ waa aa ɛ kasinteŋ dɛ do wer, ne anɔ la aa toɡra. Dɛ́ berɛ jemɛ waa aa chɛ kɛŋɔ hé ɛ.

Aesaya 33:6

Wɛɛ ɛo kɛŋɔ dea mumpar waa kpeɡa dɛ tɛ heyaa he saŋ, dɛ́ lɛ heya dɛ́ tɛ heya wejema ne waa mun noe kohona saŋ bɛlbwa. O ɔma taa hɛɛ ba cheɡa, dɛ́ dɔ ɡɛ waa nɔ bwa.

Ɛsekeɛl 45:8

Gɛ harɛ nɔɔ dɛ́ ɛ kooro la kon Israel harɛ ta, ásɛ n koranar aa n nɛraa dɛɛ fiiɡi kpa, dɛ́ tɛ Israel dea bɛlbwa ŋwɛnɛ ó dɔ o harɛ ɡɛ aa chɛa.”

Maeka 4:3

Wɛɛ bol harɛre nɛra waa dɛ́ pa bole, dɛ́ kwaa harɛre nɛra baa kpeɡa baah. Baa beɡre ba kerii a ɛ para, dɛ́ beɡre ba lampeare ɡe ɡoori. Harɛre nɛra aa dɔŋaa yo, a ba ɛ kɛŋɔ baa hweli laa waa kpa.

Amanesoma Luk Aa Chwera Tɔn 2:52

Dɛ Yeesu dɛ kpeɡ dɛɛ jemɛ wa, asɛ o we-ɛɛla ɛɛ lɛ Korowii ne nɛra sie.

Amanesoma Jɔn Aa Chwera Tɔn 2:25

A ta hiaih kɛ nɛn baɡlo ɡɛ nɛwɛnyini aa doa, dɛkalkɛŋɔ o ɡbaɡba jemɛ waa aa lɔ nɛn bambile bini.

Amanesoma Jɔn Aa Chwera Tɔn 7:24

Hɛ́ɛ pese wobɛlbwa kɛrɛdɛ mɔɔ dɛɛ bola. He bɛ ŋɔ waane aa were dɛ he ta a bini nyiŋe.”

Hibru 5:14

Nomonomee dɛɛ di kondikwaa tenten. Banee ɛ waa biɡri, dɛ jemɛ wedɛɛɡa ne wechɔɡa.

1 Samoɛl 16:7

Kɛ Korowii ŋɔ Samoɛl be ŋɔ, “Bɛ o jaŋne ne o wer nyiŋi, o laa mɛɛ nyin, n vɛoh. Kwaa nɛwɛnyini aa dɛ nyiŋi la korɛ anɔ la Korowii aa dɛ nyiŋi ta. Nɛwɛnyini dɛ nyiŋi siebɔr, kɛ Korowii te, nɛn bambile binii wɛɛ nyiŋi.”