2 Kɔrent 8:2 - mzwDBL

² Ba na wahala kɛrɛdɛ. A lole kɛ nyaaraa ban kohona, kɛ ba sie aa lɛ Yeesu lɛɛ waa lɛɛ ba la ta kohona nomanta, ba wono ta suuɡa kohona asɛ ba kpɔ cha nɛra.

2 Kɔrent 8:2 Iomraidhean Croise

Sɛɡla 11:25

Dɛɛ pili nɔn ásɛ wobɛlbwa do wer tɛɛ, dɛɛ cha banfala ásɛ ba cha he ɡe.

Matiu 20:15

N ta ŋwɛnɛ dɔe kɛ ń kpɔ n ɡbaɡba suuɡa ɛ ɡɛ aa too n tea a? Kɛɛ ɡɛ maa ta tea dɛ ɛ laanee dɛɛ we he nɛ?’ ”

Tɔn Pɔɔl Aa Chwerɛ Rom Tena 12:8

Dɛ nɛra ɡbemba doe kpeɡrii Korowii tɛɛ naa, a chɛ kɛ hɛɛ ɛ ɡɛ. Dɛ dɔŋa kwaa kɛɛ kpeɡrii o tɛɛ naa, a chɛ kɛ hɛɛ ɛa bambile bwa ne. Dɛ waa sie tɔe kpeɡrii o tɛɛ naa, a chɛ kɛ hɛɛ ɛa tea bwa ne. Dɛ wedɛɛɡa ɛɛ kpeɡrii o tɛɛ naa, a chɛ kɛ hɛɛ ɛa tepoŋ ne.

Tɔn Pɔɔl Aa Chwerɛ Rom Tena 2:4

Waa nɔ bwaa Korowii ta tea dɛɛ ɛ heya, dɛɛ tɛ heyaa sisɔna dɛɛ lawɛ bambile nɔ bwa, ásɛ he charɛ he liire dɛ́ le he wechɔɡa ta. Kɛ haa o wedɛɛɡa nɔ bu, dɛɛ nyiŋa pɛɛ.

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

2 Kɔrent 2:9

Maa dɛ nyin kɛŋɔ ń ɛ heyaa dɛ́ na kɛŋɔ hɛɛ no n waa ta wobɛlbwa taa kɛɛ haa no la, a waa n chwerɛ heyaa tɔn la.

2 Kɔrent 6:10

Ba dɛ ɛ yaa tebinichɔɡ wa, kɛ saŋ bɛlbwa dɛ ya lɔ silɛɛ ta. Ya ɛ nyaara, kɛ ya won nɛra chae kohona. Ya ta komɛlbwa dɔe, kɛ yan ɡee komɛlbwa.

2 Kɔrent 9:11

Wɛɛ ɡeloo he dɔ saŋ bɛlbwa dɛ́ won ta tea dɛɛ tɛ Korowii nɛra saŋ bɛlbwa, ásɛ nɛra warɛ pirim dɛ́ jam Korowii he koŋkɛɛla la yaa kpɔa tɛɛ ba la wa.

2 Kɔrent 9:13

He we-ɛɛla nɔ ɛɛ ɡeloo nɛra na he yarada haa dɔa, dɛ́ jam Korowii a wa. Baa jam Korowiirii kɛŋɔ haa dɛ teŋɛ Yeesu Kristo Amanesoma la haa ŋɔa he yaradaa la ta. Nɛra ɛɛ jam Korowiirii kɛŋɔ nomɛlbwa aa wola heyaa doe, asɛ he ɡbaɡba ta tea dɛ tɛ ba ne nomɛlbwa kwaa haa dɔa nɔ.

Mmarare 15:4

Korowii haa dɛ tomɔ nɔ ɛɛ swee heyaa andɛɛɡa kohonaa, he bini bɛlbwa aa wola nya bwa, harɛ waa kpɔa dɛɛ tɛ heyaa la ta.

1 Tesalonika 1:6

Hé nyiŋi yaa dɛ́ kpɔ ya ne ya Dɔɔ da la. Haa no Korowii Waa la dɛ yaradaa la, he na wahala ɡa, kɛ he wono lɛ Korowii Waa la silɛɛ aa le Korowii Domadɛɛɡe la be ne.

1 Tesalonika 2:14

Yabala, he ne Korowii nɛra baa lɔ Juda harɛ dɛɛ teŋɛ Yeesu Kristo nɛɛ la bwa ɛ beŋkpoŋ, dɛkalkɛŋɔ wahala baa naa Juu tena be la, he ɡe na a dɔŋa he bwɛɛ tena be.

Jems 2:5

Yabala, hé no! Korowii we-ɛɛlaa kɛŋɔ ó le harɛ nɔ ta nyaara baa yaradao kɛrɛdɛ ásɛ ba yarada la ɛɛ ba kondɔɔh, ásɛ ba dɔ bɔr dɛ́ ja o Kora waa baɡɛ nyoa ŋɔ wɛɛ ɡeloo nɛra baa dɛ nyinu ja o ta la.

Wepila 2:9

N jemɛ he wahala ne he nyae wa, kɛ he ɛ dɔɔhna taeh. N jemɛ wechɔɡa nɛra baa dɛ yerɛ ba te Juu tena kɛ dɛ ɛ Bɔnsam habɔteŋra la aa bola dawɛ he nɛ.