Aesaya 10:4 - mzwDBL

⁴ Wobɛlbwa toole hé ɛ kpa, nemenɛ hé ja nɛra baa laɡ ba laa ta, kɛɛ banɔ la baa ka kpoo la nɛ. Anɔ nɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 10:4 Iomraidhean Croise

Aesaya 22:2

Akwe! Lɔŋɔre ɡbo bwɛ, bwɛjen ɡbɔɡa ne silɛɛ aa sui. Kere laa ba kpɔ kpoo heya, laa ta ɡe laa he ka.

Aesaya 24:22

Korowii ɛɛ lawɛ koranaree pɛ do dea, kɛŋɔ ba yon lawɛ wechɔɡ-ɛɛra dɛɛ do dea la, ásɛ a ba dɛ la sie ó tɛr ba deŋne.

Aesaya 34:3

Baa ban huɡe, baa paa baa ta, ásɛ ba sɔɔh tɔ bɔr bwa koŋkoŋkoŋ ken, ba chale ɛɛ palɛ bwejena dor bobɛlbwa.

Aesaya 5:25

Anɔ bwa ɡelɔ Korowii baah di o nɛra nɛ, o ir nɔn dɛ́ tɛr ba deŋne. Bwejena ɛɛ jiɡruu, ásɛ nɛra baa serewe la lala chɔ fɔɡbaahna kɛŋɔ haahra ken. Anɔ bwa habɔɔ o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 66:16

Nii ne laalee wɛɛ ba kpɔe tɛr harɛ nɔ nɛra bwa deŋne. Nɛra waa kpoo ba ɛɛ warɔɔ taeh.

Aesaya 9:11

Korowii ɛɛ ɡeloo Israel tena dɔma baah di bá ba yoo ba.

Aesaya 9:12

Siiria tena le wee leebɔr, ásɛ Filisti tena ɡe le wee cholibɔr, dɛ́ ba haah Israel tena pɛ dɛ́ laɡ ba lile. Anɔ nɔ bwa habɔɔ Korowii baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 9:16

Nɛra baa tɔ nɛra la sie la, ɡelɔ baa koni, dɛ ɡel banɔ la baa teŋɛ ba nɛɛ la ɡe nyoɡre kwaraa.

Aesaya 9:17

Anomanta, Korowii sie aa ba bini bonɔɔna nɛɛ lɛɛ ba, hale waa bilalbii ne luhaahna kwaraa sum nae ba, dɛkalkɛŋɔ ba bini bɛlbwa aa o waa ta teŋɛ, dɛ ɛ wechɔɡ-ɛɛra, ba wobol aa were. Anɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 9:20

Baa kah kondikwaa nɔndiɡ ne ɡal bwa nee dɛɛ di, kɛ baa vaɡɛ, hale dɛ́ larawe ba biirere chwe.

Aesaya 9:21

Manasɛ dea nɛra ɛɛ yo Efrem dea nɛraa, ásɛ Efrem dea nɛra ɡe yoo ba, a ɡɛ deene anɛ nɔ ɛɛ pɛo dɛ́ yo Juda dea nɛra. Anɔ nɔ bwa habɔɔ, Korowii baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Jeremia 15:2

Asɛ dɛ ba bɔɔre ŋɔ, ‘Leperaa yaa ba kaala aa,’ hé ŋɔ ba be ŋɔ waa Korowii aa dɛ bol laanee nɔ, ‘Weechɔɡaa dɛ́ kpoo bane, baa kpoo bane ɡe laa taa, ásɛ lɔr kpoo bane ɡe, mɔɔ ba lawɛ bane laa ta kaa bojaŋ harɛre ta.’

Jeremia 37:10

Hale dɛ he wono pɔ Babelɔn laa tena bwa nɛ, asɛ a ka banɔ la baa do ba bola ɡbo ba chɔ ba tɛnte deene bini kwaraa naa, baa iruu le dɛ́ ba fuh bwɛjen nɔ bwa.”

Jeremia 4:8

Hé kpɔ lweyale tɔ, dɛ́ wi dɛ́ɛ dooɡe lɔŋɔre, dɛkalkɛ Korowii bandia kohona la ta ya nɛɛ leɛ.

Hosia 9:12

Ba loɡlɔ kwaraa naa, mɛɛ ɡeloo ba di biseo, beŋkpoŋ kwaraa aa wola ka. Dɛ n laa n te kpɔ ba nɛ aa, bá bwɛɛlɛ.

Lewi Dea Tena 26:17

N sie ɛɛ beɡre he nɛɛ, dɛ́ ɡel he dɔma pɔ he nɛ, dɛ́ɛ nyiŋi he nɛ. Ɔmee kohona nomanta, hɛɛ dɛɛ chwaaɡoo dɛ nomɛlbwa aa heyaa doŋi.

Mmarare 32:30

Dɛ Korowii waa ɛ he Bwetal dɛɛ lɛ heyaa la laa le he habɔɔ aa, ɛrɛɛ nɛmbeŋkpoŋ fe ɛɛ ba wona doŋi nɛra kaɡboŋ, kɛɛ nɛra banɛ won doŋi nɛra kaɡboŋa fiɔ?