Aesaya 10:1 - mzwDBL

¹ Nɛra baa dɛ do mmarare aa wola aŋwɛnɛ ta ɛɛ, ne mmarakpeɡa dɛ́ fiiɡi nɛra la, ba bwɛɛlɛ.

Aesaya 10:1 Iomraidhean Croise

1 Koranar 21:13

Nyosonteŋna banɛ la baa so ba ne o sie chaɡɛ dɔŋa, ba haŋɛ o nyoa nɛra la bwa baah ta kɛŋɔ o taah Korowii ne kooro la. Anomanta, ba lawɔ le bwɛjen la ta dɛ ka foɡro bwea kpo.

Yela 58:2

Akai, wechɔɡa haa lii dɛ́ ɛa ɡboo lɔ he bambili bini, waa aa ba naɡra ne ɡboo hɛɛ ɛ harɛ la ta.

Kaala 23:3

He bɛ nomɛl nyae waa koh dɛ́ sune o nɛɛ kɔɔto.

Kaala 23:6

He bɛ nɛn nyae waa koh dɛ́ pao bolchɔɡe kɔɔto.

Aesaya 29:21

Wɛɛ chɔɡ banɔ la nɛra aa che ba wobol ta dɛ́ ɛ wechɔɡa, ne banɔ la baa ɡela nɛra baa bol waa dɛɛ pa bole wili, ne banɔ la baa cheɡɛ nyosone ŋwɛnɛ ta, dɛɛ pa nɛra baa di bolsom bolchɔɡe.

Aesaya 3:11

Wechɔɡ-ɛɛra bwɛɛlɛ! Aa do kpeɡrii tɛɛ ba taeh. Waa ba ɡbaɡba aa ɛa la kembɔree baa ba dɔe.

Aesaya 3:14

Korowii dɛ ba o nɛra nomonome ne ba sitɔɔla waa bola dɛ́ pa bole. O ŋɔ, “Heyaa he n daa koo. Heyaa pa nyaara kwaa le ba be kɛŋɔ laa ta kwa, dɛ kpɔ su he be deene.

Aesaya 5:11

Hé bwɛɛlɛ, he banɔ la haa ira chɔmbibi dɛɛ ti sen, he banɔ la haa dɛ were sen mun ka tel kɛŋɔ haa dɛɛra.

Aesaya 5:18

Hé bwɛɛlɛ, he banɔ la haa cheɡɛ nyosone ŋwɛnɛ ta, dɛ tɛɡre wechɔɡa dɛɛ teŋɛ he nɛ, he banɔ la haa kpɔ he bokpeɡa dɛɛ ɛ nyubinikpeɡ kɛŋɔ baa do nao ɡboɡbii dɛɛ tɛr la.

Aesaya 5:23

Hé bwɛɛlɛ, he banɔ la wechɔɡ-ɛɛra aa dɛ yawɛ heyaa sen hɛɛ ta ba, dɛ́ yon pa bolsom te bolchɔɡe la.

Aesaya 5:8

Hé bwɛɛlɛ, he banɔ la haa yawɛ deremi dɛɛ ja deremi ta, dɛ berɛ yawɛ kooni dɛɛ ja kooni ta, dɛ ka tel kɛŋɔ bɔr aa wola lee do tɛ he bala, asɛ he ɡbo lɛ harɛ dɔɔh dɛ so.

Aesaya 59:13

Ya ɛ deŋnekpeɡ, dɛ berɛ habɔɔ kpoe, dɛ vɛh he nɛɛ teŋa. Ya fiiɡi ya dɔŋa dɛ berɛ habɔɔ kpoe. Ya liire ne ya wobol bwa ɛ nyosone.

Aesaya 59:4

Nomɛlbwa ta kasinteŋ ta cheɡɛɛ dɛ kpɔ o dɔŋ la kɔɔto bwa. Nyosone ɡbo taa he che dɛɛ di bole. He dɛ vɔrɔwe vɔrɔwa dɛ́ chɔɡ bane.

Jeremia 22:13

Nomɛlbwa waa wola ŋwɛnɛdɛɛɡe ta kpɔe dɛ ma o koodem la, o bwɛɛlɛ. O cheɡɛ neɡra ŋwɛnɛ ta, dɛ paɡri o nyundua deene, dɛ ɡel o harɛ nɛra ɛ toma pɛɛpɛɛ, o ta ban kem bɔe.

Emɔs 2:7

Ba tiɡri nyaara dɛɛ do harɛ kɛŋɔ teera ken, dɛ vɛh nɛra baa dɛ fiɡ ba waa bola dɛ tɛɛ ba aŋwɛnɛ ta. Mɛɛ ne o bie bwa pɛ hahbeŋkpoŋ, dɛ kpɔ doŋa kah men Korowii sɔn waa do ɡoroŋ la.

Maeka 6:16

He teŋɛ Kooro Omri mmarare, ne o bibaa Kooro Ahab dem tena wedoŋa baa ɛa ta, ba we-ɛɛla la taa hɛɛ teŋɛ. Anomanta, mɛɛ chɔɡ heyaa, ásɛ harɛre nɛra mamɛ heya.”

Habakuk 2:12

Nomɛlbwa waa cheɡɛ nɛŋkpoa kɛɛ wechɔɡa ta dɛ vɔrɔwe bwɛjen la, ó bwɛɛlɛ.

Habakuk 2:15

Babelɔn tena, he bwɛɛlɛ! He tɛ he bala sen ba nyɔ dɛɛ, dɛ chɔ mumɡbal dɛ di sihiih.

Habakuk 2:19

Nɛn waa ŋɔ dakpul be ŋɔ ó dɔ mkpa, kɛɛ dɛ ŋɔ bwe waa wola hweera dɔe be ŋɔ ó ir la, ó bwɛɛlɛ! Wɛɛ won baɡle wa aa? Suuɡaswɛm ne suuɡapoŋee ba kpɔ fɔɡle o bwa, o ta hweera bɛlbwa dɔe.

Habakuk 2:6

Nɛra Babelɔn tena aa pɔ ba nɛɛ la ɛɛ mam baa dɛ́ ŋɔ, ‘Hé bwɛɛlɛ, kɛ haa cheɡ kwaa aa wola he kwaa ɛɛ, dɛ kpɔ nɛnfaah kwaa ɛ kondɔɔh nɔ. Saŋ besoo hɛɛ ba ɡɛ waa nɔ ɛɛ ka jaɡɔɔ?’

Habakuk 2:9

Nomɛlbwa waa cheɡɛ ŋwɛnɛchɔɡe ta dɛɛ nyin kondɔɔh dɛ́ tɛ o nɛra, dɛɛ nyin bodɛɛɡe dɛ́ so, ásɛ nomɛlbwa bɛ won tel o be dɛ́ chɔɡo la, ó bwɛɛlɛ.

Matiu 11:21

“Korasen tena, hé bwɛɛlɛ. Hɛɛ na waa taeh! Bɛtsaeda tena, hé ɡe bwɛɛlɛ. He ɡee na waa taeh! Nyokpowaa nɔ maa ɛa he bini nɔ, dɛ Taaya ne Sidonee n fee ɛa nɔ naa, ba fe charɛ ba liire le ba wechɔɡa ta biɡri, dɛ tɔ lweyale dɛ kpɔ tɔɔ fɔɡɛ ba bwara bwa.

Matiu 23:23

Hé bwɛɛlɛ, he Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa! He kondiili do tamaa ɡɛ bɛlbwa naa, he won a bini pera bɔre fi dɛ́ kpɔ bɔrbeŋkpoŋ aa ɛ Korowii kwaa la ka tɛo, ɡɛ Mmara la aa baɡla la, kɛ dɛ ɡel Mmara la bini waa aa tɔ sie dɛɛ baɡle ŋɔ hɛ́ɛ di kasinteŋ, dɛ́ɛ na nɛra sum, ásɛ dɛ ɡel nɛra ɛɛ yarada heyaa la te. Gɛ waa nɔɔ chɛ kɛŋɔ hɛɛ ɛ, dɛ́ ja anɔ la haa dɛ ɛa la ta.

Matiu 23:27

Hé bwɛɛlɛ, Tɔnjerema ne Farisii tena, nɛra haa dɛ nyiŋi nɛra sie mɔɔ dɛɛ ɛ wa! He do kɛŋɔ ŋwam baa teɡɔ wɛɛ nyɛɡle. O nyundua la ɡboo wera, kɛ o bini te, hoɡa ne kompɔɔhla ɡboo.

Matiu 23:29

Hé bwɛɛlɛ, Tɔnjerema ne Farisii tena, nɛra haa nyiŋi nɛra sie mɔɔ dɛɛ ɛ wa! Heyaa yon kwaa bela baa huɡe Korowii keamere a do wer. Nɛndɛɛɡa baa serewa la ɡe, he yon kwaa ba ŋwama a do wer ken,

Matiu 26:24

Men Nɛn Bie nɔ ɛɛ sewɔɔ ɡɛ Korowii Tɔn aa dɛ baɡle la, kɛ naate waa lee mɛ tɛ bá kpo la, bwɛɛlɛ. Dɛ ba fe ta naate lolɛ ɡba fe bɔ!”

Amanesoma Luk Aa Chwera Tɔn 11:52

Hé Tɔnjerema ɡe bwɛɛlɛ! He do kɛŋɔ nɛra baa laa dea Korowii wejema aa lɔ o bini karɛ, dɛ laa koŋkare la kpɔ haa wola o binii jo, he ɡe aa nɛra ŋwɛnɛɛ tɛ bá jo dɛ́ ka hweli.”

Amanesoma Jɔn Aa Chwera Tɔn 19:6

Sɔfonomonome ne nɛra baa dɛ daah Korowii Dea la aa nao la, ba kpɔ takpeɡ ŋɔ, “Gel ba kpoo! Gel ba kpaaro pɛl daɡaɡre ta!” Anee Paelet chaŋ ba ŋɔ, “Hé ɡbaɡba ba kpɔɔ ka kpaa pɛl daɡaɡre ta. N te ta wobɛlbwa o nɛɛ nae dɛ́ che a ta dɛ́ ɡel ba kpoo.”

Amanesoma Jɔn Aa Chwera Tɔn 9:22

Dɛ Juu tena nomonome laanee baa ɔmɛ waa ba ŋɔ ɡɛ. Nomonome la ɛ nyoa beŋkpoŋ kɛŋɔ nomɛlbwa waa ŋɔ Yeesu ɛ Kristo la, baa doŋi naatee o bɛ ba cheremi dea jo kpa.

Tɔn Jud Aa Chwera 1:11

Bá bwɛɛlɛ! Ba teŋɛ Keen ŋwɛnɛchɔɡe la ta. Ba koh suuɡanyin waa dɛ kpɔ ba te jo wechɔɡa Balam fa aa ɛa la ta. Ba dɛ vuuɡi Korowii kɛŋɔ Kora fa aa dɛ ɛ la. Korowii ɛɛ chɔɡ baa kɛŋɔ waa chɔɡ Kora la ken.