Aesaya 10:5 - mzwDBL

⁵ Korowii ŋɔ, “Asiiria tena bwɛɛlɛ! Mɛɛ kpɔ baa ɛ kɛŋɔ n ɡuli maa kpɔ dɛɛ tɛr nɛra n baah aa di ba nɛɛ deŋne.

Aesaya 10:5 Iomraidhean Croise

Mumpar 10:11

Waa le harɛ la ta la, o berɔ kaa Asiiria harɛ ta, asɛ dɛ ka vɔrɔwe bwɛjena ane baa dɛ yera Niniwe ne Rɛhɔbɔt Ir dɛ Kala,

2 Koranar 18:25

He dɛ lii kɛŋɔ Korowii habɔɔ n le dɛɛ ba dɛ́ ba yo he harɛ nɛra nɔ kɛɛ? Korowii ɡbabirii ŋɔ n be ŋɔ, ń ba dɛ́ ba chɔɡ harɛ nɔ.”

2 Koranar 19:25

He ta noɛ kɛ saŋ la bwaa n le vɔrɔwa bil kɛɛ? N tɛɛ kpeɡri he ɡel bwɛɛre danjwɛkpeɡa aa bara kuuɡi, dɛ berɛ dimɡbeeni.

Yela 125:3

Nyubinikpeɡ tena aa won dɛɛ nyiŋi harɛ waa ɛ nɛra ba wa aa toɡra kon ta saŋ bɛlbwa. A ɛ ɡɛ naa, nɛra ba wa aa toɡra laanee bá na kɛŋɔ ba ken ɛ wechɔɡa.

Yela 17:14

N Naa Korowii, che he kpeɡri ta, dɛ́ lɛɛ mɛ le nɛra baa dɔ harɛ nɔ ta liire, dɛɛ nyin ba soɡa bini kwaa la nɔn ta. Banɔ la haa dɛ nyin ba waa la dɔ kondikwaa kohona, ba bii dɔ ane di dɛ́ vaɡɛ, ásɛ ane ka ba naanar ɡe ba dɔ.

Aesaya 10:15

Kpanfɛ ɛɛ won ŋɔ o ɡwaa nɛn waa kpɔɔ dɛɛ teŋe daa aa, kɛɛ saradaa ɛɛ won ŋɔ o ɡwaa naate waa dɛ ɛ o ne toma aa? Guli ɛɛ won ɡɔɔ o te dɛ nɛn laa kpɔɔ waa? Kɛɛ da ɛɛ won ɡɔɔ nɛn aa?

Aesaya 10:25

A ka tamaa ken dɛ n baah sɔɔhnɔ, maa hé deŋnee tɛr kpa, ásɛ dɛ berɛ n bandia ta Asiiria tena ɡe nɛɛ dɛ́ chɔɡ ba.”

Aesaya 13:5

Ba le harɛre jaɡa bojaŋ dɛɛ ba. Bandia nee Korowii ɛɛ ba ba ne, bá ba chɔɡ harɛ la bwa.

Aesaya 14:24

Koranar Bwa Kooro ŋwɛɛrɔ ŋɔ, “Waa maa vɔrɔwa la, anee dɛɛ ba ɛɛ, anɔ la aa dawɛ n sie la ɡee mɛɛ ba ɛɛ.

Aesaya 14:25

Mɛɛ chɔɡ Asiiria tenaa le n harɛ ta, mɛɛ tiɡri ba nɛɛ Israel harɛ bwejena ta, dɛ́ lawɛ n nɛra le Asiiria tena kpeɡri baa dɛ di ba nɛ, kɛŋɔ baa kpɔ daa dawɛ nae anɛ baŋa ta a pɛ dɛɛ ɛ toma la.

Aesaya 23:13

Nyiŋi Babelɔn tena harɛ na, ɡɛ nɛra nɔ fa toole wobɛlbwa bini. Asiiria tena ɡelɔ o berɛ pua hɛŋle ɡbo harɛ ola sobɔr. Ba ma konjaŋa dɛ pɛl danjwɛɛre aa bar bwɛɛre la ta, dɛ che a ta jo, dɛ kuuɡi dekpeɡa bela bwa berɛ dimɡbia.

Aesaya 26:20

Anomanta, n nɛra, hé ka jo he deene, dɛ́ laa ɡbeni tɔ he nɛ. Hé kpɔ he te sɔh tama ka tel kɛŋɔ Korowii baah aa sɔɔhna.

Aesaya 29:2

kɛ Korowii ŋɔ wɛɛ ɡeloo he Jerusalam tena bwara nyɛɡ heya, ásɛ hɛɛ wi dɛɛ dooɡe lɔŋɔre. He bwɛjen la bwa ɛɛ ɛ chalee, kɛŋɔ kon baa kpoo kwaa dɛɛ ɛ saraha o ta.

Aesaya 30:27

Hé no! Korowii sɔn ɔma, o le bojaŋ dɛɛ ba. O baah diu kɛŋɔ nii aa dɛ hɔ ken, chuu ɛɛ le kohona. Bandia ɡboo o wobol bwa, aa fuh o dɔmaa kɛŋɔ nii aa dɛ fuh kwaa ken.

Aesaya 30:30

Korowii ɛɛ ɡeloo nɛra no o taa, dɛ́ jemɛ ɡɛ waa do kan, dɛ́ ɡel ba na o bandia waa dɛ́ ba o ne, dɛ́ ba tɛr ba deŋne. Bandichɔɡe ne nii aa dɛ chɔɡ kwa, ne bwaalachɔɡe ne peu, ne bwaala kɔɡra dɛ dombwea nee wɛɛ ba bala.

Aesaya 30:9

Ba ɛ nɛra baa dɛ lɛ ɡaeh ne nyosonteŋna. Ba ɛ nɛra baa vɛh Korowii waa noe.

Aesaya 34:2

Korowii baah di harɛre nɛra bwa nɛ. O bwaawee iro kohona ba laa tena nɛ. O lee ba cheɡ dɛ́ kpoo ba kwaraa.

Aesaya 66:14

Dɛ he na ɡɛ waa nɔ a chiɡ aa, he sie ɛɛ lɛo, a tɛɛ kpeɡri, ásɛ he jemɛ kɛŋɔ n dɛ cha nɛra baa dɛ no n deŋna wa, dɛɛ baɡle n bandia nɛra baa ɛɛ mɛ dɔm nɛ.”

Aesaya 7:17

Aesaya ŋɔ, “Saŋ bɛl dɛ ba ásɛ Korowii ɡel wekpeɡa ba he ne he nɛra, ne he koodem nɛra nɛ, dɛ́ ɡwaa ɡɛ saŋ Israel tena ne Juda tena aa peɡri dɔŋa baah la. Korowii ɛɛ kpɔ Asiiria koojen ne o laa tenaa bá yo heya.

Aesaya 7:20

Gɛ saŋ Korowii ɛɛ kpɔ Asiiria koojenii kɛŋɔ nɛn waa dɛ fonɛ dɛ le Yufretis Moo baŋ, ó ba fonɛ he nyumpona ne he tampona dɛ he bwara pona bwa.

Aesaya 8:4

Bie la ne kpeɡa dɛ́ jemɛ ‘nya’ ne ‘mɛɛ’ yera la, dɛ Asiiria koojen baa pa Damaskɔs tena kondɔɔh ne Samaria tena laala laa ta kaa.”

Aesaya 8:7

mɛɛ ɡeloo Asiiria koojen ne o laa tena yoo ba. Báa ba ba nɛɛ kɛŋɔ Yufretis Moo aa sua bɔle o diŋɡoŋni bwa ta,

Ɛsekeɛl 22:31

Mɛɛ kpɔ n banfuih ba ta ba nɛɛ kohona, dɛ́ chɔɡ ba, ba waa baa ɛa la wa. Men Nemenɛ Korowiirii bola.”

Ɛsekeɛl 7:10

Tɔpere la telo, o pu heyaa tonɛ. He dachɔɡe do kɛŋɔ kwaa haa dua, a dɛ le, daŋɡbala la dɛ moɡɛ. He lwɛmkpeɡ la feɔ.

Daneɛl 11:36

Siiria kooro la ɛɛ ɛ ɡɛ waa dɛ nyinii, dɛɛ ɛ mbarafo, dɛɛ ɡɔɔ o te ŋɔ o ɡwaa voɡ bɛlbwa, hale Nemenɛ Korowii waa kana la. Wɛɛ ɛ ɡɛ waa nɔ bwaa ka tel saŋ Korowii aa tɛr o deŋne. Korowii ɛɛ ɛ waa waa bola ŋɔ wɛɛ ɛo laanee.

Neehum 1:1

Waa aa chiɡ bwɛjen Niniwe, Korowii bol baɡle Neehum waa le Ɛlkɔs chaahna ta, asɛ o chwerɛ bil laanee nɔ.

Habakuk 1:12

N Naa Korowii, saŋ la bwa laa he le ɛ Korowii aa? Henee Korowii maa dɛ tomɛ, Korowii haa do ɡoroŋ la. N Naa Korowii, he le Babelɔn tena, dɛ tɛɛ ba kpeɡri ŋɔ bá ba tɛr ya deŋne, kɛ he do kɛ Bwetal dɛ kpɔ nɔn dɛɛ tɔ ya nɛ.

Sefania 2:13

Korowii ɛɛ che o kpeɡri taa, dɛ́ chɔɡ Asiiria harɛ, ásɛ o bwɛjen Niniwe chɔ pɛɛ, dɛ́ berɛ pua hɛŋle ɡbo harɛ, nee aa wola o taa do.

Nɛra Kura 24:24

Stiimaere ɛɛ kpɔ nɛraa le Saepros harɛ taa ba, dɛ́ ba lɔ tɔ Asiiria tena ne Iba tena nɛ. Saepros tena ɡe kwara ɛɛ heo.”