Aesaya 1:2 - mzwDBL

² Aesaya ŋɔ, Nɛra haa lɔ nyundua ne harɛ, hɛ́ɛ no waa Korowii aa bola! “N dɛɛ n bii dɛ nyiŋ ba ba kpeɡ, kɛ ba kpaŋe n nɛ.

Aesaya 1:2 Iomraidhean Croise

2 Koranar 21:22

O berɛ habɔɔ kpo Korowii o naawa aa toma la, dɛ vɛh Korowii waa ta teŋa.

Yela 49:1

Nómɛlbwa no waa nɔ, nɛra haa lɔ harɛ nɔ ta bobɛlbwa,

Yela 50:4

O ŋɔ nyundua ne harɛ di danseɛ kɛŋɔ nɛra, ásɛ o bol o nɛra wa, dɛ́ pa ba bole.

Aesaya 30:1

Korowii berɔ ŋɔ, “Deŋnekpeɡ tena baa dɛ di kora Juda harɛ ta la, ba bwɛɛlɛ! Ba dɛ teŋɛ ba ɡbaɡba liire aa wola n be leɛ ta, dɛɛ fɔwɛ nyopɛo fɔo n Doma aa wola ba nɛɛ jae, dɛ ɛ wechɔɡa dɛɛ ja wechɔɡa ta.

Aesaya 30:9

Ba ɛ nɛra baa dɛ lɛ ɡaeh ne nyosonteŋna. Ba ɛ nɛra baa vɛh Korowii waa noe.

Aesaya 31:6

Korowii berɔ ŋɔ, “Israel tena, he berɛ ba men he siwi aa sa mɛ, dɛ berɛ habɔɔ kpo mɛ la be.

Aesaya 34:1

Harɛre nɛra, hé suuh tel dɛ́ no! Hé cheɡ deŋne dɛ́ no! Hé ɡel harɛ ne kwaa bwa aa lɔ o ta no n wa!

Aesaya 63:16

Dɛ ya nabaa Abraham ne Jekɔb ŋɔ baa yaa jemɛ kwaraa naa, he te aa yaa ta, henee ya mɛɛ.

Aesaya 65:2

Saŋ bɛlbwaa n paɡri n nɔɔra kɛŋɔ ń lɛ n nɛra ba deŋne aa kpeɡa, dɛɛ ɛ waa baa dɛ nyin.

Jeremia 13:15

Israel tena, Korowiirii bol waa la. Hé cheɡ deŋne dɛɛ no o be, he bɛ deŋnekpeɡ ɛ.

Jeremia 22:29

Harɛ nɔɔ dɛ́ ɛ danseɛ dɛ́ cheɡ deŋne dɛ́ no Korowii waa waa bola.

Jeremia 3:22

Hé berɛ ba, he nɛra he wa aa wola kasinteŋ dɔe, dɛ berɛ habɔɔ kpo Korowii. Wɛɛ chah heyaa dɛ́ ɡel he waa berɛ dɔ kasinteŋ. He ŋɔ, “Ya sɛoh ŋɔ yaa berɔ ba Korowii be, dɛkalkɛ onee Korowii yaa dɛ tomɛ.

Jeremia 31:9

Baa ba wii nee, dɛɛ soŋe men Korowii, ɡɛ saŋ maa laɡ ba dɛɛ ba. Mɛɛ laɡ baa kpɔ nenabɔɔne nyoo, harɛ waa chɔa kaa, baa wola naa lɔ o ta, dɛkalkɛ n ɛ Israel tena mɛɛ, Efrem ɡe ɛ n bibanloɡle.”

Jeremia 6:19

Hé no, harɛre nɛra bwa, n kpɔ wenaale dɛɛ ba n nɛra nɛ, ásɛ a ɛ ba wechɔɡa kembɔr, dɛkalkɛ ba ta n waa noɛ dɛ vɛh men Mmarare ta teŋa.

Ɛsekeɛl 24:3

Kpɔ sɛɡla bol waa chaɡle Israel deŋnekpeɡ tena la be ŋɔ, men Nemenɛ Korowii ŋɔ, ‘Hé ɛ nee do vii bini, dɛ́ kpɔ chɔŋɛ nii ta.

Ɛsekeɛl 36:4

Anomanta, Israel bwejena ne deŋɡarere, ne nenabɔɔne ne fɛlembɔjena, ne bwɛɛre aa chɔɡa dɛ chɔ pɛɛ, dɛ bwɛjena baa pa a laala laa ta kaa, harɛre nɛra baa bar heyaa cheme la mamɛ heya.

Emɔs 3:1

Korowii ŋɔ, “Israel tena, he no waa aa le n be dɛɛ ba he harɛbir nɛra maa lawɛ heyaa le Ijipt harɛ ta la nɛ.

Maeka 1:1

Baa bɛl sɔne Maeka dɛ le Mɔresɛt. Korowii pili waane aa dɛ ba bwɛjena Samaria ne Jerusalam chiɡa baɡlo. Dɛ ɡɛ saŋee Juda koranar bane baa dɛ yer ba Jotam ne Ahas dɛ Hɛsɛkea di kora teŋɛ dɔŋa nɛɛ Juda harɛ ta.

Maeka 1:2

Hé no, nɛra haa lɔ harɛ nɔ ta bwa, ne komɛlbwa waa lɔ harɛ nɔ ta. Nemenɛ Korowii le o Dea waa do ɡoroŋ nyundua dɛɛ ba dɛ́ ba bol waa bɔ heya.

Maeka 3:8

Kɛ n te, Korowii ɡelɔ o Doma ba so n nɛ, asɛ n dɔ kasinteŋ ne kpeɡri dɛ́ bol Israel tena wechɔɡa wa.

Malakae 1:6

Koranar Bwa Kooro ŋɔ sɔfore la be ŋɔ, “Bie dɛɛ tɛ o mɛɛ jirima, asɛ bonɔɔ ɡe ɛɛ tɛ o nomoa duure. Menee he mɛɛ, ɛrɛɛ haa wola jirima kpɔe dɛɛ tɛ mɛ nɔ? N ɛ he dɔɔ, ɛrɛɛ haa wola duure kpɔe dɛɛ tɛ mɛ nɔ? He sɔfore, heyaa wola duure kpɔe dɛɛ tɛ n sɔn, kɛ he dɛ bɔɔ ŋɔ, ‘Ɛrɛɛ yaa wola duure kpɔe dɛɛ tɛ he sɔn ɔ?’ ”

We-ɛɛla 4:20

Waa ya ɡbaɡba aa naa dɛ no la, yaa won ɡel a bola bwa!”

Mmarare 1:31

Hé berɔ na ɡɛ waa ɛa tɛ heyaa pua hɛŋle ɡbo harɛ la ta ja, ɡɛ waa kpɔ heyaa kɛŋɔ mɛɛ yon kpɔ o bie la. O kpɔ heyaa le bela bwa dɔŋ haa lea dɛ ba tel bonɔ nɔ.’

Mmarare 30:19

Nyundua ne harɛ ɛ danseɛ fini kɛŋɔ n tɛ heyaa mkpa ne seo, dɛ som Korowii aa dɛ tɛ ne taahna. Kɛ hé kpɔ a bini bɛl. Hé kpɔ mkpa.

Mmarare 32:1

Waa aa lɔ Mosis yel la bini laanee nɔ. “Nyundua ne harɛ hé no n be, hé cheɡ deŋne dɛ́ no waa maa dɛ ba bola nɔ.

Mmarare 4:26

Harɛ ne nyundua ɛ n danseɛ fini, dɛ he kaa ɛ deŋnekpeɡ n waa nɔ ta harɛ haa dɛ ba Jɔɔdan Moo lee dɛ́ ka so o ta la ta naa, hee hɛɛ ba hee le harɛ la ta. Haa belaa so biɡri, he bwa ɛɛ heo kwaraa.