Aesaya 1:21 - mzwDBL

²¹ Bwɛɛ kasinteŋ diile fa aa lɔ o ta, taraken ba do kɛŋɔ haah waa le o jaa habɔɔ dɛɛ nyin baala ken. Nɛndɛɛɡa ɡboo fa o bwa, kɛ taraken nɛŋkpoa su o bwa.

Aesaya 1:21 Iomraidhean Croise

2 Samoɛl 8:15

Kooro Devid di kora Israel harɛ bwa, dɛ nyiŋi o nɛra waa aa toɡra ne kasinteŋ ne.

2 Webena 19:9

O do ɡɛ nomonome la ŋɔ, “Hé kpɔ kasinteŋ ne bambidɛɛɡe, dɛ Korowii ɔma dɛɛ ɛ he toma.

Nehemia 11:1

Aa ba dɛ la sie tama la, harɛ la ta nomonome baa so Jerusalam, asɛ nɛra la kabora bil daa, dɛ le dembeŋkpoŋ nɛra le deremi fi bɛlbwa bini, ba ba so Jerusalam bwɛjen waa do ɡoroŋ la ta, asɛ banuanaarɛ kar la ɡe ka so ba bwɛɛre ta.

Yela 46:4

Nee bɛl ɡelɔ nɛra ɛɛ dɔ silɛɛ, Korowii bwɛjen la ta, Nemenɛ Korowii Dea waa do ɡoroŋ la ta.

Yela 48:1

Korowii yaa dɛ tomɔ kan, a chɛ kɛ yá kpɛɛro o bwɛjen waa chɔŋɛ bwejen waa do ɡoroŋ la ta.

Yela 48:8

Ya no waa Korowii aa ɛa, dɛ ɡbaɡba naa siwi ne, Nemenɛ Korowii waa ɛ Korowii yaa dɛ tomɔ bwɛjen la ta. Wɛɛ kpɔ nɔnee tɔ o bwɛjen la taa saŋ bɛlbwa dɛɛ la.

Aesaya 1:22

Bwɛɛ he fa aa do kɛŋɔ suuɡapoŋ la, taraken haa were kpa. He fa do kɛŋɔ sendɛɛɡa, kɛ taraken he do kɛŋɔ baa pule nee a ta ken.

Aesaya 26:10

A lole kɛŋɔ he ɛ wedɛɛɡa dɛɛ tɛ wechɔɡ-ɛɛra, kɛ baa waa aa toɡra hweli. Hale harɛ o nɛra wa aa toɡra ta teŋɔ dɛɛ ɛ wechɔɡa, ba sie aa he kan haa doa tɔɡɛ.

Aesaya 48:2

He dɛ́ maŋkura he te ŋɔ he le bwɛjen Jerusalam, dɛ ŋɔ he kpɔ he te dawɛ men Koranar Bwa Kooro, Israel tena aa dɛ tom mɛ la nɛ.

Aesaya 5:7

Koranar Bwa Kooroo dɔ daa koo la, asɛ koo la che tɛ Israel tena. Daa la cheɡɔɔ tɛ Juda tena, banee daa waa chɔɔra o sie lɛ a ta la. O fe dɛ nyin kɛ baa ɛ waa aa wera, asɛ ba berɛ dɛɛ kpoo nɛra. Dɛ o dɛ nyin kɛ baa ɛ wedɛɛɡa ɡe, kɛ nɛra baa dɛ fiɡ ba wii wɛɛ no.

Aesaya 59:14

Waa aa ɛ kpela ne waa aa toɡra kaa bojaŋ, a do kɛŋɔ kasinteŋ toole kpa ken.

Aesaya 59:15

Anomanta, kasinteŋ tonɔ, dɛ ɡel nɛra baa laa ba te dɛɛ kpɔ wechɔɡa ta la, nɛra berɛ hah ba.” Korowii na ɡɛ, asɛ o sie ta lɛɛ kɛŋɔ kasinteŋ aa wola toole la.

Aesaya 59:3

Nɛŋkpoa ne wedoŋa ɡboo su he bwa. Waa aa dɛ le he nyoo ɛ nyosone, hɛɛ lii nyubinikpeɡ we-ɛɛla.

Jeremia 3:1

Korowii ŋɔ, “Dɛ baa vɛh o haah asɛ haah la ka yalɛ banfale aa, baa la aa won ka kpɔɔ ba o dea kpa. Gɛ waa nɔ ɛɛ won kpɔ harɛchɔɡ tenten ba. Gɛ tentenee he teŋɛ voɡare nɛɛ kohona kɛŋɔ hanjwamane aa dɛ teŋɛ baala nɛ. He dɛ nyin he berɛ ba n be naa?

Hosia 11:12

Korowii ŋɔ, “Nyosone ɡboo Israel tena teŋe dɛɛ tɛ mɛ, tɔpere bwaa baa neɡ mɛ. Juda tena ta dɛ ɛɛ mɛ deŋnekpeɡ, men Korowii Maa Do Goroŋ dɛ dɔ kasinteŋ la.”

Hosia 2:5

Ba nya le n habɔɔ, dɛ ka di sɛm lolɛ sihihbii. O ŋɔ, ‘Mɛɛ teŋɛ banfala nɛɛ dɛ́ kpɔ n te tɛɛ ba, ásɛ ba tɛ mɛ kondikwaa ne ne, ne pee pona yale ne yapondɛɛɡa, ne ɔleve noo dɛ sen.’

Habakuk 1:4

Mmara bɛlbwa toole dɛɛ di nɛn, anomanta, kasinteŋ toole kpa. Nɛnchɔɡa dɛ tɔ nɛndɛɛɡa ŋwɛnɛ, dɛɛ berɛ waa aa ɛ kasinteŋ sie.”

Sekaria 8:3

Mɛɛ berɔɔ ba Jerusalam, bela n Saayɔn Bwejen aa lole dɛ́ ba so. Baa yerɛ Jerusalamee Kasinteŋ Bwɛjen, ásɛ dɛɛ yerɛ men Koranar Bwa Kooro Bwejen la Bwejen Waa Do Goroŋ.”

Amanesoma Luk Aa Chwera Tɔn 13:34

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

We-ɛɛla 7:52

Korowii keamere la bini ume nɛɛ he naawa aa wola cheɡɛ dɛ ɛo saɡasaɡa nɔ? Ba ta nɛra Korowii aa toma ŋɔ bá ba bol o Bonɔɔ la bala waa la kpooraa? Waa bala la, he ɡe ta on yoɡe dɛ kpoo wa aa?

Hibru 12:22

He te aa ba Korowii be nɔ, Saayɔn Bwejen ne Jerusalam waa lɔ nyundua dɛ ɛ Korowii waa lole saŋ bɛlbwa bwɛjen la, o taa he ba. Bela nyundua toroma kaɡboŋlafa aa chema silɛɛ ne laanee he ba.

Wepila 11:2

Bɛ bela waa ja Dea la ta ba tel bela mɔɔ dɛɛ jo Dea la tenten bini la te maɡɛ. Teŋe bela ta, dɛkalkɛ Korowii kpɔ bela tɛ nɛra baa wola on tomɛ, ásɛ ba tiɡri o bwɛjen Jerusalam la ta korobie fifraanaarɛ dɛ anɛ.

Wepila 11:8

ásɛ ba lala chɔ bwɛjen la ba fa aa kpo ba Dɔɔ daɡaɡre ta la fɔɡbaah. Baa wonoo dɛɛ yerɛ bela Sodom, dɛ́ berɛ won dɛɛ yerɛ bela Ijipt.

Wepila 17:1

Belaa nyundua toroma banuanɛ baa kpoŋe loɡa anuanɛ la bɛl ŋɔ n be ŋɔ, “Ba ń baɡle ɡɛ Korowii aa dɛ ba jwamane te tenten la deŋne tɛra. O soɡe neerare nyoo.