Aesaya 10:2 - mzwDBL

² Ba laa nyaara waa sie dɛɛ berɛ, dɛ laa nɛra baa lɔ wahala ta waa dɛɛ ɡole, dɛ lɛ luhaahna kwaa dɛɛ le ba be, dɛ berɛ dɛɛ kah bilalbii ɡe kwa.

Aesaya 10:2 Iomraidhean Croise

Job Tɔn 31:16

Dɛ n vɛh nyaara pɛla kwaa kpɔe dɛ tɛɛ ba, kɛɛ dɛ ɡel luhaana hwɛɡa ta pɛɛ,

Yela 94:6

Ba dɛ kpoo luhaahna ne bilalbii, dɛɛ kpoo nɛŋhɔɔhra baa soɡe ya harɛ ta.

Kaala 23:6

He bɛ nɛn nyae waa koh dɛ́ pao bolchɔɡe kɔɔto.

Sɛɡla 22:22

Bɛ he dɔŋ nyae waa koh dɛ́ ɛɡro lɛ komɛl. Bɛ o nɛɛ nya, ásɛ dɛ bol waa bɔɔ kɔɔto.

Sɛɡla 30:14

Nɛra bane dɔ kpeɡri dɛ kpɔ dɛɛ fiiɡi nyaara ne nɛŋɡwɛɡra, dɛɛ lɛ kwa, a ɛ ŋwɛnɛ baa kpɔa so, dɛ́ chɔɡ ba le nɛra bini.

Aesaya 1:17

dɛ́ do sie wedɛɛɡa ɛɛ ta! Hɛ́ɛ teŋɛ kasinteŋ ŋwɛnɛ ta, dɛɛ cha nɛra baa dɛ ɛɛ ba hɔhɔrɔwa. Hɛ́ɛ bol bilalbii ne luhaahna waa dɛɛ tɛɛ ba.

Aesaya 1:23

He nomonome kpaŋe n nɛ, dɛ berɛ ka kpɔ ŋwɛɛra ɛ ba chamene tena. Ba dɛ nyin kɛ nɛra ɛɛ yaɡ ba sen, dɛ berɛ dɛɛ teŋɛ koŋkɛɛla ɡbo ta. Baa bilalbii waa bolɛ dɛɛ tɛɛ ba kɛrɛdɛ, ɡɛɛ baa wola sie do luhaahna waa ta.

Aesaya 29:21

Wɛɛ chɔɡ banɔ la nɛra aa che ba wobol ta dɛ́ ɛ wechɔɡa, ne banɔ la baa ɡela nɛra baa bol waa dɛɛ pa bole wili, ne banɔ la baa cheɡɛ nyosone ŋwɛnɛ ta, dɛɛ pa nɛra baa di bolsom bolchɔɡe.

Aesaya 3:14

Korowii dɛ ba o nɛra nomonome ne ba sitɔɔla waa bola dɛ́ pa bole. O ŋɔ, “Heyaa he n daa koo. Heyaa pa nyaara kwaa le ba be kɛŋɔ laa ta kwa, dɛ kpɔ su he be deene.

Aesaya 3:15

Ɛrɛɛ hɛɛ ɛ ɡɛ nɔɔ? Haa kɛrɛdɛ ɛ ɡɛ haa dɛ fɔɡɛ n nɛra, dɛ pa nyaara kwa, dɛ lawɛ ba sie dɛɛ teɡɛ harɛ nɔ. Men Korowii, Koranar Bwa Kooroo ŋɔa.”

Aesaya 32:6

Dɛkalkɛŋɔ ɡɛne te dɛ bol ɡɛnewa, dɛɛ lii wechɔɡa dɛ́ ɛ. Waa waa dɛ ɛ ne anɔ la waa dɛ bol bwa ɛ Korowii bwara wechɔɡe. O dɛ vɔmɛ nɛn lɔr aa dɛ kpoo kondikwa, dɛɛ vɔmɛ nɛn nyɔɡre aa dɛ kpoo ne.

Aesaya 5:23

Hé bwɛɛlɛ, he banɔ la wechɔɡ-ɛɛra aa dɛ yawɛ heyaa sen hɛɛ ta ba, dɛ́ yon pa bolsom te bolchɔɡe la.

Aesaya 5:7

Koranar Bwa Kooroo dɔ daa koo la, asɛ koo la che tɛ Israel tena. Daa la cheɡɔɔ tɛ Juda tena, banee daa waa chɔɔra o sie lɛ a ta la. O fe dɛ nyin kɛ baa ɛ waa aa wera, asɛ ba berɛ dɛɛ kpoo nɛra. Dɛ o dɛ nyin kɛ baa ɛ wedɛɛɡa ɡe, kɛ nɛra baa dɛ fiɡ ba wii wɛɛ no.

Aesaya 59:15

Anomanta, kasinteŋ tonɔ, dɛ ɡel nɛra baa laa ba te dɛɛ kpɔ wechɔɡa ta la, nɛra berɛ hah ba.” Korowii na ɡɛ, asɛ o sie ta lɛɛ kɛŋɔ kasinteŋ aa wola toole la.

Jeremia 7:6

Hé ɡel hɔɔhra ne bilalbii dɛ luhaahna fiiɡa. Hé ɡel nɛra baa wola wechɔɡa bɛlbwa ɛɛ dɛ so he bini la kpoora, dɛ́ ɡel voɡare ɡe toma, a ɡɛ ɛɛ won chɔɡ heya.

Wiile 3:35

dɛ tɔ ba waa baa dɔa kɛ ba ɛ ŋwɛnɛ Nemenɛ Korowii sie,

Ɛsekeɛl 22:7

Nomɛlbwa toole bwɛjen la ta dɛɛ duu o nya ne o mɛɛ. Ba dɛ faah nɛŋhɔɔhra, baa luhaahna ne bilalbii ɡe waa lii.

Emɔs 2:6

Korowii ŋɔ, “Israel tena teŋɔ dɛɛ ɛ wechɔɡa, a chɛ kɛ ń tɛr ba deŋne a wa. Ba yoɡ nɛra ba wa aa toɡra, dɛ di kema baa wola won bɔ la. Ba lɛ suuɡapoŋa ba ka ɛ yoma, dɛ yoɡ nyaara baa di kema, kema la suuɡa aa wola won yawɛ naŋɡawa ɡba.

Emɔs 2:7

Ba tiɡri nyaara dɛɛ do harɛ kɛŋɔ teera ken, dɛ vɛh nɛra baa dɛ fiɡ ba waa bola dɛ tɛɛ ba aŋwɛnɛ ta. Mɛɛ ne o bie bwa pɛ hahbeŋkpoŋ, dɛ kpɔ doŋa kah men Korowii sɔn waa do ɡoroŋ la.

Emɔs 5:19

Aa ɛo kɛŋɔ nɛn aa dɛ chwa nyujente dɛ ka cheme sisire ken. Aa doo kɛŋɔ nɛn aa jo o dea dɛ kpɔ nɔn dawɛ danjwɛɛ ta, asɛ harɛkon domɔ.

Maeka 3:1

Asɛ men Maeka berɛ ŋɔ, “Israel nomonome, ne sitɔɔla haa lɔ Israel, hé no. Heyaa chɛ kɛ hé jemɛ waa aa toɡra dɛ do wer,

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Matiu 23:13

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa!