2 Kɔrent 8:1 - mzwDBL

¹ Yabala, ya dɛ nyin he jemɛ ɡɛ Korowii aa sune Makidoonia asɔre tena nɛɛ dɛ cha ba ba dɔ bonya kohona.

2 Kɔrent 8:1 Iomraidhean Croise

Matiu 25:22

Bonɔɔ nɛɛte la ɡe ba dɛ ba ŋɔ, ‘N Dɔɔ, bɔre anɛɛ he tɛ mɛ, kɛ n ɡe berɔ dɔ a dɔŋa ja a ta. Anee la.’

We-ɛɛla 11:23

Waa la bela dɛ ka na ɡɛ Korowii aa nyin ba dɛɛ cha ba la, o sie lɛo. Anomanta, o ja ba dɛ do ba ɡbemba ŋɔ báa teŋɛ Yeesu ŋwɛnɛ ta ba bambile bwa ne.

We-ɛɛla 16:9

Awola jwaana ne la, Pɔɔl na wepila ane. O nao kɛ Makidoonia harɛ te bɛl aa cheɡa dɛɛ soŋo dɛɛ ŋɔ, “Ba Makidoonia dɛ ba lɛ yaa.”

We-ɛɛla 24:17

Nomoa, maa le Jerusalam biɡro, asɛ n la bela ŋɔ ń kpɔ suuɡa ane ka tɛ n bala Juu tena ba soɡa bini aa kpeɡa tɛɛ ba, ásɛ dɛ ɛ n saraha ane.

Tɔn Pɔɔl Aa Chwerɛ Rom Tena 15:26

Ba bala baa lɔ Makidoonia ne Akaya harɛre ta koŋkwaare ane ŋɔ ń kpɔ ka tɛ Jerusalam Korowii nɛra ba wa aa toɡra, ba soɡa bini do kpeɡri tɛɛ ba la.

1 Kɔrent 15:10

Kɛ Korowii sune n nɛ, dɛ cha mɛ. Chae waa cha mɛ laanee ɡela n do ɡɛ maa doa nɔ la. O suna waa sune n nɛɛ la ta pɛɛ ɛɛ. N iro, asɛ dɛɛ ɛ o toma la kohona hale dɛ ɡwaa n bala toroma la kwara. N ɡbaɡba kpeɡri ne laa mɛɛ ɛ toma nɔ. Korowiirii sune n nɛɛ dɛ cha mɛ, asɛ mɛɛ ɛa ɡɛ la.

2 Kɔrent 11:9

Gɛ saŋ maa lɔ he be la, suuɡa waa hiah mɛ naa, maa n te kpɔe dɛɛ dawɛ he nɛ. Yabala baa le Makidoonia harɛ ba laanee baa tɛ mɛ kwaa maa dɛ nyin bwa. Gɛ n fa aa wola n te kpɔe dawɛ he nɛɛ wubwa la, ɡɛɛ maa wola n tenee kpɔ dawɛ he nɛɛ saŋ bɛlbwa bwa.

2 Kɔrent 9:12

Dɛ ya kpɔ he koŋkɛɛla nɔ dɛɛ tɛ Korowii nɛra aa hiah ba aa, dɛ chae ɡbo laa hɛɛ cha ba. Dɛ a cheɡɛ a ta nɛra kpɔ silɛɛ ɡee jam Korowii kohona.

2 Kɔrent 9:2

N jemɔ kɛŋɔ he te dɛ nyin ba chae. Anomanta, n kpɔ heyaa maŋkura n te Makidoonia tena be taeh. N ŋɔ ba be ŋɔ, “Bena ken bwaa yabala baa lɔ Akaya harɛ la swɛɛ siwi dɛɛ nyin nɛra chae.” He siwi aa swɛɛra hɛɛ nyin nɛra chae la, a ɡelɔ ba kɛrɛdɛ ɡee nyin nɛra chae.

2 Kɔrent 9:4

Makidoonia harɛ tena teŋɛ n nɛɛ ba dɛ ba na kɛŋɔ he ta he te kpɔe mɔɔ naa, dɛ sihiih ta he te kpoe yaa, sihiih ɛɛ kpo ya tenee, dɛ le ɡɛ yaa dɛ maŋkura heyaa la nomanta.

Ɛfesos 3:8

N ɛ bechala o nɛra bwa bini n fe aa wola chɛɛ, kɛ menee o le ŋɔ ń bol o Amanesoma la baɡle nɛra baa wola Juu tena ɛɛ, ásɛ ba ɡe jemɛ wedɛɛɡa aa wola jaɡa dɔe dɛ le Yeesu Kristo waa bini.

Kolosi 1:29

A waa ɡela n swɛɛ siwi dɛ takapɔ dɛɛ ɛ toma la. Yeesu Kristoo tɛ mɛ kpeɡri ɡa n won dɛɛ ɛ ɡɛ toma la.

1 Tesalonika 4:10

Kasinteŋ, he dɛ nyin he bala baa lɔ Makidoonia harɛ la bwa. Yabala, ya dɛ soŋe heyaa kɛ he bɛ waa nɔ ɡel, kɛ hé ɛ ɡwaa ɡɛ.