2 Kɔrent 6:3 - mzwDBL

³ Yaa nyin kɛ nomɛlbwa dɔ ya toma wechɔɡe bɛlbwa dɛ bol, anomanta, waa aa ɡel nɛra lɔ naa la, yaa an kpɔe dɛɛ ɛɛ ba.

2 Kɔrent 6:3 Iomraidhean Croise

Matiu 17:27

Kɛ maa wola nyin kɛ yá jo ba nɛɛ nomanta, la moo ta, dɛ́ ka ta ɡoŋa. Pɛŋe bɛlbwa waa tɔ sie ba tɛr ɡoŋa la, lɔɔ le baŋ dɛ́ nyiŋi o nyoa bini. Hɛɛ na suuɡa bwe waa tel n ne he bwa toɔ laanee, ásɛ he kpɔ ka bɔ tɛ ya bwa.”

Matiu 18:6

Kɛ nomɛlbwa waa neɡre bechajeɡre nɔ dɔŋ bɛlbwa waa dɛ yarada mɛ nɔ ásɛ o ɛ wechɔɡa la, dɛ ba fe vɔwɛ nambwe do o baŋa, dɛ kpɔɔ ka ta mpo vil ta kwaraa fe bɔ.

We-ɛɛla 19:27

Waa dɛ ɛ ɡɛ nɔ, n dɛ ɔmɛ kɛŋɔ ya toma nɔ sɔn bɛ ba chɔɡ. Ya toma nɔ ɡbo sɔn laa dɛɛ ba chɔɡa. Ya voɡjen Aatemes dea nɔ nɛra aa dɛ maŋkurao nɔ, baa on komɛlbwa yera ba kpa, ásɛ o sɔn sewɛ, ásɛ dɛ kpo voɡ baa dɛ tomɔ Eesia harɛ ne bobɛlbwa la sɔn kwaraa! Baa on ɔmɛ kpa.”

Tɔn Pɔɔl Aa Chwerɛ Rom Tena 14:13

Aa do ɡɛ nɔ, yá ɡel dɔŋa pwaeh. Waa aa chɛ kɛ yaa ɛ laanee kɛŋɔ ya ɛ ya liire kɛŋɔ waa aa ɡel ya dɔŋa lɔ naa dɛ chole kɛɛ ba ɛ wechɔɡa la, yaa ɡel a ɛɛ.

1 Kɔrent 9:12

He dɛ tɛ bane ɡɛ. Dɛ ɡɛ nɛra la dɔ ɡɛ ŋwɛnɛ aa, amɔ dɛ ya te ta pɔeh yaa? Kɛ ya te aa ɡɛ kpeɡri la baɡle he nɛ, dɛ dɔ bambile wobɛlbwa ta dɛ bɛ Yeesu Kristo Amanesoma la ŋwɛnɛ tɔ.

1 Kɔrent 9:22

Dɛ n kaa koo nɛra bini, dɛ ba yarada aa kanɛ Yeesu Kristo waa ta naa, n ɡe dɛ ɛ n te kɛŋɔ ba bini bɛl, ásɛ dɛ won dɔɔ ba. Gɛ nomɛlbwa aa doa la, ɡɛɛ mɛɛ ɛ n te, ásɛ dɛ che ŋwɛnɛ bɛl ta, dɛ́ won dɔ bane, ásɛ Korowii lɛɛ ba.

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

2 Kɔrent 8:20

Ya dɛ nyiŋi kɛrɛdɛ ásɛ nomɛlbwa bɛ waane ba dɔ bol dɛ́ le ɡɛ yaa dɛ nyiŋi koŋkɛɛla damanta nɔ ta.