2 Kɔrent 4:3 - mzwDBL

³ Yeesu Kristo Amanesoma nɔ yaa dɛ bol nɔ, dɛ a sɔɔh kwaraa naa, dɛ nɛra baa dɛ nyoɡre la bee a sɔh.

2 Kɔrent 4:3 Iomraidhean Croise

Matiu 11:25

Belaa Yeesu kpɛɛ Korowii ŋɔ, “N Mɛɛ, nyundua ne harɛ bwa Dɔɔ! N dɛ jaame kɛ haa kpɔ he waa nɔ sɔh sipila tena ne wejerema, dɛ kpɔ baɡle nɛra baa wola wobɛlbwa jemɛ nɔ.

Tɔn Pɔɔl Aa Chwerɛ Rom Tena 2:16

Waa nɔ bwaa dɛɛ ba ɛɛ awola Korowii aa dɛ ba nɛra wechɔɡa baa ɛa dɛɛ sɔh la ne bochaah lee, ásɛ Yeesu Kristo pa ba bole. Gɛɛ me Amanesoma la ɛɛ baɡle.

1 Kɔrent 1:18

O daɡaɡre la ta seo la yaa dɛ bol a waa la ɛ wesale tɛ nɛra baa dɛ nyoɡre. Kɛ ya banɔ la Korowii aa dɛ lɛ yaa la te, ya jemɔ kɛŋɔ Korowii kpeɡri lɔ a ta.

1 Kɔrent 2:6

Ya dɛ bol wejema waa te dɛɛ baɡle nɛra ba sie aa chaah Korowii waa ta kɛrɛdɛ. Wejema yaa dɛ baɡle a waa nɔ ta harɛ nɔ ta nɛra ne ba nɛnjena wejema ɛɛ. Ba te, ɛɛ baa ɛ pɛɛpɛɛ.

2 Kɔrent 2:12

Maa baa tel Troas ŋɔ ń bol Yeesu Kristo Amanesoma la, n nao kɛŋɔ ya Dɔɔ pili ŋwɛnɛ tɛ mɛ kɛ ń ɛ toma bela.

2 Kɔrent 3:14

Israel tena fa aa waa la mun no. Taraken ɡba, ɡɛɛ ba ta do. Baa dɛ kure fɔobene la waa la, a ta do kɛ baa kpɔ yachaahne tɔ ba sie. Ba ta Yeesu Kristo waa lɛɛ yaa, yachaahne la aa ba sie lee ba.

2 Kɔrent 4:4

Bɔnsam baa dɛ maŋkurao harɛ nɔ ta kɛŋɔ Korowii la, o chɔɡ nɛra baa wola Yeesu yarada la liire. Waa nyin kɛŋɔ Amanesoma nii aa le Yeesu Kristo o wa aa dɔ jirima kohona be la chaah ba. Yeesu do ɡɛ Korowii aa doa.

1 Tesalonika 1:5

dɛkalkɛŋɔ Amanesoma la yaa baɡle heyaa la, wobol ɡbo ta laa a che dɛ ba he be. Awola haa no waa la, Korowii kpeɡri la ne o Domadɛɛɡe la ɡelɔ he jemɛ kɛŋɔ a ɛ kpela. He jemɛ ɡɛ yaa koh he waa dɛ kpoŋe ya te ɡɛ saŋ ya ne haa soɡa la.

1 Timoti 1:11

Gɛ waa aa toɡra la bwa lɔ Amanesoma Korowii aa kpɔa do n nɔn ta ŋɔ ń chaɡle nɛra la ta. Anee dɛɛ baɡle Korowii waa dɔ jirima ne silɛɛ la wa.