Aesaya 1:1 - mzwDBL

¹ Baa bɛlee fa lole baa yerɔ Emɔɔs, o bibaa sɔne Aesaya. Korowii pili waane bini kɛŋɔ deera ken baɡle Aesaya, aa ba Juda harɛ ta ne Jerusalam chiɡa. O naa ɡɛ saŋ koranar bane aa di kora teŋɛ dɔŋa nɛɛ Juda harɛ ta, banee Ussia ne Jotam ne Ahas, dɛ Hɛsɛkea.

Aesaya 1:1 Iomraidhean Croise

2 Koranar 15:1

Kooro Jɛroboam waa teŋa nɛɛ aa di kora Israel harɛ ta bene fifraanɛ dɛ anuanɛ taa Kooro Amasea bibaa Ussia di kora Juda harɛ ta.

2 Koranar 15:13

Kooro Ussia aa di kora Juda harɛ ta bene fifraatoro dɛ anuanaarɛ taa Jabes bibaa Salum di kora Israel harɛ ta. O soɡe Samaria di kora korobie.

2 Koranar 15:32

Remalia bibaa Kooro Pɛka aa di kora Israel harɛ ta la, bennɛɛte taa Kooro Ussia bibaa Jotam di kora Juda harɛ ta.

2 Koranar 15:7

Kooro Ussia baa sewɛ, asɛ ba huɡo Jerusalam, bela baa huɡe o naawa, Kooro Devid Bwɛjen ta. O bibaa Jotam chiɡ o naa ta dɛ di kora.

2 Koranar 18:1

Ɛla bibaa Kooro Hosia aa di kora Israel harɛ bene atoro la, a taa Kooro Ahas bibaa Hɛsɛkea di kora Juda harɛ ta,

2 Koranar 19:2

O tomɛ Eliakim waa dɛ nyiŋi koodem waa ta, ne Sɛbna waa ɛ karake, dɛ bela sɔfore nomonome ba ɡe aa tɔ lweyale ŋɔ, bá la Emɔɔs bibaa Korowii keame Aesaya be.

2 Webena 26:1

Kooro Amasea aa sewa la, Juda tena bwa lawɛ o bibaa Ussia baa chiɡ o mɛɛ naa ta o di kora. Dɛ o di bene fi dɛ anumɛl.

2 Webena 26:22

Waane ɡe aa chiɡ Kooro Ussia kora dii ta, le mumpar kaa a jaɡa la, Emɔɔs bibaa Korowii keame Aesaya chwera do tɔn bini.

2 Webena 27:1

Kooro Jotam aa di kora dɛ o dɔ bene fifraanɛ dɛ anue. O soɡe Jerusalam di kora bene fi dɛ anumɛl. O nya sɔne Jerusa, asɛ o nya ɡe mɛɛ sɔne Sadɔk.

2 Webena 28:1

Kooro Ahas di bene fifraanɛ mɔɔ dɛ di kora. O soɡe Jerusalam dɛ di kora bene fi dɛ anumɛl. Dɛ o ta doe kɛŋɔ o nabaa Kooro Devid, o ta waa aa too Korowii tea ɛɛ.

2 Webena 29:33

Kwaa baa kpoora ɛ sarahare la lɔ nabala lafraanumɛl, dɛ peera ne boohna kaɡboŋa atoro.

Yela 89:19

N Naa Korowii, saŋ la he pili he waa bini baɡle he nɛndɛɛɡa ŋɔ, “N tɛ banyoo bɛl kpeɡri, n kpɔ kora tɛ nɛn maa leo cheɡ le nɛra bini.

Aesaya 13:1

Babelɔn waa Korowii aa kpɔa baɡle Emɔɔs bie Aesaya chaahna ta laanee nɔ.

Aesaya 2:1

Waa Korowii aa kpɔa baɡle Emɔɔs bibaa Aesaya, a ɛ Juda harɛ ne Jerusalam harɛ ta waa nɔ.

Aesaya 20:2

a ɡɛ saŋee Korowii che Emɔɔs bie Aesaya nɛɛ dɛ bol ŋɔ, “Ka laa lweyal wur bil, dɛ́ laa naŋɡawa parame he nakpale.” Asɛ Aesaya ka ɛ ɡɛ, dɛ valɛ dakpaŋ ne o nakpapɛɛ ne.

Aesaya 21:2

N na waane kɛŋɔ chaahna ken a ɛ lokua kohona. Bane le dɔŋa dɛɛ tɛ, bane ɡee chɔɡ kwaa kohona. Elam tena, hé ka lɔ tɔ ba nɛɛ dɛ́ yoo ba! Midia tena, hé bar ba bwɛjena cheme, dɛ́ tɔ ba do! Korowii ɛɛ ɡeloo wahala Babelɔn aa ba a ne la teŋe.

Aesaya 37:2

O tomɛ Eliakim waa dɛ nyiŋi koodem waa ta, ne Sɛbna waa ɛ karake, dɛ bela sɔfore nomonome ba ɡe aa tɔ lweyale ŋɔ, bá la Emɔɔs bibaa Korowii keame Aesaya be.

Aesaya 38:1

Aa ba dɛ la sie la, weela lɔ Kooro Hɛsɛkea wɛɛ ba sewa. Asɛ Emɔɔs bibaa Korowii keame Aesaya la o be dɛ ka ŋɔ, “Waa Korowii aa dɛ bol laanee kɛŋɔ, ɛ he dem ne he wobɛlbwa kɛrɛdɛ, dɛkalkɛŋɔ haa he weela nɔ taa ir, hɛɛ chɔ he banɔn taa!”

Aesaya 40:9

Jerusalam tena, he teeh kaa bwejena dor, dɛ́ ka bol amanesoma la! Hé bola takpeɡ ne, he bɛ ɔmɛ, hé ŋɔ Juda harɛ bwɛɛre nɛra be ŋɔ, “Korowii haa dɛ tomɔ la dɛ ba.”

Aesaya 6:1

A bena Kooro Ussia aa sewa, men Aesaya na Korowii chaahna ta, dɛ o soɡe kookara waa daŋa dɛ ɡwaa komɛlbwa ta, asɛ o laala tɔ Korowii Dea bela harɛ bwa.

Aesaya 7:1

A ɡɛ saŋ, laa chole Juda Kooro Ahas ne koranar banɛ bane baah ta. Koranar la bɛlee Siiria Kooro Resin, bɛl ɡee Israel Kooro Pɛka, o mɛɛ sɔne Remalia. Kooro Ahas ɡe mɛɛ sɔne Jotam, o nabaa ɡee Ussia. Kooro Resin ne Pɛka kpɔ ba laa tena ba Jerusalam dɛ ba yoo ba, kɛ ba ta wone pɔ ba nɛ.

Jeremia 23:16

Waa Koranar Bwa Kooro aa dɛ bol laanee nɔ. “He bɛ waa keamere la aa dɛ bol he be la no, ba dɛ chɔɡ he liire, hwɛɡa bɛlbwa toole a ta. Anɔ la baa liira ɡboo ba na chaahna ta dɛɛ baɡle, waa men Korowii aa bola laa.

Ɛsekeɛl 1:1

Waa aa lɔ tɔn nɔ bini nɔ, Korowiirii pila baɡle men Busi bie sɔfo Ɛsekeɛl. Baa lawɛ n ne Juu tena laa ta kaa Babelɔn harɛ ta ka so Keba Moo nyoa, bene fifraatoro korobie anaarɛ tɔpenue taa a ɡɛ waa nɔ chiɡ.

Hosia 1:1

Korowii pili o waa bini baɡle Beeri bibaa Hosia. A ɡɛ saŋee koranar bane kɛŋɔ Ussia, ne Jotam, ne Ahas dɛ Hɛsɛkea di kora Juda harɛ ta teŋɛ dɔŋa nɛ. Dɛ Jehoas bibaa Kooro Jɛroboam di kora Israel harɛ ta.

Emɔs 1:1

Baa bɛl sɔne Emɔs, dɛ o ɛ peteɡre dɛ so Tekoa. Korowii pili waane aa dɛ ba Israel harɛ ta bala baɡlo chaahna ta, bene anɛ mɔɔ harɛ jiɡra bɛl chiɡ Israel harɛ ta. Gɛ saŋ dɛ Kooro Ussia di kora Juda harɛ ta, asɛ Jehoas bibaa Kooro Jɛroboam ɡe di kora Israel harɛ ta.

Emɔs 4:5

Israel tena, hé kpɔ paanoo iisi aa lɔ a ta ɛ saraha ba jam mɛ, dɛɛ baɡle he te saraha aa le he bambile la ta, dɛkalkɛ anee hɛɛ nyin ɛɛ kɛrɛdɛ. Men Nemenɛ Korowiirii bola.

Maeka 1:1

Baa bɛl sɔne Maeka dɛ le Mɔresɛt. Korowii pili waane aa dɛ ba bwɛjena Samaria ne Jerusalam chiɡa baɡlo. Dɛ ɡɛ saŋee Juda koranar bane baa dɛ yer ba Jotam ne Ahas dɛ Hɛsɛkea di kora teŋɛ dɔŋa nɛɛ Juda harɛ ta.

Neehum 1:1

Waa aa chiɡ bwɛjen Niniwe, Korowii bol baɡle Neehum waa le Ɛlkɔs chaahna ta, asɛ o chwerɛ bil laanee nɔ.

Habakuk 2:2

Ate, Korowii ŋɔ n be ŋɔ, “Chwerɛ waa maa pili a bini baɡle chaahna ta la dawɛ bwepɛle ta, ɡɛ baa dɛ ba wona naa dɛ́ kure.

Nɛra Kura 12:6

O ŋɔ, “Hé no n waa nɔ, Dɛ n keame lɔ he bini naa, chaahna taa n che dɛ kpɔ n te dɛɛ baɡlo, dɛɛ bol waa o be deera ta.

Nɛra Kura 24:16

Nɛn waa dɛ no Korowii waa waa bola la, dɛ́ dɔ waa mun noe le Nemenɛ Korowii be. Nɛn waa na wepila le Korowii Waa Ɛ Kpeɡri Bwa Dɔɔ be, dɛ chole chɔ harɛ asɛ n sie pili wɛɛ nyiŋi.

Nɛra Kura 24:4

nɛn waa dɛ no Korowii waa waa bola. Nɛn waa dɛ na waa Korowii Waa Ɛ Kpeɡri Bwa Dɔɔ aa pili a bini, dɛ chole chɔ harɛ o sie pili wɛɛ nyiŋi.

Matiu 17:9

Baa le bwejen la doa dɛɛ ba la, Yeesu ja ba ŋɔ, “He bɛ waa nɔ haa naa nɔ taa baɡle nomɛlbwa bwa, dɛ́ ka tel ɡɛ saŋ Korowii aa ɡel Men Nɛn Bie ir seo ta mɔɔ.”

We-ɛɛla 10:17

Pita aa wola waa la mun jemɛ dɛ so sakaa la, kerabeŋkpoŋ dɛ nɛra Kɔnɛɛleɔs aa tom ba la balɔ. Ba bɔɔ Seemɔn dem dɛ ka che dem la doonyoa,

We-ɛɛla 26:19

N Naa kooro, maa na ɡɛ waa nɔ la, n ta vɛɛh. Gɛ bwa Yeesu aa le nyundua ba ŋɔ n be la, n ɛo.

2 Kɔrent 12:1

A chɛ kɛ n maŋkura n te. N jemɔ kɛ aa wobɛlbwa kwaa te. Mɛɛ baɡle chaahna Korowii aa ɡela n na, ne waa waa pila baɡ mɛ.

2 Pita 1:21

Akai! Baa chwera la, ba ɡbaɡba liire ne laa ba chwera. Korowii Domadɛɛɡee ir Korowii nɛra nɛ, asɛ baa bol waa aa dɛ ba bala kerekere Korowii aa kpɔa do ba nyoa.