Aesaya 1:10 - mzwDBL

¹⁰ Jerusalam tena, he ne he nomonome baa dɛ nyiŋi harɛ la ta, he do kɛŋɔ Sodom ne Gomoora tena ken. Hé no waa Korowii aa dɛ bol he be, hé cheɡ deŋne dɛ́ no waa Korowii yaa dɛ tomɔ nɔ aa dɛ baɡle heya.

Aesaya 1:10 Iomraidhean Croise

Mumpar 13:13

A ɡɛ Sodom tena nɔ, dɛ ba nyubini kpeɡri ba wechɔɡa do kan Korowii be.

Aesaya 28:14

Anomanta, he sitɔɔla haa dɛ nyiŋi Jerusalam tena nɛɛ he siwi aa wola nɛn tɔɡɛ, hé no waa Korowii aa dɛ bol.

Aesaya 3:9

Ba siebɔra ɡba dɛ baɡle ba nɛnsoo. Ba dɛ ɛ wechɔɡa kpelelee kɛŋɔ Sodom tena, baa an sɔh. Bá bwɛɛlɛ! Ba ɡbaɡbaa nyin ba wahala dɛ dɔ.

Aesaya 30:9

Ba ɛ nɛra baa dɛ lɛ ɡaeh ne nyosonteŋna. Ba ɛ nɛra baa vɛh Korowii waa noe.

Aesaya 33:22

Korowiirii dɛ́ bol ya wa, onee do Mmarare dɛɛ tɛ yaa, dɛ́ ɛ ya kooro. Onee dɛ́ lɛ yaa.

Aesaya 8:20

Báa teŋɛ me Mmara ne n webaɡla la ta! Dɛ ba ta ɡɛ waa la aa dɛ baɡle la bolaa, amɔ te a do kɛŋɔ baa soɡe biro ta ken.

Jeremia 23:14

N berɔ na waane aa wola were kwaraa keamere baa lɔ Jerusalam ɡe nɛ. Ba dɛ bɔ jwamane dɛɛ teŋe nyosone. Ba dɛ do wechɔɡ-ɛɛra ɡbemba wechɔɡa ɛɛ ta, a ɡel nomɛlbwa aa charɛ dɛɛ le a ta. Ba wechɔɡa do kɛŋɔ Sodom ne Gomoora tena n be.”

Jeremia 9:26

Banee Ijipt ne Juda ne Edom ne Amɔn ne Moab tena, dɛ nɛra baa lɔ pua hɛŋle ɡbo harɛ ta, dɛ do bojaŋ harɛre ta la. Dɛkalkɛ a ɡɛ harɛre nɔ nɛra ne Israel tena ta n waa kpɔe do ba bambile bini.”

Ɛsekeɛl 13:2

“Nɛwɛnyini bie, kah Israel keamere baa kpɔ ba ɡbabir liire dɛɛ bol waa aa dɛ ba bala la. Ŋɔ ba be ŋɔ, bá cheɡ deŋne, dɛ́ no waa maa dɛ bol.”

Ɛsekeɛl 16:35

Anomanta, Jerusalam, he do kɛ hanjwamane. Dɛ́ɛ no waa Korowii aa dɛ bol he be.

Ɛsekeɛl 16:46

He nahaahnee Samaria, o ne o bihaahna so he weekaŋle nyunduabɔr. He nime bihaah ɡee Sodom, o ne o bihaahna so he weekaŋle harɛbɔr.

Ɛsekeɛl 16:49

Wechɔɡa he nime Sodom aa dɛ ɛ laanee nɔ. O ne o bihaahna dɔ mbarafo, ba dɔɔ kohona dɛɛ di ba waane laa nomɛlbwa wa. Ba ta nyaara ne nɛra aa hiah ba chae.

Emɔs 3:1

Korowii ŋɔ, “Israel tena, he no waa aa le n be dɛɛ ba he harɛbir nɛra maa lawɛ heyaa le Ijipt harɛ ta la nɛ.

Emɔs 3:8

Nyujente kɔraa, umee wola ɔmɔɔ? Nemenɛ Korowii bol wa aa, umee wola la ka bol o waa aa dɛ ba bala laɔ?

Emɔs 9:7

Korowii ŋɔ, “Israel tena, n dɛ nyin he waa kɛŋɔ maa dɛ nyin Itiopia tena waa la. Gɛ maa lawɛ he Israel tena le Ijipt harɛ ta la, ɡɛɛ n lawɛ Filisti tena le ekwi harɛ Kret ta, dɛ lawɛ Siiria tena le Kir. Men Korowiirii bola.

Maeka 3:1

Asɛ men Maeka berɛ ŋɔ, “Israel nomonome, ne sitɔɔla haa lɔ Israel, hé no. Heyaa chɛ kɛ hé jemɛ waa aa toɡra dɛ do wer,

Tɔn Pɔɔl Aa Chwerɛ Rom Tena 9:29

Anee Aesaya fa bol la, “Dɛ Koranar Bwa Kooro fe ta o nɛra dwee tama bane ɡelɛ aa, ya fe ɛɛ tonɔɔ kwaraa kɛŋɔ Sodom ne Gomoora tena.”

Mmarare 32:32

Ya dɔma la wechɔɡa do kɛŋɔ Sodom ne Gomoora tena wechɔɡa ken. Ba do kɛŋɔ daa nɔna baa kpɔa dɛɛ ɛ sen, dɛ do kpeli dɛɛ kpo ɡe.

Wepila 11:8

ásɛ ba lala chɔ bwɛjen la ba fa aa kpo ba Dɔɔ daɡaɡre ta la fɔɡbaah. Baa wonoo dɛɛ yerɛ bela Sodom, dɛ́ berɛ won dɛɛ yerɛ bela Ijipt.