2 Kɔrent 7:4 - mzwDBL

⁴ He waa dɔ kasinteŋ n be. He ɡelɔ n baŋa ɛɛ pa taeh. Ya wenaale yaa dɛ na bwa habɔɔ la, n bwara ta hwaeh. N sie ta dɛ lɛ taeh.

2 Kɔrent 7:4 Iomraidhean Croise

We-ɛɛla 5:41

Baa le nomonome la be, dɛ ba sie lɛo kohona kɛŋɔ Korowii aa tɛɛ ba sɔn dɛ ɡel ba ɡe maɡa nɔ dɔŋ won koh Yeesu waa dɛ di sihiih ne weweele la.

Tɔn Pɔɔl Aa Chwerɛ Rom Tena 5:3

A ɡbo ta laa ya dɔ silɛɛ. Ya sie dɛ lɛ ya wahala yaa dɛ na nɔ ta, dɛkalkɛŋɔ ya jemɔ kɛŋɔ anee dɛɛ ba ɡela ya dɔ bambile.

1 Kɔrent 1:4

N dɛ jam Korowii tɔpere bɛlbwa kɛ waa koh pɛɛ he ne Yeesu Kristo aa pɛa la waa dɛ sune he nɛɛ dɛɛ cha heyaa nɔ.

2 Kɔrent 1:14

Taraken haa jemɛ ya waa tama nɔ, n dɛ lii kɛŋɔ hɛɛ jemɛ ya waa bwaa, ásɛ awola tɔpere ya Dɔɔ Yeesu Kristo aa ba la, he baŋa pa ya waa kɛŋɔ ya baŋa aa pa he waa la.

2 Kɔrent 1:4

On dɛɛ larawe ya bwara ya wenaale bwa ta, ásɛ ya ɡe won che bambisɔɔhna waa tɛ yaa la ta dɛɛ larawe yabala baa lɔ wenaale bɛlbwa soo siwi ta la bwara.

2 Kɔrent 10:8

Dɛ n dɛ maŋkura kpeɡri ya Dɔɔ aa tɛ yaa ŋɔ yá kpɔ dɛɛ cha heyaa la aa, sihiih aa men kpo. O tɛ mɛ kpeɡri ń won cha heya. O ta men kpeɡri tɛɛ ń kpɔ chɔɡ heya.

2 Kɔrent 11:21

A dɛ ɛɛ mɛ sihiih kɛ n bol waa nɔ. N ta jemɛ kɛ ya berɔ do pwɛre tɛ heyaa to. Ya ta an kɛrɛdɛ ɛɛ. Dɛ nomɛl dɔ wobɛl dɛ won koh a waa maŋkura o te naa, n ɡba ɛɛ wonoo maŋkura n te a ɡɛ waa la ta. Gɛnewaa mɛɛ bol nɔ te.

2 Kɔrent 2:14

Korowii jam kɛ waa cheɡɛ ya Dɔɔ Yeesu Kristo nɛɛ dɛ ɡel ya yo dɛɛ le nɔ. Korowii cheɡɛ ya nɛɛ dɛ ɡel nɛra ɛɛ no Yeesu Kristo waa la bobɛlbwa kɛŋɔ, konsɔɔhsoma sɔɔh aa dɛ le nomɛlbwa ɛɛ no la.

2 Kɔrent 3:12

Ya dɔ hwɛɡa ɡɛ waa nɔ ta, anomanta, yaa ɔmɛ.

2 Kɔrent 7:14

N fa bol he waa Taetos be, dɛ kpɛɛ heya. He ta ɡelɛ sihiih kpo mɛ. Waa yaa bol he be la bwa ɛ kasinteŋ. Gɛɛ waa yaa bol Taetos be dɛ kpɛɛ heyaa la bwa ɛ kasinteŋ.

2 Kɔrent 8:24

Anomanta, hé ɡel ba na ɡɛ haa dɛ nyin nɛn, ásɛ asɔre tena bwa no, dɛ́ jemɛ kɛŋɔ yaa koh he waa dɛɛ maŋkura ya te la, pɛɛ laa.

Felepae 1:14

Asɛ n dea chɔe la berɛ ɡel yabala ɡalɡa ɡee yarada ya Dɔɔ Yeesu kohona, dɛ́ dɔ bambile dɛ́ɛ baɡle Korowii Waa la kɛrɛdɛ, baa wola ɔmɛ.

Felepae 1:20

Waa maa dɛ nyin n siwi swɛɛ a ta laanee kɛŋɔ, n bɛ n toma ba ɛ kahonɛ sihiih kpo mɛ, kɛɛ n won dɔ bambile kɛrɛdɛ taraken kɛŋɔ n fa aa dɔ bambile la, ásɛ Yeesu Kristo won dɔ jirima n we-ɛɛla bini. Dɛ ba ɡelɔ n so le noo, ba kpo mɛ noo, Yéesu Kristo dɔ jirima a bwa bini.

Felepae 1:26

ásɛ dɛ n baa so he be ja aa, he won dɔ bɔr kɛrɛdɛ dɛɛ jaaɡi n wa, dɛ́ɛ kpɛɛ Yeesu Kristo.

Felepae 2:17

Kɛ dɛ yarada haa dɛ yarada Korowii dɛɛ tomɔ la do kɛŋɔ saraha, asɛ a chɛ kɛ n chal fuɡe a ta naa, n dɛ nyin ɡɛ. A ba ɡɛ naa, n sie ɛɛ lɛo, ásɛ he puu mɛ lɛ sie.

Kolosi 1:24

Taraken a do n som kɛ maa lɛ he wahala dɛɛ na. Wahala lole ń che Yeesu Kristo naa ta dɛ́ na tɛ asɔre tena baa ɛ o bwadabii la. Anomanta, a do n som kɛ maa dɛ ba wona na wahala aa kaa la ane, ásɛ a won tonɛ.

1 Tesalonika 2:19

Ya sie beɡra aa beɡra nɔ, he bee ya hwɛɡa ne silɛɛ do. He waa ya Dɔɔ Yeesu ɛɛ ba yaa tɔɔ dawa, ya hɛɡre awola waa ba ya ba che o sie la.

1 Tesalonika 2:2

He jemɔ kɛ ba tɔ sie ɛ yaa hɔhɔrɔwa Felepae dɛ chɛɡre yaa taeh mɔɔ ya ba he be Amanesoma la ne la. Kɛ Korowii tɛ yaa bansua ya won bol o waa la.

2 Tesalonika 1:4

Ya ɡbaɡba dɛ bol he waa dɛɛ baɡle asɔre tena baa cheme bobɛlbwa dɛɛ tomɛ Korowii la, dɛɛ kpɛɛ heya. Ya dɛ ŋɔ ba be ɡɛ nɛra aa dɛ ɛ heyaa hɔhɔrɔwa, aa no heyaa saŋ bɛlbwa, asɛ he dɔ bambile haa wola habɔɔ le dɛ ta teŋɛ dɛɛ yarada Yeesu la.

Faelemɔn 1:7

N dam, he nyina haa dɛ nyin Korowii nɛra ba wa aa toɡra la dɛ do mɛ ɡbemba dɛ ɡel n sie ɛɛ lɛ taeh, dɛkalkɛ he dɛ nyiŋ ba dɛɛ do ba ɡbemba.

Jems 1:2

Yabala, dɛ wobɛlbwa pu heyaa dɛ ɛ wekpeɡa aa, hé ɡel he sie lɛ.